វៀតណាមចូលកាន់ដំណាក់កាលអភិវឌ្ឍន៍ថ្មីមួយជាមួយនឹងមូលដ្ឋានកំណើនដ៏រឹងមាំ

យោងតាមលោកស្រី ដោយមានកំណើនផលិតផលក្នុងស្រុកសរុប (GDP) ប្រហែល ៨% ក្នុងឆ្នាំ ២០២៥ រួមជាមួយនឹងទិន្នផលឧស្សាហកម្ម ការលក់រាយ ពាណិជ្ជកម្ម និងការវិនិយោគបរទេសដ៏រឹងមាំ សូចនាករទាំងនេះបង្ហាញយ៉ាងច្បាស់ពីកំណើនសេដ្ឋកិច្ចដ៏រឹងមាំរបស់វៀតណាម។

រូបថតឧទាហរណ៍៖ anninhthudo.vn

ទាក់ទងនឹងវិស័យការទូត លោកស្រី Campbell បានចាត់ទុកថា វៀតណាមបន្តអភិវឌ្ឍវិធីសាស្រ្តរបស់ខ្លួនក្នុងការ "ធ្វើពហុភាវូបនីយកម្ម និងធ្វើពិពិធកម្មទំនាក់ទំនងការបរទេស" ហើយការវិវត្តក្នុងរយៈពេលប៉ុន្មានឆ្នាំថ្មីៗបង្ហាញថា នេះជាយុទ្ធសាស្ត្រដ៏ត្រឹមត្រូវមួយ។ កិច្ចខិតខំប្រឹងប្រែងផ្នែកការទូត និងសេដ្ឋកិច្ចរបស់វៀតណាមបានជួយបង្កើនសមត្ថភាពប្រកួតប្រជែងនៃការនាំចេញ កែលម្អហេដ្ឋារចនាសម្ព័ន្ធ និង logistics បង្ហាញពីសមត្ថភាពរបស់ខ្លួនក្នុងការទាក់ទាញសាជីវកម្មសកល និងបង្ហាញពីភាពបត់បែនក្នុងផ្នែកការទូត។

លោកស្រី Piper Campbell ប្រធានស្ថាបនិកនៃដេប៉ាតឺម៉ង់គោលនយោបាយការបរទេស និងសន្តិសុខសកលនៅសាលាទំនាក់ទំនងអន្តរជាតិនៃសាកលវិទ្យាល័យអាមេរិក (រូបថត៖ vnanet.vn)

ដោយធ្វើអត្ថាធិប្បាយលើអាទិភាពដែលបានលើកឡើងនៅក្នុងមហាសន្និបាតលើកទី ១៤ លោកស្រី Piper Campbell បានមានប្រសាសន៍ថា មហាសន្និបាតមិនត្រឹមតែកំណត់គោលដៅសម្រាប់រយៈពេលប្រាំឆ្នាំខាងមុខប៉ុណ្ណោះទេ ថែមទាំងបង្កើតផែនទីបង្ហាញផ្លូវរយៈពេលវែងលើសពីឆ្នាំ ២០៣០ ទៀតផង។ ការដែលវៀតណាមឆ្ពោះទៅរកកំណើនប្រកបដោយចីរភាព "មិនផុយស្រួយ ឬលឿនពេក" គឺសមហេតុផលទាំងស្រុង។ យោងតាមលោកស្រី វៀតណាមត្រូវបន្តផ្តោតលើការលើកកម្ពស់ខ្សែសង្វាក់តម្លៃ ដោយពិចារណាលើទិដ្ឋភាពនៃផលិតភាព និងការធ្វើឱ្យប្រសើរឡើងនៃឧស្សាហកម្ម និងជំរុញការអភិវឌ្ឍសេដ្ឋកិច្ចឯកជន៕

បកប្រែដោយ Huyen Trang