យោធភូមិភាគទី ១ ជួយប្រជាពលរដ្ឋរងគ្រោះដោយភ្លៀងទឹកជំនន់

២២ មិថុនា ២០២៥ (17:34)

កប.អនឡាញ - ភ្លៀងធ្លាក់ខ្លាំងចាប់ពីយប់ថ្ងៃទី ២០ ដល់ព្រឹកថ្ងៃទី ២១ ខែមិថុនា ដែលបណ្តាលឱ្យមានទឹកជំនន់នៅតំបន់ជាច្រើនក្នុងខេត្ត Thai Nguyen។ បន្ទាប់ពីទទួលបានដំណឹងនេះ នៅវេលាម៉ោង ៣ ទៀបភ្លឺ ថ្ងៃទី២១ មិថុនា បញ្ជាការដ្ឋានយោធាខេត្ត Thai Nguyen បានចាត់បញ្ជូនកម្មាភិបាល និងយុទ្ធជនជាង ២០០ នាក់ និងមធ្យោបាយជាច្រើនដើម្បីជួយជម្លៀសប្រជាពលរដ្ឋ និងទ្រព្យសម្បត្តិទៅទីទួលសុវត្ថិភាព។

មោទនភាពក្នុងនាមជាអ្នកសារព័ត៌មានយុទ្ធជន

មកដល់រសៀលថ្ងៃទី២១ ខែមិថុនា បញ្ជាការដ្ឋានយោធាខេត្ត Thai Nguyen បានជម្លៀសប្រជាពលរដ្ឋរាប់រយនាក់ សត្វរាប់ពាន់ក្បាល និងអង្កររាប់សិបតោនទៅកាន់ទីទួលសុវត្ថិភាព។

នាថ្ងៃទី២១ មិថុនា ដដែរ នៅឃុំ Thinh Duc (ទីក្រុង Thai Nguyen) និងឃុំ Binh Son និងឃុំ Ba Xuyen (ទីក្រុង Song Cong) ទឹកជម្រៅជាង ១.៥ ម៉ែត្រ ដែលបណ្តាលឱ្យគ្រួសារជាច្រើនរងការជនលិចទឹក។ អនុវត្ដតាមការដឹកនាំរបស់បញ្ជាការដ្ឋានយោធភូមិភាគទី ១ ភ្លាមៗកងពលតូចកាំភ្លើងធំលេខ ៣៨២ បានចាត់បញ្ជូនកម្មាភិបាល និងយុទ្ធជនជិត ៣០០ នាក់ និងមធ្យោបាយជាច្រើនដើម្បីជួយប្រជាពលរដ្ឋទប់ទល់ទៅនឹងទឹកជំនន់ និងសម្របសម្រួលជាមួយកងកម្លាំងនៅមូលដ្ឋានជម្លៀសគ្រួសារដែលរងគ្រោះដោយទឹកជំនន់ទៅទីទួលសុវត្ថិភាព។