ស្ដង់ទំនិញជាង ៦០ នៅផ្សារណាត់ព្រំដែនស្រុក Duc Co

ផ្សារណាត់មានស្តង់ជាង ៦០ ស្តង់ដែលមកពីធុរកិច្ច សហករណ៍ក្នុងនិងក្រៅខេត្ត Gia Lai និងធុរកិច្ចនៃខេត្តរតនគិរី (កម្ពុជា)។ ផ្សារណាត់ព្រំដែនត្រូវបានរៀបចំឡើងជារៀងរាល់ឆ្នាំ ដើម្បីជំរុញពាណិជ្ជកម្ម និងជម្រុញការវិនិយោគលើហេដ្ឋារចនាសម្ព័ន្ធនៅច្រកទ្វារព្រំដែនអន្តរជាតិ Le Thanh (ស្រុក Duc Co) និងច្រកទ្វារព្រំដែនអន្តរជាតិអូរយ៉ាដាវ (កម្ពុជា) រួមចំណែកអភិវឌ្ឍន៍សេដ្ឋកិច្ច សង្គមតាមតំបន់ព្រំដែន។

ភ្ញៀវទេសចរទៅទស្សនា និងទិញទំនិញនៅផ្សារព្រំដែនស្រុក Duc Co

សកម្មភាពពាណិជ្ជកម្មតាមព្រំដែនរវាងខេត្ត Gia Lai និងខេត្តរតនគិរី កាន់តែទទួលបានការយកចិត្តទុកដាក់ពីអាជ្ញាធរមូលដ្ឋាននៃភាគីទាំងពីរ។ ទំហំនៃការនាំចេញ-នាំចូលឆ្លងដែនសរុបក្នុងរយៈពេល ៩ ខែដំបូងនៃឆ្នាំ២០២៣ ត្រូវបានគេប៉ាន់ប្រមាណថាសម្រេចបាន ១០៤.២ លានដុល្លារអាមេរិក៕

បកប្រែដោយ Thuy Anh