រក្សាចម្រៀង Pa Co
កប.អនឡាញ - សកម្មភាពក្រៅម៉ោងសិក្សាប្រចាំសប្តាហ៍របស់សាលាអនុវិទ្យាល័យ និងវិទ្យាល័យ Dakrong ស្រុក Dakrong (Quang Tri) មានភាពសប្បាយរីករាយជាមួយនឹងចម្រៀងប្រពៃណីរបស់ប្រជាជន Pa Co។
ជាពិសេស ក្នុងសកម្មភាពក្រៅម៉ោងសិក្សា ក៏មានសិល្បករក្នុងស្រុកចូលរួមផងដែរ។
តាមរយៈការសម្តែងរបស់សិល្បករ និងសិស្សានុសិស្ស ចម្រៀងប្រជាប្រិយ Pa Co ស្រាប់តែមានភាពទាក់ទាញខ្លាំងៗ។ ក្នុងការសម្តែងម្តងៗ អ្នករាល់គ្នាទះដៃ និងច្រៀងតាមយ៉ាងរំភើយ។ ប្អូន Ho Thi Thanh Truc សិស្សថ្នាក់ទី 8B បាននិយាយថា “សកម្មភាពក្រៅម៉ោងមិនត្រឹមតែនាំមកនាទីសម្រាកលំហែអារម្មណ៍ដើម្បីកាត់បន្ថយភាពតានតឹងប៉ុណ្ណោះទេ ប៉ុន្តែយើងក៏បានរៀនបទចម្រៀងប្រពៃណីជាច្រើនរបស់ជនជាតិខ្លួនផងដែរ”។
សំណេះសំណាលជាមួយប្អូន Ho Thi Thanh Truc យើងបានដឹងថា ប្រហែលពីរឆ្នាំមុន ដោយដឹងថាកុមារមួយចំនួននៃជនជាតិ Pa Co មិនស្គាល់បទចម្រៀងរបស់ជនជាតិខ្លួននោះ ប្អូន Truc បានបញ្ចុះបញ្ចូលមិត្តរួមថ្នាក់បង្កើតក្លឹបចម្រៀងប្រជាប្រិយ Pa Co របស់សាលា។ ពីដំបូង ក្លឹបមានអ្នកចាប់អារម្មណ៍ចូលរួមតែប៉ុន្មាននាក់ប៉ុណ្ណោះ ប៉ុន្តែពេលឃើញអត្ថន័យនៃការលើកស្ទួយ និងអភិរក្សបទចម្រៀងប្រជាប្រិយរបស់ជនជាតិខ្លួន មិត្តភ័ក្តិ និងលោកគ្រូអ្នកគ្រូជាច្រើននាក់បានចូលរួមគាំទ្រ។
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/27/2024/05/13/upload_2133/50.jpg?dpi=150&quality=100&w=500) |
សមាជិកនៃក្លឹបចម្រៀងប្រជាប្រិយ Pa Co នៃសាលាអនុវិទ្យាល័យ Dakrong និងវិទ្យាល័យហាត់ច្រៀងបទចម្រៀងប្រជាប្រិយ |
ចែករំលែកជាមួយយើងខ្ញុំ លោកស្រី Tran Thi Thanh Huyen គ្រូបង្រៀនតន្ត្រីនៅសាលាវិទ្យាល័យ អនុវិទ្យាល័យ Dakrong បានឲ្យដឹងថា៖ “ដោយឃើញពីផលប្រយោជន៍ និងតម្លៃរបស់ក្លឹបចម្រៀងប្រជាប្រិយ Pa Co ខ្ញុំបានរៀបចំពេលវេលាដើម្បីរួមចំណែកជាមួយសិស្សានុសិស្សដើម្បីអភិរក្ស ផ្សព្វផ្សាយ និងលើកកម្ពស់ភាពស្រស់ស្អាតនៃបទចម្រៀងប្រជាប្រិយ Pa Co ។ មិនត្រឹមតែខ្ញុំទេ លោកគ្រូ អ្នកគ្រូ និងអាណាព្យាបាលសិស្សជាច្រើននាក់ក៏សប្បាយចិត្តណាស់ដែលឃើញក្មេងៗឆាប់ជំនះការស្ទាក់ស្ទើរ ហើយហ៊ានទៅផ្ទះសិល្បករ ដើម្បីប្រមូលបទចម្រៀងប្រពៃណីទាំងអស់ដែលនៅតែបានរក្សា»។
អ្វីដែលធ្វើឱ្យសមាជិកនៃក្លឹបចម្រៀងប្រជាប្រិយ Pa Co នៃសាលាវិទ្យាល័យ អនុវិទ្យាល័យ Dakrong កាន់តែសប្បាយរីករាយនោះ គឺការបង្កើនការយល់ដឹងអំពីការថែរក្សា អភិរក្ស និងលើកកម្ពស់តម្លៃវប្បធម៌ប្រពៃណីក្នុងចំណោមសិស្សានុសិស្ស។ ដោយមិនរង់ចាំការឃោសនាចលនាទេ សិស្សានុសិស្សជាច្រើនបានស្ម័គ្រចិត្ដមកសុំចូលរួមជាមួយក្លឹប អាស្រ័យលើនេះ សកម្មភាពរបស់ក្លឹបគឺមានភាពសប្បាយរីករាយ រំភើបខ្លាំង។
គំរូក្លឹបចម្រៀង Pa Co នៃសាលាអនុវិទ្យាល័យ វិទ្យាល័យ Dakrong មិនត្រឹមតែផ្តល់ឱ្យសិស្សានុសិស្សនូវកន្លែងលេងសប្បាយរីករាយ និងមានប្រយោជន៍ប៉ុណ្ណោះទេ ប៉ុន្តែថែមទាំងរួមចំណែកក្នុងការថែរក្សា និងអភិរក្សបទចម្រៀងប្រពៃណីផងដែរ។
បកប្រែដោយ Duy Hoan