“ជម្រុញការធ្វើអាជីវកម្មរុស្ស៊ី-វៀតណាម”
កប.អនឡាញ - នាថ្ងៃទី៤ ខែតុលា នៅសភាពាណិជ្ជកម្ម និងឧស្សាហកម្ម St. Petersburg បានបើកកម្មវិធី “ជម្រុញការធ្វើអាជីវកម្មរុស្ស៊ី-វៀតណាម” ដែលសហការរៀបចំដោយគណៈកម្មាធិការយុវជនសហព័ន្ធរុស្ស៊ី គណៈកម្មាធិការទក់ទងបរទេសទីក្រុង St. Petersburg និងសាកលវិទ្យាល័យសេដ្ឋកិច្ចជាតិ St. Petersburg។
ខ្លឹមសាររបស់កម្មវិធី “ជម្រុញការធ្វើអាជីវកម្មរុស្ស៊ី-វៀតណាម” គឺការអភិវឌ្ឍគម្រោងធ្វើអាជីវកម្មរបស់ក្រុមហ៊ុន start-up ក្នុងបំណងនាំគម្រោងរបស់រុស្ស៊ីចូលកាន់ទីផ្សារវៀតណាម និងទាក់ទាញការវិនិយោគរបស់វៀតណាមលើសេដ្ឋកិច្ចរុស្ស៊ី។ ក្នុងកម្មវិធីនេះ សហគ្រាសរុស្ស៊ីផ្តោតសំខាន់លើទំនាក់ទំនងវប្បធម៌ និន្នាការនៃការធ្វើអាជីវកម្ម និងទិសដៅសហប្រតិបត្តិការជាយុទ្ធសាស្ត្រ មូលដ្ឋានច្បាប់នៃសកម្មភាពអាជីវកម្មនៅរុស្ស៊ី និងវៀតណាម ការទាក់ទាញការវិនិយោគលើគម្រោងធ្វើអាជីវកម្មរបស់រុស្ស៊ី និងវៀតណាម។ល៕
បកប្រែដោយ Thuy Anh