ជាពិសេស នៅថ្ងៃទី ៣១ ខែធ្នូ ឆ្នាំ ២០២៥ សហរដ្ឋអាមេរិកបានកែសម្រួលគោលនយោបាយពន្ធនាំចូលលើឈើ ឈើអារ និងផលិតផលឈើដែលផលិតពីឈើចូលទៅក្នុងសហរដ្ឋអាមេរិក ក្រោមមាត្រា ២៣២ នៃច្បាប់ពង្រីកពាណិជ្ជកម្មឆ្នាំ ១៩៦២។ ដូច្នេះ សហរដ្ឋអាមេរិកបានសម្រេចពន្យារពេលការដំឡើងពន្ធលើផលិតផលឈើមួយចំនួន រួមទាំងកៅអីស្រោប ទូផ្ទះបាយ និងទូបន្ទប់ទឹក ចាប់ពីថ្ងៃទី ១ ខែមករា ឆ្នាំ ២០២៦ ដល់ថ្ងៃទី ១ ខែមករា ឆ្នាំ ២០២៧។
គួរបញ្ជាក់ថា សហរដ្ឋអាមេរិកបានព្យាករថា ផលិតផលឈើដែលបច្ចុប្បន្នត្រូវបង់ពន្ធ ១០% លើឈើឆៅ និងពន្ធ ២៥% លើទំនិញកែច្នៃ នឹងកើនឡើងយ៉ាងខ្លាំងចាប់ពីដើមឆ្នាំ ២០២៦ ដល់ ៣០% និង ៥០% រៀងៗខ្លួន។ ការពន្យារពេលនៃការអនុវត្តពន្ធខ្ពស់លើផលិតផលឈើមួយចំនួនមានន័យថា ពន្ធបច្ចុប្បន្ននឹងនៅតែមានសុពលភាព។ សហរដ្ឋអាមេរិកបានបញ្ជាក់ថា ការសម្រេចចិត្តនេះមានគោលបំណងបង្កើតឱកាសសម្រាប់ការចរចាពាណិជ្ជកម្មជាបន្តបន្ទាប់ ព្រមទាំងបម្រើដល់គោលដៅនៃការធានាសន្តិសុខសេដ្ឋកិច្ច និងស្ថិរភាពខ្សែសង្វាក់ផ្គត់ផ្គង់ផងដែរ។ ជាពិសេស ការកែតម្រូវពន្ធនាពេលអនាគតនឹងអាស្រ័យដោយផ្ទាល់ទៅលើលទ្ធផលនៃការចរចា៕
បកប្រែដោយ Huyen Trang
Type the code from the image