VNVC ផ្តល់អំណោយជា វ៉ាក់សាំងការពារជំងឺកញ្ជ្រឹលចំនួន ៥០ ម៉ឺនដូស ជូនដល់ក្រសួងសុខាភិបាល ដើម្បីប្រយុទ្ធប្រឆាំងនឹងជំងឺរាតត្បាត

ថ្លែងមតិនៅទីនេះ អនុរដ្ឋមន្ត្រីក្រសួងសុខាភិបាល លោកស្រី Nguyen Thi Lien Huong សង្ឃឹមថា VNVC នឹងបន្តរួមដំណើរជាមួយក្រសួងសុខាភិបាលក្នុងការអនុវត្តការងារចាក់វ៉ាក់សាំងនៅវៀតណាម; ដោយរំពឹងថា នឹងគ្រប់គ្រង់ការរីករាលដាលនៃជំងឺកញ្ជ្រឹល ឱ្យបានឆាប់បំផុតតាមដែលអាចធ្វើទៅបាន ដើម្បីរួមចំណែកដល់ការអនុវត្តប្រកបដោយជោគជ័យនូវគោលដៅដែលកុមារ ៩៥% មានសិទ្ធិទទួលការចាក់វ៉ាក់សាំង អាចទទួលបានវ៉ាក់សាំងការពារជំងឺកញ្ជ្រឹលយ៉ាងហោចណាស់មួយដូស។

ក្រសួងសុខាភិបាលទទួលបានវ៉ាក់សាំងការពារជំងឺកញ្ជ្រឹលចំនួន ៥០ ម៉ឺនដូសពី VNVC (រូបថត៖ baochinhphu.vn)

ក្នុងឱកាសនេះ VNVC បានបើកយុទ្ធនាការ “រួមដៃគ្នាទប់ស្កាត់ជំងឺកញ្ជ្រឹល” នៅទូទាំងប្រទេស។ យុទ្ធនាការនេះ នឹងមានសកម្មភាពជាច្រើនដើម្បីលើកកម្ពស់ការយល់ដឹងជាសាធារណៈអំពីជំងឺកញ្ជ្រឹល ដូចជាសិក្ខាសាលា និងការផ្លាស់ប្តូរតាមប្រព័ន្ធអ៊ីនធឺណែត ទន្ទឹមនឹងការពង្រឹងទំនាក់ទំនង និងការកៀងគរប្រជាពលរដ្ឋឱ្យមានវិធានការបង្ការនិងគ្រប់គ្រងជំងឺកញ្ជ្រឹល ព្រមទាំងចាក់វ៉ាក់សាំងភ្លាមៗដល់កុមារ និងមនុស្សពេញវ័យឱ្យបានពេញលេញនិងទាន់ពេលវេលាតាមការណែនាំរបស់វិស័យសុខាភិបាល៕

តាម vovworld.vn