សមិទ្ធិផលនោះបានមកពីការខិតខំសិក្សា និងធ្វើតាមលោកអ៊ំ ហូ ដែលត្រូវបានអនុវត្តដោយប្រព័ន្ធនយោបាយទាំងមូល និងប្រជាជននៅក្នុងស្រុក ធ្វើតាមទម្រង់និងវិធីសាស្រ្តជាក់ស្តែង និងមានប្រសិទ្ធភាព។
ទៅកាន់ឃុំ Pu Nhi ស្រុក Dien Bien Dong ក្នុងប៉ុន្មានខែឧសភា ប្រវត្តិសាស្ត្រ មនុស្សជាច្រើនមានភាពឆ្ងល់ចំពោះការផ្លាស់ថ្មីនៅជនបទ ដែលធ្លាប់ទទួលរងផលឥទ្ធិពលអាក្រក់នៃគ្រឿងញៀន.. ប៉ុន្មានឆ្នាំមកនេះ ដោយបានកម្មាភិបាលកសិកម្មណែនាំអំពីបច្ចេកទេសផលិតកម្ម ការចិញ្ចឹមសត្វ និងការដាំដុះ ប្រជាជនឃុំ Pu Nhi បានចេះដាំសណ្តែកសៀងលាយឡំពោត ដាំដុះតាមប្រតិទិន... រួមចំណែកបង្កើនប្រាក់ចំណូល និងលើកកំពស់ជីវភាពរស់នៅរបស់គ្រួសារ។
|
|
ស្រុក Dien Bien Dong សហការជាមួយស្ថាប័ន និងអង្គភាពប្រគល់ផ្ទះ "មហាសាមគ្គី" ដល់គ្រួសារក្រីក្រនៅឃុំ Pu Nhi នៅខែមេសា ឆ្នាំ ២០២៤ |
ដោយមានការវិនិយោគពីរដ្ឋ និងការខិតខំប្រឹងប្រែងរបស់ជនជាតិភាគតិចនៅក្នុងឃុំនោះ បច្ចុប្បន្ននេះ គ្រួសារជាច្រើនទិញបានសម្ភារៈប្រើប្រាស់មួយចំនួនក្នុងផ្ទះដែលមានតម្លៃថ្លៃៗ និងមានលក្ខណ្ឌសម្រាប់ឲ្យកូនទៅសាលារៀន។ ប្រជាជននៅឃុំ Pu Nhi ក៏ត្រូវបានរដ្ឋផ្តល់ប័ណ្ណធានារ៉ាប់រងសុខភាព ទទួលការពិនិត្យសុខភាព ហើយកុមារក៏បានទទួលកម្មវិធីសុខភាពជាតិដែរ។ កម្មវិធីកសាងជនបទថ្មីក៏បើកឱកាសសម្រាប់ប្រជាពលរដ្ឋក្នុងឃុំ Pu Nhi អភិវឌ្ឍន៍ផលិតកម្ម និងលើកកំពស់ជីវភាពរស់នៅផងដែរ។
ដូចឃុំ Pu Nhi ដែរ Na Son គឺជាឃុំមួយដែលមានទម្រង់ប្រឡងប្រណាំងជាច្រើន សិក្សានិងធ្វើតាមលោកអ៊ំ ហូ លើកកម្ពស់ប្រសិទ្ធភាពនាពេលថ្មីៗនេះ ជាពិសេស "ផ្លាស់ប្ដូរពីការដាំស្រូវដែលគ្មានប្រសិទ្ធភាពទៅជាដាំដំណាំ និងរុក្ខជាតិមានតម្លៃខ្ពស់" រួមចំណែកបង្កើនប្រាក់ចំណូលសម្រាប់ប្រជាពលរដ្ឋ។
បើយោងតាមលោក Lo Van Khut លេខាបក្សភូមិ Su Lu ឃុំ Na Son បានឲ្យដឹងថា ដើម្បីបន្ស៊ាំទៅនឹងស្ថានភាពគ្រោះរាំងស្ងួត និងកង្វះទឹក ភូមិ Su Lu បានផ្លាស់ប្ដូរពីការដាំស្រូវទៅដាំសណ្តែកដីក្រហម ដែលនាំមកនូវតម្លៃសេដ្ឋកិច្ចខ្ពស់ជាងដំណាំប្រពៃណីមួយចំនួនទៀត។ អាស្រ័យហេតុនេះ គ្រួសារជាច្រើនអាចទិញរបស់របរប្រើប្រាស់ក្នុងផ្ទះដ៏មានតម្លៃ។ ជួសជុល និងកែលម្អផ្ទះ...
លោក Lo Van Khut ឲ្យដឹងថា បើចង់បានជីវភាពរស់នៅកាន់តែប្រសើរ យើងត្រូវផ្លាស់ប្តូរទាំងការគិត និងវិធីផលិត។ នេះក៏ជាវិធីសិក្សា និងធ្វើតាមលោកអ៊ំ ហូ ដោយការងារជាក់ស្ដែងដែលឃុំអនុវត្ដជារៀងរាល់ឆ្នាំ។ បច្ចុប្បន្ន ឃុំ Na Son មានភូមិជនបទថ្មី ឃុំសម្រេចបានលក្ខណៈវិនិច្ឆ័យជនបទថ្មី ១៦/១៩។
មកដល់ឃុំ Muong Luan យើងក៏បានឃើញពីការផ្លាស់ប្តូររូបរាង និងគុណភាពរស់នៅរបស់ប្រជាពលរដ្ឋនៅទីនេះផងដែរ។ លោក Lo Van Mai អនុលេខាគណៈកម្មាធិការបក្ស ប្រធានគណៈកម្មាធិការប្រជាជនឃុំ ឲ្យដឹងថា ការអនុវត្តសេចក្តីណែនាំលេខ ០៥-CT/TW ស្តីពីការជំរុញការសិក្សា និងអនុវត្តតាមសតិអារម្មណ៍ សីលធម៌ និងរចនាបថរបស់លោកប្រធានហូជីមិញ គណៈកម្មាធិការបក្សឃុំបានជំរុញការអនុវត្តទម្រង់ដែលផ្សារភ្ជាប់នឹងការកសាងជនបទថ្មី។ ចាប់តាំងពីពេលនោះមក ចលនាប្រឡងប្រណាំងបានប្រព្រឹត្ដទៅយ៉ាងខ្លាំងក្លា មិនត្រឹមតែកម្មាភិបាល និងសមាជិកបក្សប៉ុណ្ណោះទេ ថែមទាំងការយល់ដឹងរបស់ប្រជាជនក៏ត្រូវបានលើកកម្ពស់ផងដែរ។
ក្នុងការអនុវត្ត ឃុំមិនពឹងផ្អែកលើប្រភពទុនពីរដ្ឋទេ ប៉ុន្តែកំណត់ថា លក្ខណៈវិនិច្ឆ័យណាមួយដែលអំណោយផល និងក្នុងលទ្ធភាពរបស់ឃុំនឹងអនុវត្ដមុនសិនដូចជា៖ ការចលនាប្រជាពលរដ្ឋអភិវឌ្ឍសេដ្ឋកិច្ចគ្រួសារ ជួយគ្នាកាត់បន្ថយភាពក្រីក្រ បរិច្ចាគដីដើម្បីសាងសង់ផ្លូវ... អាស្រ័យហេតុនេះ លើកកម្ពស់ជីវភាពរស់នៅរបស់ប្រជាជនបន្តិចម្តងៗ អត្រាគ្រួសារក្រីក្រមានការថយចុះជាបន្តបន្ទាប់។
ចលនាសិក្សា និងធ្វើតាមលោកអ៊ំ ហូ នៅស្រុក Dien Bien Dong បានលេចចេញនូវទម្រង់ដ៏មានប្រសិទ្ធភាពជាច្រើន បង្កឱ្យមានការផ្លាស់ប្តូរជាវិជ្ជមានក្នុងការយល់ដឹង និងសកម្មភាពរបស់កម្មាភិបាល សមាជិកបក្ស និងប្រជាជនដូចជា៖ ទម្រង់ចិញ្ចឹមគោនៅឃុំ Phi Nhu , ទម្រង់ដាំត្រឡាចនៅឃុំ Tia Dinh, ដាំដើមម៉ាកានៅឃុំ Pu Nhi និងអភិវឌ្ឍន៍ ទេសចរណ៍សហគមន៍ឃុំ Nong U...
យោងតាមលោក Mua A Vang លេខាគណៈកម្មាធិការបក្សស្រុក Dien Bien Dong បានឲ្យដឹងថា ការអនុវត្តសេចក្តីណែនាំលេខ ០៥ ស្រុកទាំងមូលមានសាខាបក្សនិងបក្សភាគចំនួន ៥០/៥០ និង ១០០% ជាកម្មាភិបាល សមាជិកបក្ស បុគ្គលិក និងកម្មករចុះឈ្មោះបង្កើតផែនការសិក្សា និងធ្វើតាមសតិអារម្មណ៍ សីលធម៌ និងរចនាបថរបស់លោកប្រធានហូជីមិញ។ បច្ចុប្បន្ននេះ ស្រុកទាំងមូលមាន ១៩០/១៩៨ ជាភូមិវប្បធម៌; ១១,២៧២/១៣,៧០០ ជាគ្រួសារវប្បធម៌; ៩៥/១០១ ជាស្ថាប័នវប្បធម៌...
គណៈអចិន្ត្រៃយ៍នៃគណៈកម្មាធិការបក្សស្រុកក៏ដឹកនាំការបង្កើតខ្លឹមសារសិក្សា និងធ្វើតាមលោកអ៊ំ ហូ ចូលក្នុងកម្មវិធី និងផែនការសកម្មភាព។ ជាពិសេសផ្តោតលើការងារនយោបាយ បញ្ហាដែលប្រជាពលរដ្ឋចាប់អារម្មណ៍ដើម្បីដឹកនាំ និងដោះស្រាយដូចជា៖ ការលុបបំបាត់ភាពអត់ឃ្លាន កាត់បន្ថយភាពក្រីក្រ ធានាសន្តិសុខសង្គម បង្កើតការងារសម្រាប់កម្មករនៅជនបទ កសាងជនបទថ្មី។ អាស្រ័យហេតុនេះ អត្រានៃគ្រួសារក្រីក្ររបស់ស្រុកបានថយចុះ ៥.២១% បើធៀបនឹងឆ្នាំ ២០២០ ។ ស្រុកនេះជាមូលដ្ឋានមួយឈានមុខគេក្នុងខេត្តអំពីចំនួនមនុស្សទៅធ្វើការក្នុងសួនឧស្សាហកម្មដែលមានកម្មករជិត ៣,០០០នាក់៕
បកប្រែដោយ Pham Diep