មុខសញ្ញាទទួលរបបគោលនយោបាយជួយគាំទ្រការស្រាវជ្រាវ ការស្ដារឡើងវិញ ការអភិរក្ស និងពង្រីកវប្បធម៌អរូបី
កប.អនឡាញ - មិត្តអ្នកអាន Duong Van Ha នៅឃុំ Binh Nguyen ស្រុក Binh Son ខេត្ត Quang Ngai បានសួរថា តើមុខសញ្ញាទទួលរបបគោលនយោបាយជួយគាំទ្រការស្រាវជ្រាវ ស្តារ អភិរក្ស និងពង្រីកវប្បធម៌អរូបីរបស់ជនជាតិភាគតិចដែលប្រឈមនឹងហានិភ័យនៃការសាបរលាបបាត់ទៅយ៉ាងដូចម្តេច?
ចម្លើយ៖ បញ្ហាដែលអ្នកសួរមានចែងក្នុងសេចក្តីណែនាំលេខ 1684/HD-BVHTTDL ចុះថ្ងៃទី២៨ ខែមេសា ឆ្នាំ២០២៣ របស់ក្រសួងវប្បធម៌ កីឡា និងទេសចរណ៍ ដែលណែនាំការអនុវត្តគម្រោង “ការអភិរក្ស និងពង្រីកតម្លៃវប្បធម៌ ប្រពៃណីល្អរបស់ជនជាតិភាគតិចដែលតភ្ជាប់ជាមួយការអភិវឌ្ឍទេសចរណ៍” ក្នុងកម្មវិធីគោលដៅជាតិសម្រាប់ការអភិវឌ្ឍសេដ្ឋកិច្ចសង្គមនៅតំបន់ជនជាតិភាគតិច និងតំបន់ភ្នំដំណាក់កាល ២០២១-២០៣០ ដំណាក់កាលទី១ ពីឆ្នាំ២០២១ ដល់ឆ្នាំ២០២៥។ មុខសញ្ញាទទួលផលមានដូចខាងក្រោម៖
- ស្ថាប័ន អង្គការ អង្គភាពនិងបុគ្គលដែលមានសមត្ថភាព និងលក្ខខណ្ឌក្នុងការអនុវត្តកម្មវិធីស្រាវជ្រាវវិទ្យាសាស្ត្រស្តីពីវប្បធម៌ជនជាតិភាគតិច;
- ធុរកិច្ច សហករណ៍ អង្គការសេដ្ឋកិច្ច និងអង្គការសង្គមដែលប្រតិបត្តិការនៅតំបន់ជនជាតិភាគតិច និងតំបន់ភ្នំ។
- សិប្បករជនជាតិភាគតិច និងជនរួមជាតិភាគតិច;
-កម្មាភិបាល និងនិយោជិកដែលបំពេញការងារជនជាតិ និងគោលនយោបាយជនជាតិ។
|
|
រូបថតឧទាហរណ៍ (dangcongsan.vn) |
* មិត្តអ្នកអាន Tran Van Son នៅឃុំ Trung Binh ស្រុក Tran De ខេត្ត Soc Trang បានសួរថា៖ តើលក្ខណៈវិនិច្ឆ័យសម្រាប់កំណត់ភូមិមានស្ថានភាពលំបាកខ្លាំងតាមកម្រិតនៃការអភិវឌ្ឍក្នុងដំណាក់កាល ២០២១-២០២៥ ត្រូវបានកំណត់យ៉ាងដូចម្ដេច?
ចម្លើយ៖ បញ្ហាដែលអ្នកសួរត្រូវបានបញ្ជាក់នៅក្នុងមាត្រា ៦ នៃសេចក្តីសម្រេចលេខ 33/2020/QD-TTg របស់នាយករដ្ឋមន្ត្រី ដូចតទៅ៖
ភូមិដែលមានការលំបាកខ្លាំងនៅក្នុងតំបន់ជនជាតិភាគតិច និងតំបន់ភ្នំ គឺជាភូមិមានគ្រួសារជនជាតិភាគតិចស្រូបយក ១៥% ឡើងទៅនៃចំនួនគ្រួសារសរុបដែលរស់នៅប្រកបដោយស្ថិរភាពក្នុងសហគមន៍ និងបំពេញតាមលក្ខណៈវិនិច្ឆ័យមួយក្នុងចំណោមលក្ខខណ្ឌពីរដូចខាងក្រោម៖
១. មានអត្រាភាពក្រីក្រ ២០% ឡើងទៅ (ជាពិសេសសម្រាប់តំបន់ដីសណ្ដទន្លេ Cuu Long៖ អត្រានៃភាពក្រីក្រមាន ១៥% ឡើងទៅ ឬមានគ្រួសារជាង ៣០ ដែលជាគ្រួសារជនជាតិភាគតិចក្រីក្រ)។
២. មានអត្រាភាពក្រីក្រពី ១៥% ដល់ក្រោម ២០% (តំបន់ដីសណ្ដទន្លេ Cuu Long មានអត្រាភាពក្រីក្រពី ១២% ទៅក្រោម ១៥%) និងមានលក្ខណៈវិនិច្ឆ័យមួយក្នុងចំណោមវិនិច្ឆ័យដូចខាងក្រោម៖
ក) មានគ្រួសារក្រីក្រជាង ៦០% ដែលគឺជាគ្រួសារជនជាតិភាគតិចក្នុងចំណោមគ្រួសារក្រីក្រសរុបនៅក្នុងភូមិ;
ខ) មិនមានផ្លូវពីភូមិទៅកណ្ដលឃុំ ឬមានផ្លូវ ប៉ុន្តែមានភាពពិបាកខ្លាំងក្នុងការធ្វើដំណើរ ជាពិសេសនៅរដូវវស្សា;
គ) មិនមានអគ្គិសនីពីប្រព័ន្ធបណ្តាញជាតិ ឬមានអគ្គិសនីប្រើប្រាស់ ប៉ុន្តែគ្រួសារជាង ៣០% ដែលមិនទាន់បានប្រើប្រាស់អគ្គិសនីពីប្រព័ន្ធបណ្តាញជាតិ៕
បកប្រែដោយ Thuy Anh