មេបញ្ជាការយោធភូមិភាគទី៥ កងទ័ពប្រជាជនវៀតណាម ជូនពរឆ្នាំថ្មីនៅកម្ពុជា

ក្នុងឱកាសបុណ្យចូលឆ្នាំថ្មីប្រពៃណីជាតិកម្ពុជា មេបញ្ជាការយោធភូមិភាគទី៥ បានជូនពរដល់មន្ត្រីរាជការ និងប្រជាពលរដ្ឋខេត្តរតនគិរី មានសុខភាពល្អបរិបូរណ៍ សុភមង្គល និងទទួលបានជោគជ័យក្នុងគ្រប់ភារកិច្ច ហើយជូនពរខេត្តរតនគិរី ទទួលបានសមិទ្ធផលធំៗជាច្រើន ក្នុងការងារកសាង និងអភិវឌ្ឍប្រទេសជាតិ។

ទិដ្ឋភាពនៃជំនួបជាមួយថ្នាក់ដឹកនាំខេត្តរតនគិរី

លោកឧត្តមសេនីយ៍ត្រី Le Ngoc Hai បានថ្លែងអំណរគុណចំពោះថ្នាក់ដឹកនាំ និងប្រជាជនខេត្តរតនគិរី ដែលបានយកចិត្តទុកដាក់ និងជួយគាំទ្រដល់ក្រុមប្រមូលផ្តុំផ្នូរយុទ្ធជនពលី (ក្រុម K៥២ នៃបញ្ជាការដ្ឋានយោធាខេត្ត Gia Lai និងក្រុម K៥៣ នៃបញ្ជាការដ្ឋានយោធាខេត្ត Kon Tum) របស់យោធភូមិភាគទី៥ ក្នុងការបំពេញប្រកបដោយប្រសិទ្ធភាពនូវភារកិច្ចស្វែងរក ប្រមូលផ្តុំ ការធ្វើមាតុភូមិនិវត្តន៍អដ្ឋិធាតុកងទ័ពស្ម័គ្រចិត្តវៀតណាម និងអ្នកជំនាញដែលពលីជីវិតក្នុងសម័យសង្គ្រាម។ ទន្ទឹមនឹងនោះ អាជ្ញាធរខេត្តរតនគិរី ក៏បានបង្កើតលក្ខខណ្ឌអំណោយផល និងគោលនយោបាយអាទិភាពសម្រាប់ប្រជាជនវៀតណាមក្នុងការរស់នៅ ធ្វើការនៅមូលដ្ឋានផងដែរ។

នាពេលខាងមុខ មេបញ្ជាការយោធភូមិភាគទី៥ សង្ឃឹមថា ភាគីទាំងពីរនឹងពង្រឹងថែមទៀតនូវទំនាក់ទំនងសហប្រតិបត្តិការលើវិស័យជាច្រើនដូចជា កិច្ចការបរទេស សន្តិសុខ ការពារជាតិ ព្រំដែន និងសុខាភិបាល។

ក្នុងឱកាសនេះ លោកឧត្តមសេនីយ៍ត្រី Le Ngoc Hai បានជូនពរទំនាក់ទំនងរវាងវៀតណាម-កម្ពុជា កម្ពុជា-វៀតណាមនិយាយរួម និងរវាងយោធភូមិភាគទី៥ (កងទ័ពប្រជាជនវៀតណាម) និងខេត្តរតនគិរី និយាយដោយឡែក ឱ្យកាន់តែរីកចម្រើន។

លោកឧត្តមសេនីយ៍ត្រី Le Ngoc Hai ជូនពរឆ្នាំថ្មី នៅតំបន់ប្រតិបត្តិការសឹករងខេត្តរតនគិរី

នៅតំបន់ប្រតិបត្តិការសឹករងខេត្តរតនគិរី លោកឧត្តមសេនីយ៍ត្រី Le Ngoc Hai ជូនពរឆ្នាំថ្មីចំពោះលោកឧត្តមសេនីយ៍ត្រី មុយ សុផាត មេបញ្ជាការតំបន់ប្រតិបត្តិការសឹករងខេត្តរតនគិរី និងនាយទាហាន នាយទាហានរងនៃតំបន់ប្រតិបត្តិការសឹករងខេត្តរតនគិរី មានសុខភាពល្អបរិបូរណ៍ សុភមង្គល និងទទួលបានជោគជ័យក្នុងគ្រប់ភារកិច្ច។

នាពេលខាងមុខ មេបញ្ជាការយោធភូមិភាគទី៥ សង្ឃឹមថា ភាគីទាំងពីរនឹងបន្តរក្សាការផ្លាស់ប្តូរព័ត៌មាន។ លោកឧត្តមសេនីយ៍ត្រី Le Ngoc Hai បានស្នើឲ្យតំបន់ប្រតិបត្តិការសឹករងខេត្តរតនគិរី បន្តធ្វើសេនាធិការដល់អាជ្ញាធរមូលដ្ឋាន អំពីការចងសម្ព័ន្ធមេត្រីភាពនៅគ្រប់លំដាប់ថ្នាក់ជាមួយភាគីវៀតណាម ហើយផ្សារភ្ជាប់ការអភិវឌ្ឍសេដ្ឋកិច្ច ជាមួយការការពារជាតិ និងសន្តិសុខ។ លោកឧត្តមសេនីយ៍ត្រី Le Ngoc Hai ក៏បានស្នើឲ្យតំបន់ប្រតិបត្តិការសឹករងខេត្តរតនគិរី សហការជាមួយបញ្ជាការដ្ឋានយោធាខេត្ត Kon Tum និងខេត្ត Gia Lai ស្ថាប័នមានសមត្ថកិច្ច និងកងកម្លាំងនៅតាមព្រំដែន ធ្វើការយាមល្បាត និងត្រួតពិនិត្យព្រំដែន បង្គោលព្រំដែន ចូលរួមចំណែកក្នុងការថែរក្សាសន្តិសុខតាមព្រំដែន៕

បកប្រែដោយ Thuy Anh