ពិធីបើកសម្ពោធ និងដាក់ឲ្យប្រើប្រាស់មន្ទីរពេទ្យមិត្តភាពឡាវ-វៀតណាម

គម្រោងមន្ទីរពេទ្យមិត្តភាពឡាវ-វៀតណាម មានគ្រែសម្រាប់អ្នកជំងឺចំនួន ២០០ គ្រែ ដែលអនុវត្តដោយខេត្ត Thanh Hoa និងខេត្ត Houaphanh។ គម្រោងនេះមានទុនវិនិយោគសរុបចំនួន ៥១៨.៥ ពាន់លានដុង (ជិត ២០ លានដុល្លារអាមេរិក) ដែលក្នុងនោះទុនជំនួយឥតសំណងពីរដ្ឋាភិបាលវៀតណាមមានចំនួន ៩៩.៣% នៃទុនវិនិយោគសរុប។ បន្ទាប់ពីដាក់ឱ្យប្រើប្រាស់ មន្ទីរពេទ្យនេះនឹងក្លាយជាមន្ទីរពេទ្យមួយក្នុងចំណោមមន្ទីរពេទ្យធំជាងគេ និងទំនើបបំផុតនៅក្នុងខេត្ត Houaphanh និងតំបន់ជិតខាងនៅក្នុងតំបន់ភាគខាងជើងនៃប្រទេសឡាវ។

លោកឧបនាយករដ្ឋមន្ត្រី និងប្រតិភូកាត់ខ្សែបូរសម្ពោធគម្រោង (រូបថត៖ baochinhphu.vn)

មានប្រសាសន៍នៅក្នុងពិធី លោក Kikeo Khaykhamphithoune ឧបនាយករដ្ឋមន្ត្រីឡាវ បានបញ្ជាក់ថា មន្ទីរពេទ្យមិត្តភាពឡាវ-វៀតណាម គឺជានិមិត្តរូបនៃមនោសញ្ចេតនាកក់ក្តៅ ស្មោះស្ម័គ្រ និងចែករំលែករបស់បក្សទាំងពីរ រដ្ឋទាំងពីរ និងប្រជាជននៃប្រទេសទាំងពីរ ឡាវ-វៀតណាម ដែលបង្ហាញពីប្រពៃណីមិត្តភាពដ៏មហិមា សាមគ្គីភាពពិសេស និងកិច្ចសហប្រតិបត្តិការគ្រប់ជ្រុងជ្រោយរវាងប្រទេសទាំងពីរ៕

បកប្រែដោយ Thanh Cong