វៀតណាមអះអាងតួនាទីសំខាន់ក្នុងមហាសន្និបាត នៃសហភាពសភាហ្វ្រង់កូហ្វូនី លើកទី៥០

ចាប់ពីថ្ងៃទី ៩ ដល់ថ្ងៃទី១៣ ខែកក្កដា នៅទីក្រុងប៉ារីស ប្រទេសបារាំង មហាសន្និបាត នៃសហភាពសភាហ្វ្រង់កូហ្វូនី លើកទី៥០ (APF-50) បានប្រព្រឹត្តទៅដោយមានការចូលរួមពីប្រតិភូជាង ៥៥០ នាក់មកពី ៥៩ ប្រទេស និងតំបន់ដែនដី។ គណៈប្រតិភូវៀតណាមដឹកនាំដោយ លោកស្រី Nguyen Thi Thanh អនុប្រធានរដ្ឋសភាវៀតណាម បានអញ្ជើញចូលរួមព្រឹត្តិការណ៍នេះ ហើយបានអះអាងនូវតួនាទីសកម្មរបស់វៀតណាមក្នុងសហគមន៍ហ្វ្រង់កូហ្វូនី។

ក្នុងសម័យប្រជុំពេញអង្គ នាថ្ងៃទី ១២ កក្កដា ក្រោមប្រធានបទ “សហគមន៍ហ្វ្រង់កូហ្វូនីជាទីបង្អែករបស់ពិភពលោកក្នុងវិបត្តិ” លោកស្រី Nguyen Thuy Anh តំណាងឱ្យវៀតណាមបានថ្លែងសុន្ទរកថាដ៏សំខាន់មួយបង្ហាញពីទស្សនៈ និងសំណើជាក់លាក់របស់វៀតណាម ដែលនាំសារសន្តិភាព និងកិច្ចសហប្រតិបត្តិការពហុភាគី។ លោកស្រី Nguyen Thuy An បានអះអាងថា វៀតណាមជានិច្ចកាលចែករំលែក គាំទ្រតម្លៃ និងគោលដៅដ៏ថ្លៃថ្នូរបស់សហគមន៍ហ្វ្រង់កូហ្វូនី គឺសន្តិភាព ប្រជាធិបតេយ្យ ភាពចម្រុះនៃវប្បធម៌ និងភាសា សាមគ្គីភាព កិច្ចសហប្រតិបត្តិការ និងការអភិវឌ្ឍ។ ទាំងនេះក៏ជាគោលដៅដែលរដ្ឋ និងប្រជាជនវៀតណាមខិតខំសម្រេចបានក្នុងដំណើរការផ្លាស់ប្តូរថ្មីដ៏ទូលំទូលាយនាពេលបច្ចុប្បន្ន។

មហាសន្និបាត នៃសហភាពសភាហ្វ្រង់កូហ្វូនី លើកទី៥០

ក្នុងឱកាសនេះ តំណាងវៀតណាមបានដាក់សំណើជាក់លាក់ចំនួន៣ ដើម្បីលើកកំពស់ប្រសិទ្ធភាពរបស់ APF និងសហគមន៍ហ្វ្រង់កូហ្វូនី ។ ទីមួយ ទាក់ទងនឹងកំណែទម្រង់ និងការសម្របខ្លួន សហគមន៍ហ្វ្រង់កូហ្វូនីត្រូវការជំរុញកំណែទម្រង់ ដើម្បីសម្របខ្លួនទៅនឹងការផ្លាស់ប្តូរយ៉ាងឆាប់រហ័សនៃពិភពលោក និងលំហហ្វ្រង់កូហ្វូនី កែលម្អប្រសិទ្ធភាពប្រតិបត្តិការ និងផ្តោតបន្ថែមទៀតលើអាទិភាពរបស់សមាជិករបស់ខ្លួន ជាពិសេសកិច្ចសហប្រតិបត្តិការសេដ្ឋកិច្ច។

ទីពីរ ទាក់ទងនឹងតួនាទីរបស់សភាក្នុងសន្តិភាព APF និងអង្គការអន្តរសភាផ្សេងទៀតត្រូវបន្តធ្វើជាវេទិកាមួយដើម្បីសមាជិកសភាបង្ហាញទស្សនៈ ឆ្លុះបញ្ចាំងពីសេចក្តីប្រាថ្នារបស់ប្រជាជន និងរួមគ្នាកសាង និងការពារពិភពលោកមួយប្រកបដោយសាមគ្គីភាព និងសន្តិភាព ជំរុញកិច្ចសហប្រតិបត្តិការពហុភាគី និងដោះស្រាយជម្លោះដោយសន្តិវិធី ឈរលើមូលដ្ឋាននៃការគោរពច្បាប់អន្តរជាតិ ឆ្ពោះទៅការអភិវឌ្ឍប្រកបដោយចីរភាព។

ទី៣៖ អភិវឌ្ឍភាសា និងវប្បធម៌ ជំរុញកម្មវិធីបង្រៀន និងបណ្តុះបណ្តាលជាភាសាបារាំង លើកទឹកចិត្តដល់ការជ្រើសរើសបុគ្គលិកនិយាយភាសាបារាំង បង្កើនការផ្លាស់ប្តូរប្រជាជន ការផ្លាស់ប្តូរវប្បធម៌ និងការអប់រំ អាស្រ័យលើនេះធ្វើឱ្យភាសាបារាំងក្លាយជាខ្សែតភ្ជាប់ ពង្រឹងសាមគ្គីភាពរវាងប្រជាជាតិទាំងឡាយ។

បកប្រែដោយ Duy Hoan