សកម្មភាពដ៏មានអត្ថន័យជាច្រើនក្នុងឱកាសពិធីបុណ្យចូលឆ្នាំថ្មីរបស់ជនជាតិខ្មែរឆ្នាំ២០២៦ សម្រាប់កងទ័ពនិងប្រជាជន

ចាប់ពីថ្ងៃទី១០ ដល់ថ្ងៃទី១២ ខែមេសា ទីក្រុងកឹ Can Tho នឹងរៀបចំពិធីបុណ្យចូលឆ្នាំថ្មីរបស់ជនជាតិខ្មែរសម្រាប់កងទ័ពនិងប្រជាជន ដោយមានប្រធានបទ "កងទ័ពនិងប្រជាជនទីក្រុង Can Tho អបអរសាទរពិធីបុណ្យចូលឆ្នាំថ្មី២០២៦"។

ព្រឹត្តិការណ៍នឹងមានសកម្មភាពសុខុមាលភាពសង្គម ដូចជា៖ ការសាងសង់ផ្ទះមហាសាមគ្គី ការផ្តល់អំណោយដល់គ្រួសារក្រីក្រ និងគ្រួសារទទួលរបបឧបត្ថម្ភគោលនយោបាយ ការផ្តល់អាហារូបករណ៍ និងកង់សម្រាប់និស្សិតជនជាតិខ្មែរ ការពិនិត្យ និងព្យាបាលជំងឺដោយឥតគិតថ្លៃ។

ជារៀងរាល់ឆ្នាំ ពិធីបុណ្យរបស់ជនរួមជាតិខ្មែរតែងតែទទួលបានការយកចិត្តទុកដាក់ពីថ្នាក់ដឹកនាំនៃក្រុង Can Tho (រូបថត៖ vovworld.vn)

សកម្មភាពវប្បធម៌ សិល្បៈ និងកីឡា ល្បែងប្រជាប្រិយ ការប្រកួតធ្វើម្ហូប និងពិព័រណ៍តាំងបង្ហាញទំនិញវៀតណាមក៏នឹងត្រូវបានរៀបចំ រួមចំណែកដល់បរិយាកាសរីករាយ និងផ្សព្វផ្សាយអត្តសញ្ញាណវប្បធម៌របស់ប្រជាជនជនជាតិខ្មែរនៅទីក្រុង។

លោកវរសេនីយ៍ឯក Nguyen Van Cam អនុប្រធាននយោបាយនៃបញ្ជាការដ្ឋានយោធាក្រុង Can Tho បានឲ្យដឹងថា ដើម្បីធានាថាសកម្មភាពនៃពិធីបុណ្យនឹងនាំមកនូវប្រសិទ្ធភាពចាក់ស្ដែង បញ្ជាការដ្ឋានយោធាក្រុង Can Tho ស្នើឲ្យស្ថាប័ន និងអង្គភាពនានាផ្តោតលើការធានាថា អំណោយ និងអាហារូបករណ៍ទាំងអស់ត្រូវបានប្រគល់ឲ្យអ្នកទទួលដោយទាន់ពេលវេលា ព្រមទាំង ធានាថាប្រជាជនមានពិធីបុណ្យដោយសុវត្ថិភាពទាំងស្រុង៕

បកប្រែដោយ Thuy Anh