កាណាដាត្រៀមខ្លួនជាស្រេចបើកចំហរទីផ្សារបន្ថែមទៀតសម្រាប់ទំនិញវៀតណាម
កប.អនឡាញ - នាពេលថ្មីៗនេះ ក្នុងសិក្ខាសាលា “កាណាដា - ច្រកទ្វារសម្រាប់ធុរកិច្ចវៀតណាមចូលទៅកាន់ទីផ្សារអាមេរិកខាងជើង” ដែលប្រព្រឹត្តទៅនៅទីក្រុងហូជីមិញ លោក Dan On ប្រធានសមាគមពាណិជ្ជកម្មកាណាដា-វៀតណាមបានមានប្រសាសន៍ថា កាណាដាតែងតែបង្កើតលក្ខខណ្ឌអំណោយផលសម្រាប់ធុរកិច្ចវៀតណាម ក៏ដូចជាបើកចំហរទីផ្សារបន្ថែមទៀតសម្រាប់ទំនិញវៀតណាម។ ជាពិសេសគឺផលិតផលកសិកម្ម ជលផល ក៏ដូចជាកិច្ចសហប្រតិបត្តិការវប្បធម៌ កីឡា ទេសចរណ៍ ជំនួបប្រាស្រ័យរវាងប្រជាជននិងប្រជាជន...
យោងតាមលោក Nguyen Quang Trung អគ្គកុងស៊ុលវៀតណាមប្រចាំនៅទីក្រុង Vancouver (កាណាដា) បានឲ្យដឹងថា មកទល់ពេលនេះ វៀតណាមបាននាំចេញទំនិញសម្បូរបែបទៅកាន់ប្រទេសនេះ ដូចជាទូរសព្ទដៃ កុំព្យូទ័រ វាយនភណ្ឌ ស្បែកជើង គ្រឿងសង្ហារឹម ជលផល កៅស៊ូ។ល។
    |
 |
|
ទិដ្ឋភាពសិក្ខាសាលា (រូបថត៖ vnanet.vn) |
ប៉ុន្តែ ធុរកិច្ចវៀតណាមមិនទាន់មានព័ត៌មានច្រើនអំពីទីផ្សារ ការនិយមចូលចិត្តប្រើប្រាស់ ក៏ដូចជាគោលនយោបាយ គោលនយោបាយអនុគ្រោះ និងវិធានការគាំពារពាណិជ្ជកម្មរបស់ប្រទេសកាណាដា។ ដូច្នេះ បើធៀបនឹងសក្ដានុពល និងតម្រូវការនៃទីផ្សារ ចំនួនទំនិញវៀតណាមនៅមានកម្រិតតិចតួចនៅឡើយ។
ចែករំលែកជាមួយវិនិយោគិនកាណាដា លោក Vo Van Hoan អនុប្រធានគណៈកម្មាធិការប្រជាជនទីក្រុងហូជីមិញ បានឲ្យដឹងថា នៅទីក្រុងហូជីមិញ ប្រទេសកាណាដាមានគម្រោងវិនិយោគចំនួន ១៣១ ដោយមានទុនវិនិយោគសរុបជាង ១៣៣ លានដុល្លារអាមេរិក។ ក្នុងរយៈពេល ១០ ខែដំបូងនៃឆ្នាំ ២០២៣ ប្រទេសកាណាដាមានគម្រោងចំនួន ២០ ដោយមានទុនវិនិយោគសរុបចំនួន ៣.១ លានដុល្លារអាមេរិក៕
បកប្រែដោយ Thuy Anh