សហគមន៍សហគ្រាសកាណាដា ជួយគាំទ្រវៀតណាមស្ដារសេដ្ឋកិច្ចឡើងវិញ
កប.អនឡាញ - នាថ្ងៃទី២៤ ខែវិច្ឆិកា នាយកដ្ឋានគយនៃទីក្រុងហូជីមិញបានសហការជាមួយស្ថានកុងស៊ុលកាណាដាប្រចាំទីក្រុងហូជីមិញ រៀបចំសិក្ខាសាលាតាមប្រព័ន្ធវីដេអូ ក្រោមប្រធានបទ “សហគមន៍សហគ្រាសកាណាដា និងនាយកដ្ឋានគយទីក្រុងហូជីមិញ ភាពជាដៃគូគួរឲ្យជឿទុកចិត្ត ពួតដៃស្ដារសេដ្ឋកិច្ចឡើងវិញក្រោយជំងឺរាតត្បាត”។
សិក្ខាសាលាមានការចូលរួមពីសហគ្រាសជាង៥០។ នេះជាឱកាសសម្រាប់សហគមន៍សហគ្រាសចែករំលែកការលំបាក និងលើកសំណើដែលពាក់ព័ន្ធដល់ការអនុវត្តកិច្ចព្រមព្រៀងគ្រប់ជ្រុងជ្រោយ និងជឿនលឿនសម្រាប់ភាពជាដៃគូអន្តរប៉ាស៊ីហ្វិក (CPTPP)។
តាមរយៈនោះ ស្វែងរកដំណោះស្រាយជួយគាំទ្រ និងបង្កើតលក្ខខណ្ឌអំណោយផលសម្រាប់ការនាំចេញនាំចូលរបស់សហគមន៍សហគ្រាស ធានាឲ្យកំណើនសេដ្ឋកិច្ចទ្វេភាគី ដោយផ្តោតលើការរក្សាប្រកបដោយប្រសិទ្ធភាពនូវការប្រយុទ្ធប្រឆាំងនឹងជំងឺរាតត្បាត។ ក្នុងសិក្ខាសាលា តំណាងនាយកដ្ឋានគយទីក្រុងហូជីមិញបានណែនាំអំពីការអនុវត្តឯកសារដែលទើបចេញផ្សាយ ការផ្លាស់ប្តូរនៃគោលនយោបាយ ច្បាប់ នីតិវិធីគយ ជួយគាំទ្រសហគ្រាសលើកកម្ពស់សមត្ថភាពក្នុងការអនុវត្តនីតិវិធីគយ៕
បកប្រែដោយ Thuy Anh