លោកនាយករដ្ឋមន្ត្រីស្នើឲ្យអនុវត្តយ៉ាងប្តូរផ្តាច់នូវគម្រោងគមនាគមន៍សំខាន់ៗ

នៅក្នុងសម័យប្រជុំ លោក Pham Minh Chinh នាយករដ្ឋមន្ត្រីបានស្នើឱ្យបណ្តាក្រសួង ស្ថាប័ន មូលដ្ឋាន និងអង្គភាពនានា ដោយផ្អែកលើមុខងារ ភារកិច្ច និងសិទ្ធិអំណាចដែលត្រូវបានប្រគល់ជូន ម្ចាស់ការអនុវត្តជាបន្ទាន់នូវសេចក្តីសម្រេចចិត្តនៃមហាសន្និបាតលើកទី១៤ របស់បក្ស។ ថ្នាក់ដឹកនាំគ្រប់ជាន់ថ្នាក់ត្រូវលើកកម្ពស់ការទទួលខុសត្រូវ បង្កើនការត្រួតពិនិត្យ តាមដាន ពន្លឿន និងដឹកនាំផែនការ និងគម្រោងសំខាន់ៗទាំងវឌ្ឍនភាព គុណភាព និងបច្ចេកទេស។

លោក Pham Minh Chinh នាយករដ្ឋមន្ត្រី មានប្រសាសន៍នៅក្នុងសម័យប្រជុំ

លោកនាយករដ្ឋមន្ត្រីបានដឹកនាំក្រសួងហិរញ្ញវត្ថុ និងក្រសួងសំណង់ ឲ្យសហការគ្នាដើម្បីកំណត់គម្រោងសំខាន់ៗនៃការវិនិយោគសាធារណៈក្នុងរយៈពេលមធ្យម ដើម្បីធានារហូតដល់ឆ្នាំ២០៣០ សម្រេចបាននូវគោលដៅបញ្ចប់ការសាងសង់ផ្លូវគោកយ៉ាងហោចណាស់ ៥,០០០ គីឡូម៉ែត្រ តាមសេចក្តីសម្រេចចិត្តរបស់មហាសន្និបាតបក្ស។ លោកនាយករដ្ឋមន្ត្រីបានដឹកនាំឱ្យក្រសួង និងស្ថាប័នពាក់ព័ន្ធលើកកម្ពស់ស្មារតីទទួលខុសត្រូវ អនុវត្តឱ្យបានល្អនូវមុខងារ ភារកិច្ច និងសិទ្ធិអំណាច ជ្រើសរើសវិធីសាស្ត្រវិនិយោគដែលមានប្រសិទ្ធភាព ដោះស្រាយការលំបាក ឧបសគ្គផ្នែកស្ថាប័ន និងគោលនយោបាយឱ្យបានទាន់ពេលវេលា៕

បកប្រែដោយ Thanh Cong