បញ្ជាការដ្ឋានយោធភូមិភាគទី៧ កងទ័ពប្រជាជនវៀតណាម ទៅសួរសុខទុក្ខ និងជូនពរឆ្នាំថ្មីនៅបញ្ជាការដ្ឋានយោធភូមិភាគទី៤ កងយោធពលខេមរភូមិន្ទ

លោកនាយឧត្តមសេនីយ៍ ពៅ ហេង បានថ្លែងអំណរគុណចំពោះលោកប្រធាននយោបាយយោធភូមិភាគទី៧ និងសមាជិកគណៈប្រតិភូដែលបានមកសួរសុខទុក្ខ និងជូនពរឆ្នាំថ្មីជូនចំពោះបញ្ជាការដ្ឋានយោធភូមិភាគទី៤ ហើយចែករំលែកជាមួយគណៈប្រតិភូអំពីស្ថានភាពសន្តិសុខ និងសេដ្ឋកិច្ចសង្គមនៅមូលដ្ឋានដែលយោធភូមិភាគទី៤ ឈរជើង។

លោកឧត្តមសេនីយ៍ត្រី Tran Vinh Ngoc ពិភាក្សាការងារជាមួយលោកនាយឧត្តមសេនីយ៍ ពៅ ហេង (រូបថត៖ baoquankhu7.vn)

ចំពោះជំនួយសម្រាប់ក្រុម K នៃយោធភូមិភាគទី៧ ពីឆ្នាំ២០២៣ ដល់ពេលនេះ យោធភូមិភាគទី៤ បានជួយគាំទ្រការស្វែងរក និងការប្រមូលផ្ដុំអដ្ឋិធាតុយុទ្ធជនពលីចំនួន ៣,០២៩ អដ្ឋិធាតុ។ យោធភូមិភាគទាំងពីរ បានបញ្ជូនគណៈប្រតិភូជាច្រើន ទៅសួរសុខទុក្ខ និងអបអរសាទរគ្នាទៅវិញទៅមក ក្នុងឱកាសពិធីបុណ្យ បុណ្យចូលឆ្នាំថ្មី និងព្រឹត្តិការណ៍នយោបាយសំខាន់ៗ។ តាមរយៈនោះ ពង្រឹងចំណងសាមគ្គីភាព ទំនុកចិត្ត ការយល់ដឹងគ្នាទៅវិញទៅមក និងរឹតបន្តឹងទំនាក់ទំនងមិត្តភាពជាប្រពៃណី និងកិច្ចសហប្រតិបត្តិការលើគ្រប់វិស័យរវាងនាយទាហាន នាយទាហានរងនៃបញ្ជាការដ្ឋានយោធភូមិភាគទី៤ កងយោធពលខេមរភូមិន្ទ និងបញ្ជាការដ្ឋានយោធភូមិភាគទី៧ កងទ័ពប្រជាជនវៀតណាម។

លោកឧត្តមសេនីយ៍ត្រី Tran Vinh Ngoc ជូនអំណោយដល់បញ្ជាការដ្ឋានយោធភូមិភាគទី៤ កងយោធពលខេមរភូមិន្ទ (រូបថត៖ baoquankhu7.vn)

ក្នុងឱកាសដែលប្រជាជនកម្ពុជាទាំងមូលត្រៀមរៀបចំពិធីបុណ្យចូលឆ្នាំថ្មីប្រពៃណីជាតិ លោកឧត្តមសេនីយ៍ត្រី Tran Vinh Ngoc បានជូនពរឆ្នាំថ្មីជូនចំពោះនាយទាហាន នាយទាហានរង និងថ្លែងអំណរគុណចំពោះកងកម្លាំងប្រដាប់អាវុធនៃយោធភូមិភាគទី៤ អាជ្ញាធរមូលដ្ឋាន និងប្រជាជនដែលបានបង្កើតលក្ខខណ្ឌអំណោយផលសម្រាប់ក្រុម K៧១ និង K៧២ ក្នុងការស្វែងរក  ប្រមូលផ្តុំ និងធ្វើមាតុភូមិនិវត្តន៍អដ្ឋិធាតុកងទ័ពស្ម័គ្រចិត្ត និងអ្នកជំនាញវៀតណាមដែលពលីជីវិតក្នុងសម័យសង្រ្គាម ស្របតាមគោលនយោបាយ ទំនៀមទម្លាប់របស់ប្រទេសទាំងពីរ។ លោកប្រធាននយោបាយយោធភូមិភាគទី៧ សង្ឃឹមថា បញ្ជាការដ្ឋានយោធភូមិភាគទី៤ នឹងបន្តយកចិត្តទុកដាក់ដល់ការធ្វើសេនាធិការជូនអាជ្ញាធរមូលដ្ឋាន និងផ្សព្វផ្សាយដល់ប្រជាពលរដ្ឋនៅមូលដ្ឋាន អំពីការជួយឧបត្ថម្ភប្រជាជនវៀតណាមក្នុងការរស់នៅ និងធ្វើការ៕

បកប្រែដោយ Thuy Anh