កិច្ចសន្ទនាវៀតណាម និងជប៉ុនស្តីពីការគ្រប់គ្រងសមុទ្រ
កប.អនឡាញ - នាថ្ងៃទី ១៦ ខែតុលា នៅទីក្រុងហាណូយ នាយកដ្ឋានសមុទ្រនិងកោះវៀតណាម (ក្រសួងធនធានធម្មជាតិ និងបរិស្ថានវៀតណាម) បានសហការជាមួយលេខាធិការដ្ឋានគោលនយោបាយមហាសមុទ្រ (ទីស្តីការគណៈរដ្ឋមន្រ្តីជប៉ុន) រៀបចំកិច្ចសន្ទនាស្តីពីគោលនយោបាយសេដ្ឋកិច្ចសមុទ្រវៀតណាម-ជប៉ុនឆ្នាំ២០២៣។
នេះជាសកម្មភាពសំខាន់ដើម្បីអនុវត្តអនុស្សរណៈយោគយល់គ្នាស្ដីពីកិច្ចសហប្រតិបត្តិការលើវិស័យគោលនយោបាយសមុទ្រនិងមហាសមុទ្ររវាងក្រសួងធនធានធម្មជាតិ និងបរិស្ថានវៀតណាម និងទីស្តីការគណៈរដ្ឋមន្រ្តីជប៉ុនដែលបានចុះហត្ថលេខាក្នុងឆ្នាំ២០១៨។ ក្នុងកិច្ចសន្ទនា ប្រតិភូបានពិភាក្សាអំពីគោលនយោបាយ ច្បាប់ស្ដីពីសមុទ្រ និងការអភិវឌ្ឍសេដ្ឋកិច្ចសមុទ្ររបស់វៀតណាម គ្រប់គ្រង ការពារ និងកាត់បន្ថយការបំពុលបរិស្ថានសមុទ្រ គោលនយោបាយជម្រុញការអភិវឌ្ឍវិស័យថាមពលខ្យល់នៅឆ្នេរសមុទ្ររបស់ជប៉ុន។ល៕
បកប្រែដោយ Thuy Anh