ធនាគារ UOB ព្យាករណ៍ថា សេដ្ឋកិច្ចវៀតណាមនឹងបន្តកើនឡើងជាវិជ្ជមាន
កប.អនឡាញ - មុនសន្និសីទ "UOB - ទ្វារចូលក្នុងអាស៊ាន" ដែលបើកនៅថ្ងៃទី ៦ ខែកញ្ញានៅទីក្រុងហូជីមិញ នាថ្ងៃទី៣ ខែកញ្ញា លោក Suan Teck Kin នាយកទទួលបន្ទុកផ្នែកស្រាវជ្រាវទីផ្សារនិងសេដ្ឋកិច្ចសកល នៃធនាគារអន្តរជាតិ UOB ដែលមានទីស្នាក់ការនៅប្រទេសសិង្ហបុរី ជឿជាក់ថា វៀតណាមនៅតែមានកំណើនសេដ្ឋកិច្ចខ្ពស់។
កំណើន GDP របស់វៀតណាមនៅក្នុងឆមាសទីមួយនៃឆ្នាំនេះសម្រេចបាន ៦.៤% បើធៀបនឹងរយៈពេលដូចគ្នាកាលពីឆ្នាំមុន ដែលភាគច្រើនពឹងផ្អែកលើវិស័យផលិតកម្ម ឧស្សាហកម្ម និងសេវាកម្ម។
យោងតាមលោក Suan Teck Kin យថាទស្សន៍សេដ្ឋកិច្ចរបស់វៀតណាមនៅឆ្នាំនេះនៅតែមានភាពវិជ្ជមានជាមួយនឹងអត្រាកំណើន GDP ដែលត្រូវបានព្យាករណ៍លើសពី ៦%។ នេះគឺដោយសារតែការអភិវឌ្ឍនៃវិស័យមួយចំនួនដូចជា ផលិតកម្ម គ្រឿងអេឡិចត្រូនិក គ្រឿងសង្ហារិម និងរថយន្ត។ ទោះបីជាមានបញ្ហាប្រឈមជាសាកលមួយចំនួន ក៏សន្ទស្សន៍អ្នកគ្រប់គ្រងការទិញ (PMI) របស់វៀតណាមនៅតែបន្តសម្រេចបានកម្រិតខ្ពស់បំផុតនៅអាស៊ី ដែលបង្ហាញពីការរីកចំរើនជាបន្តបន្ទាប់៕
បកប្រែដោយ Thuy Anh