តបតាមការអញ្ជើញរបស់រដ្ឋាភិបាលនៃសាធារណរដ្ឋប្រជាមានិតចិន លោក Pham Minh Chinh នាយករដ្ឋមន្ត្រី នឹងចូលរួមកិច្ចប្រជុំកំពូលរបស់អង្គការសហប្រតិបត្តិការសៀងហៃ (SCO) នៅទីក្រុង Tianjin និងធ្វើការនៅប្រទេសចិនចាប់ពីថ្ងៃទី ៣១ ខែសីហា ដល់ថ្ងៃទី ២ ខែកញ្ញា ឆ្នាំ ២០២៥ ក្នុងនាមជាភ្ញៀវកិត្តិយសនៃប្រទេសម្ចាស់ផ្ទះ។

leftcenterrightdel
លោក Pham Minh Chinh នាយករដ្ឋមន្ត្រី (រូបថត៖ Duong Giang/VNA)

ក្នុងបទសម្ភាសន៍ជាមួយសារព័ត៌មាន លោក Nguyen Minh Vu អនុរដ្ឋមន្ត្រីក្រសួងការបរទេស បានអះអាងថា ដំណើរបំពេញការងាររបស់ លោក Pham Minh Chinh នាយករដ្ឋមន្ត្រី លើកនេះ មានអត្ថន័យ និងគោលបំណងសំខាន់ណាស់។ លោក Pham Minh Chinh នាយករដ្ឋមន្ត្រី នឹងជួបជាមួយថ្នាក់ដឹកនាំចិន ដើម្បីធ្វើឲ្យស៊ីជម្រៅថែមទៀតនូវទំនាក់ទំនងដៃគូសហប្រតិបត្តិការយុទ្ធសាស្ត្រលើគ្រប់វិស័យ និងសហគមន៍ចែលរំលែកអនាគតវៀតណាម-ចិន ។

ទាក់ទិននឹងកិច្ចប្រជុំកំពូល SCO បូក លើកនេះ លោក Nguyen Minh Vu អនុរដ្ឋមន្ត្រីប្រចាំការក្រសួងការបរទេស បានចាត់ទុកថា កិច្ចប្រជុំកំពូលនឹងក្លាយជាឱកាសសម្រាប់ប្រមុខរដ្ឋាភិបាលនៃប្រទេសជាសមាជិក SCO ក៏ដូចជាថ្នាក់ដឹកនាំជាភ្ញៀវកិត្តិយសដូចជាវៀតណាម អាចចែករំលែក និងពិភាក្សាអំពីវិធានការជាក់លាក់ដើម្បីបង្កើនកិច្ចសហប្រតិបត្តិការសន្ទនា ពង្រឹងពហុភាគីនិយម ដើម្បីរក្សានិងធានាស្ថិរភាព និងសន្តិសុខក្នុងតំបន់ ក៏ដូចជាជំរុញកិច្ចសហប្រតិបត្តិការអភិវឌ្ឍន៍ប្រកបដោយចីរភាព៕

បកប្រែដោយ Duy Hoan