ថ្នាក់ដឹកនាំយោធភូមិភាគទី៣ និងខេត្តកំពង់ស្ពឺ ទៅបំពេញទស្សនកិច្ច និងលើកទឹកចិត្តក្រុម K93 ដែលកំពុងបំពេញភារកិច្ចនៅកម្ពុជា

នៅក្នុងជំនួប គណៈប្រតិភូថ្នាក់ដឹកនាំយោធភូមិភាគទី៣ និងខេត្តកំពង់ស្ពឺ បានលើកសរសើរចំពោះស្មារតីទទួលខុសត្រូវ ឆន្ទៈក្នុងការជម្នះពុះពារការលំបាក  និងការសម្របសម្រួលយ៉ាងជិតស្និទ្ធរបស់កម្មាភិបាល និងយុទ្ធជននៃក្រុម K93 ក្នុងដំណើរការបំពេញបេសកកម្មអន្តរជាតិពិសេស។ ថ្នាក់ដឹកនាំនៃភាគីទាំងពីរបានវាយតម្លៃខ្ពស់ចំពោះលទ្ធផលនៃការស្ទង់មើល និងស្វែងរកក្នុងរយៈពេលកន្លងមក ព្រមទាំងបញ្ជាក់ថា អាជ្ញាធរ និងកងកម្លាំងប្រដាប់អាវុធខេត្តកំពង់ស្ពឺ នឹងបន្តគាំទ្រ និងបង្កើតលក្ខខណ្ឌអំណោយផលសម្រាប់ក្រុម K93 បំពេញភារកិច្ចរបស់ខ្លួនដោយជោគជ័យនៅក្នុងរដូវប្រាំងឆ្នាំ ២០២៥-២០២៦។

ថ្នាក់ដឹកនាំនៃយោធភូមិភាគទី៣ និងខេត្តកំពង់ស្ពឺ បំពេញទស្សនកិច្ច និងលើកទឹកចិត្តក្រុម K93 ឱ្យបំពេញភារកិច្ចរបស់ខ្លួននៅកម្ពុជា

តាងនាមអង្គភាព មេបញ្ជាការក្រុម K93 បានសម្តែងនូវការដឹងគុណយ៉ាងជ្រាលជ្រៅចំពោះការយកចិត្តទុកដាក់ និងជំនួយពីអាជ្ញាធរគ្រប់លំដាប់ថ្នាក់ កងកម្លាំងប្រដាប់អាវុធនៃយោធភូមិភាគទី៣ និងខេត្តកំពង់ស្ពឺ ព្រមទាំងបញ្ជាក់ថា អង្គភាពនឹងបន្តលើកកម្ពស់ប្រពៃណី ជំនះពុះពារការលំបាក និងប្តេជ្ញាចិត្តបំពេញភារកិច្ចដែលបានប្រគល់ឲ្យប្រកបដោយជោគជ័យ។

ប្រតិភូទាំងឡាយថតរូបទុកជាអនុស្សាវរីយ៍

ដំណើរទស្សនកិច្ចនេះគឺជាការលើកទឹកចិត្តទាន់ពេលវេលា ដែលបន្ថែមទំនុកចិត្ត និងការលើកទឹកចិត្តដល់កម្មាភិបាល និងយុទ្ធជននៃក្រុម K93 ឱ្យខិតខំបំពេញភារកិច្ចស្វែងរក ប្រមូល និងធ្វើមាតុភូមិនិវត្តន៍អដ្ឋិធាតុយុទ្ធជនពលីទៅកាន់មាតុភូមិវិញ៕

បកប្រែដោយ Huyen Trang