លោក Luong Cuong ប្រធានរដ្ឋ ចាប់ផ្តើមដំណើរទស្សនកិច្ចផ្លូវរដ្ឋនៅអង់ហ្គោឡា

ទទួលស្វាគមន៍លោក Luong Cuong ប្រធានរដ្ឋ និងលោកជំទាវ រួមជាមួយគណៈប្រតិភូជាន់ខ្ពស់វៀតណាម នៅអាកាសយានដ្ឋានអន្តរជាតិ Quatro de Fevereiro នៃរដ្ឋធានី Luanda ភាគីអង់ហ្គោឡាមានលោក Téte António រដ្ឋមន្ត្រីការបរទេស លោក Fernando Miguel ឯកអគ្គរដ្ឋទូតអង់ហ្គោឡាប្រចាំនៅវៀតណាម លោក Luis Manuel da Fonseca អភិបាលក្រុង Luanda លោក Jorge Pataca តំណាងក្រសួងការបរទេសអង់ហ្គោឡា។ ភាគីវៀតណាមមានលោក Duong Chinh Chuc ឯកអគ្គរដ្ឋទូតវៀតណាមប្រចាំនៅអង់ហ្គោឡា រួមជាមួយកម្មាភិបាល និងបុគ្គលិកនៃស្ថានទូតវៀតណាមប្រចាំនៅអង់ហ្គោឡា។

លោក Luong Cuong ប្រធានរដ្ឋ និងលោកជំទាវ ចាកចេញពីទីក្រុង Cairo ចាប់ផ្តើមដំណើរទស្សនកិច្ចផ្លូវរដ្ឋនៅអង់ហ្គោឡា (រូបថត៖ vnanet.vn)

គួរបញ្ជាក់ថា នាព្រឹកថ្ងៃទី៦ ខែសីហា ក្នុងក្របខ័ណ្ឌនៃដំណើរទស្សនកិច្ចផ្លូវរដ្ឋនៅអេហ្ស៊ីប លោក Luong Cuong ប្រធានរដ្ឋបានជួបសវនាការជាមួយលោក Abdel-Wahab Abdel-Razeq ប្រធានព្រឹទ្ធសភាអេហ្ស៊ីប។

លោក Abdel-Wahab Abdel-Razeq បានអះអាងថា ព្រឹទ្ធសភាអេហ្ស៊ីបមានបំណងជំរុញកិច្ចសហប្រតិបត្តិការជាមួយរដ្ឋសភាវៀតណាម ហើយនឹងអនុវត្តរាល់វិធានការចាំបាច់ដើម្បីគាំទ្ររដ្ឋ និងរដ្ឋាភិបាលនៃប្រទេសទាំងពីរ អនុវត្តកិច្ចសន្យា និងផែនការសហប្រតិបត្តិការប្រកបដោយប្រសិទ្ធភាព និងជាក់ស្តែង ដើម្បីផលប្រយោជន៍របស់ប្រជាជននៃប្រទេសទាំងពីរ។

លោក Luong Cuong ប្រធានរដ្ឋ ជួបសវនាការជាមួយលោក Abdel-Wahab Abdel-Razeq ប្រធានព្រឹទ្ធសភាអេហ្ស៊ីប

លោក Luong Cuong ប្រធានរដ្ឋ បានចាត់ទុកថា ប្រទេសទាំងពីរនៅតែមានសក្ដានុពលជាច្រើនក្នុងការជំរុញកិច្ចសហប្រតិបត្តិការទ្វេភាគី ជាពិសេសលើវិស័យសេដ្ឋកិច្ច ពាណិជ្ជកម្ម និងវិនិយោគ សមស្របនឹងទំនាក់ទំនងនយោបាយល្អ និងសក្តានុពល គុណសម្បត្តិនៃប្រទេសនីមួយៗ។ លោក Luong Cuong ប្រធានរដ្ឋ បានស្នើឲ្យរដ្ឋសភានៃប្រទេសទាំងពីរសម្របសម្រួលយ៉ាងជិតស្និទ្ធ គាំទ្រការអនុវត្តប្រកបដោយប្រសិទ្ធភាពនូវយន្តការសហប្រតិបត្តិការទ្វេភាគី គាំទ្រការចរចា សុក្រឹតគោលនយោបាយ កិច្ចព្រមព្រៀង និងសុក្រឹតក្របខ័ណ្ឌច្បាប់ ជួយពង្រឹងកិច្ចសហប្រតិបត្តិការរវាងអង្គភាពអាជីវកម្ម បើកទីផ្សារសម្រាប់ទំនិញរបស់ភាគីទាំងពីរ និងតភ្ជាប់ប្រជាជននៃប្រទេសទាំងពីរ។

ដើម្បីជំរុញទំនាក់ទំនង វៀតណាម-អេហ្ស៊ីប ឱ្យកាន់តែអភិវឌ្ឍថែមទៀត ដើម្បីផលប្រយោជន៍ សម្បូរធូធា និងសុភមង្គលរបស់ប្រជាជននៃប្រទេសទាំងពីរនាពេលខាងមុខ ថ្នាក់ដឹកនាំទាំងពីរបានឯកភាពលើកកំពស់តួនាទីរបស់ការទូតរដ្ឋសភា ពង្រឹងកិច្ចសហប្រតិបត្តិការរវាងរដ្ឋសភានៃប្រទេសទាំងពីរ តាមរយៈការជំរុញការផ្លាស់ប្តូរគណៈប្រតិភូថ្នាក់ដឹកនាំរដ្ឋសភា ថ្នាក់ដឹកនាំគណៈកម្មការជំនាញនៃស្ថាប័ននីតិប្បញ្ញត្តិទាំងពីរ ដើម្បីចែករំលែកបទពិសោធន៍ នីតិប្បញ្ញត្តិ និងឃ្លាំមើល បន្តសម្របសម្រួលយ៉ាងជិតស្និទ្ធរវាងរដ្ឋសភានៃប្រទេសទាំងពីរ ជំរុញកិច្ចសហប្រតិបត្តិការរវាងក្រុមសភាអារ៉ាប់ និងក្រុមសភាអាស៊ីនៅវេទិកាពហុសភាពហុភាគី និងជំរុញការផ្លាស់ប្តូររវាងសមាជិកសភាវ័យក្មេង និងសមាជិកាសភា។ ភាគីទាំងពីរបានឯកភាពគ្នាបង្កើតសមាគមសមាជិសភាមិត្តភាពនៃប្រទេសទាំងពីរក្នុងពេលឆាប់ៗ ដើម្បីផ្លាស់ប្តូរ និងលើកឡើងវិធានការនានាដើម្បីបង្កើន និងជំរុញកិច្ចសហប្រតិបត្តិការសភារវាងប្រទេសទាំងពីរ។

* នាថ្ងៃដដែល លោក Luong Cuong ប្រធានរដ្ឋ បានជួបសវនាការជាមួយលោក Hanafy El Gebaly ប្រធានសភាជាន់ទាបអេហ្ស៊ីប។

ដោយវាយតំលៃខ្ពស់ចំពោះតួនាទីរបស់រដ្ឋសភាវៀតណាមក្នុងការកសាង និងសុក្រឹតប្រព័ន្ធច្បាប់ លោក Hanafy El Gebaly ប្រធានសភាជាន់ទាប បានសម្តែងនូវគោលបំណងចង់ជំរុញកិច្ចសហប្រតិបត្តិការសភារវាងភាគីទាំងពីរលើកម្រិតទ្វេភាគី និងពហុភាគី។ លោក Hanafy El Gebaly ក៏បានស្នើឲ្យភាគីទាំងពីរបង្កើនការផ្លាស់ប្តូរគណៈប្រតិភូជាន់ខ្ពស់ និងគ្រប់លំដាប់ថ្នាក់ ជំរុញកិច្ចសហប្រតិបត្តិការលើវិស័យសេដ្ឋកិច្ច ពាណិជ្ជកម្ម និងវិនិយោគបន្ថែមទៀត ហើយមានបំណងនឹងស្វាគមន៍ប្រជាជនវៀតណាមកាន់តែច្រើនមកទស្សនា និងសិក្សានៅសាកលវិទ្យាល័យរបស់អេហ្ស៊ីប។

លោក Luong Cuong ប្រធានរដ្ឋ ជួបសវនាការជាមួយលោក Hanafy El Gebaly ប្រធានសភាជាន់ទាបអេហ្ស៊ីប

លោក Luong Cuong ប្រធានរដ្ឋ បានអះអាងថា វៀតណាមមានបំណងចង់ពង្រឹងថែមទៀតនូវកិច្ចសហប្រតិបត្តិការរវាងប្រទេសទាំងពីរលើបណ្តាញសភា។ លោក Luong Cuong ប្រធានរដ្ឋ បានស្នើឱ្យសភាជាន់ទាបអេហ្ស៊ីបគាំទ្រការអនុវត្តទិសដៅសំខាន់ៗ ដើម្បីជំរុញទំនាក់ទំនងទ្វេភាគីឱ្យកាន់តែមានប្រសិទ្ធភាព ជាក់ស្តែង និងទូលំទូលាយ រួមទាំងការចុះហត្ថលេខាលើកិច្ចព្រមព្រៀងសហប្រតិបត្តិការ ដើម្បីបង្កើតក្របខ័ណ្ឌច្បាប់ពេញលេញសម្រាប់កិច្ចសហប្រតិបត្តិការទ្វេភាគី។

ក្រៅពីការឃ្លាំមើលការអនុវត្តប្រកបដោយប្រសិទ្ធភាពនូវកិច្ចសន្យាកម្រិតខ្ពស់ថ្នាក់ដឹកនាំទាំងពីរបានឯកភាពពង្រឹងកិច្ចសហប្រតិបត្តិការក្នុងការចែករំលែកបទពិសោធន៍នីតិបញ្ញត្តិ ការសម្របសម្រួល និងការគាំទ្រគ្នាទៅវិញទៅមកនៅវេទិកា អង្គការអន្តរជាតិ និងវេទិកាអន្តរសភាពិភពលោក។ ភាគីទាំងពីរបានឯកភាពសិក្សាលើការបង្កើតសមាគមសមាជិកសភាមិត្តភាព ដើម្បីចែករំលែក និងផ្លាស់ប្តូរព័ត៌មាននីតិបញ្ញត្តិ៕

បកប្រែដោយ Huyen Trang