ជំរុញទំនាក់ទំនងវៀតណាម-ហ្គាតេម៉ាឡា ដោយឥតឈប់ឈរ

មានប្រសាសន៍នៅក្នុងពិធីដែលបានធ្វើឡើងនៅវិមានវប្បធម៌ជាតិហ្គាតេម៉ាឡា លោកឯកអគ្គរដ្ឋទូត Nguyen Van Hai បានអះអាងថា វៀតណាមតែងតែឱ្យតម្លៃ និងចង់បន្តពង្រឹងទំនាក់ទំនងមិត្តភាព និងកិច្ចសហប្រតិបត្តិការលើវិស័យជាច្រើនជាមួយហ្គាតេម៉ាឡា និងប្រទេសអាមេរិកកណ្តាលដទៃទៀត។ វៀតណាមត្រៀមខ្លួនជាស្រេចសម្របសម្រួលយ៉ាងជិតស្និទ្ធជាមួយរដ្ឋាភិបាល និងស្ថាប័នពាក់ព័ន្ធរបស់ហ្គាតេម៉ាឡា ដើម្បីជំរុញការផ្លាស់ប្តូរគណៈប្រតិភូគ្រប់លំដាប់ថ្នាក់ ពង្រឹងការសន្ទនានយោបាយ ពង្រីកកិច្ចសហប្រតិបត្តិការលើវិស័យសេដ្ឋកិច្ច ពាណិជ្ជកម្ម វិនិយោគ ទេសចរណ៍ វប្បធម៌ និងការជួបប្រាស្រ័យរវាងប្រជាជន និងប្រជាជន។

លោកឯកអគ្គរដ្ឋទូត Nguyen Van Hai ជូនសារតាំងរបស់លោក Luong Cuong ប្រធានរដ្ឋវៀតណាម ដល់លោក Bernardo Arévalប្រធានាធិបតីហ្គាតេម៉ាឡា (រូបថត៖ vnanet.vn)

រីឯលោក Bernardo Arévalo ប្រធានាធិបតីហ្គាតេម៉ាឡា បានអះអាងថា រដ្ឋាភិបាលហ្គាតេម៉ាឡាចង់សហការយ៉ាងជិតស្និទ្ធជាមួយលោកឯកអគ្គរដ្ឋទូត Nguyen Van Hai ក្នុងការជំរុញ ទំនាក់ទំនងទ្វេភាគី អភិវឌ្ឍឲ្យកាន់តែជាក់ស្តែង មានប្រសិទ្ធភាព និងប្រកបដោយចីរភាព ដើម្បីផលប្រយោជន៍របស់ប្រជាជននៃប្រទេសទាំងពីរ។

លោកឯកអគ្គរដ្ឋទូត Nguyen Van Hai រួមជាមួយតំណាងនៃគណបក្សបដិវត្តន៍ជាតិរួបរួមនៃប្រទេសហ្គាតេម៉ាឡា (URNG) (រូបថត៖ vnanet.vn)

ក្នុងឱកាសនេះ លោកឯកអគ្គរដ្ឋទូត Nguyen Van Hai បានមានជំនួបធ្វើការជាមួយក្រសួងការបរទេសហ្គាតេម៉ាឡា តំណាងបណ្តាគណបក្សនយោបាយ ស្ថាប័នមានសមត្ថកិច្ច និងអង្កភាពអាជីវកម្ម៕

បកប្រែដោយ Huyen Trang