លោក Luong Cuong ប្រធានរដ្ឋ អញ្ជើញប្រគល់សេចក្តីសម្រេចតែងតាំងឯកអគ្គរដ្ឋទូតវៀតណាមនៅបរទេស

អញ្ជើញប្រគល់សេចក្តីសម្រេចតែងតាំង និងប្រគល់ភារកិច្ចសម្រាប់លោក  លោកស្រីឯកអគ្គរដ្ឋទូត លោក Luong Cuong ប្រធានរដ្ឋ បានសង្កត់ធ្ងន់ថា ឯកអគ្គរដ្ឋទូតទាំងឡាយ ត្រូវអនុវត្តឲ្យបានល្អកិច្ចការបរទេសដើម្បីបម្រើការអភិវឌ្ឍសេដ្ឋកិច្ច រួមចំណែកជាក់ស្តែងក្នុងការសម្រេចគោលដៅកំណើនពីរខ្ទង់នៅអាណត្តិបន្ទាប់។

លោក Luong Cuong ប្រធានរដ្ឋ អញ្ជើញថតរូបជាមួយប្រតិភូ (រូបថត៖ VOV)

ទន្ទឹមជាមួយគ្នានោះ ឯកអគ្គរដ្ឋទូតម្នាក់ៗ ត្រូវទាញយកអត្ថប្រយោជន៍ពីចំណុចខ្លាំង លក្ខណៈពិសេស និងទាញយកអត្ថប្រយោជន៍ពីធនធានសម្រាប់ការអភិវឌ្ឍប្រទេសជាតិ។ លោកប្រធានរដ្ឋក៏សង្ឃឹមថា ក្នុងតួនាទីជាតំណាងវៀតណាមនៅបរទេស ឯកអគ្គរដ្ឋទូត និងប្រធានការិយាល័យតំណាងទាំងឡាយ នឹងរួមចំណែកដល់ការផ្សព្វផ្សាយ និងលើកកម្ពស់រូបភាពនៃប្រទេសជាតិ វប្បធម៌ និងប្រជាជនវៀតណាម។ ជាមួយគ្នានេះ ត្រូវបំពេញល្អការងារសហគមន៍ ជាពិសេសគឺការប្រមូលផ្តុំ សាមគ្គីភាពសហគមន៍ជនវៀតណាមនៅបរទេស ការពារសិទ្ធិ និងផលប្រយោជន៍ស្របច្បាប់របស់ពលរដ្ឋ និងអាជីវកម្ម វៀតណាមនៅក្នុងប្រទេសសាមី៕

តាម vovworld.vn