អូស្រ្តាលីជួយគាំទ្រ​វៀតណាមក្នុងការវាយតម្លៃលើផលប៉ះពាល់នៃការប្រើប្រាស់បច្ចេកវិទ្យាទៅលើផលិតភាពនិងកំណើន

នៅពេលបញ្ចប់កម្មវិធីស្រាវជ្រាវដែលមានតម្លៃជាទឹកប្រាក់ចំនួន​ ៥០០,០០០ ដុល្លារអូស្រ្តាលីនឹងផ្តល់ទម្រង់សម្រាប់វាយតម្លៃលើផលប៉ះពាល់នៃការស្រាវជ្រាវ និងការអនុវត្តបច្ចេកវិទ្យាទៅលើផលិតភាព និងកំណើនផលិតផលក្នុងស្រុកសរុបនៅវៀតណាម (រូបថត៖ tuoitre.vn)

សកម្មភាពស្រាវជ្រាវនេះនឹងត្រូវអនុវត្តនៅឆ្នាំ២០២០ តាមរយៈកិច្ចសហប្រតិបត្តិការរវាងអង្គការស្រាវជ្រាវ​ឌី​ជី​ថ​ល​ឈាន​មុខគេរបស់អូស្រ្តាលី - Data61 នៃអង្គការស្រាវជ្រាវវិទ្យាសាស្ត្រ និងឧស្សាហកម្មអូស្ត្រាលី និងក្រសួងវិទ្​យា​សា​ស្ត្រ និងបច្ចេកវិទ្យាវៀតណាម។ នៅពេលបញ្ចប់ កម្មវិធីស្រាវជ្រាវដែលមានតម្លៃជាទឹកប្រាក់ចំនួន​ ៥០០,០០០ ដុល្លារអូស្រ្តាលីនឹងដាក់​ចេញ​ទម្រង់នានា​សម្រាប់វាយតម្លៃលើផលប៉ះពាល់នៃការស្រាវជ្រាវ និងការអនុវត្តបច្ចេកវិទ្យាទៅលើផលិតភាព​និងកំណើនផលិតផលក្នុងស្រុកសរុបនៅវៀតណាម។

កម្មវិធីស្រាវជ្រាវ “ការផ្លាស់ប្តូរបច្ចេកវិទ្យានៅវៀតណាម - បច្ចេកវិទ្យារួមវិភាគទានយ៉ាងដូចម្តេចទៅក្នុងផលិតភាព និងកំណើនសេដ្ឋកិច្ច” ត្រូវបានធ្វើឡើងនៅពេលនេះដោយផ្អែកលើអនុសាសន៍ពីរបាយការណ៍ “អនាគតខឿនសេដ្ឋកិច្​ច​ឌី​ជីថលរបស់វៀតណាមដល់ឆ្នាំ ២០៣០ និងដល់ឆ្នាំ ២០៤៥” ដែលបានប្រកាសនៅឆ្នាំ ២០១៩ ក៏ត្រូវបានជួយឧបត្ថម្ភដោយរដ្ឋាភិបាលអូស្ត្រាលីផងដែរ។ ការសិក្សាស្រាវជ្រាវលើកនេះ ជាមួយ Data61 នឹងជួយទទួលយកលទ្ធផល​ពីការសិក្សាស្រដៀងគ្នាដែលបានធ្វើនៅអូស្ត្រាលី ក៏ដូចជានៅប្រទេសអភិវឌ្ឍន៍ និងប្រទេសកំពុងអភិវឌ្ឍដទៃទៀត៕

បកប្រែដោយ Huyen Trang