ជំនួបប្រាស្រ័យមិត្តភាពការពារជាតិព្រំដែនវៀតណាម-កម្ពុជា លើកទីពីរ៖ រដ្ឋមន្ត្រីការពារជាតិវៀតណាម និងកម្ពុជា ជួបពិភាក្សាការងារ

ទិដ្ឋភាពនៃកិច្ចពិភាក្សា

លោកនាយឧត្តមសេនីយ៍ Phan Van Giang និងគណៈប្រតិភូវៀតណាមនៅក្នុងកិច្ចពិភាក្សា

លោកនាយឧត្តមសេនីយ៍ ទៀ សីហា និងគណៈប្រតិភូកម្ពុជានៅក្នុងកិច្ចពិភាក្សា

លោកនាយឧត្តមសេនីយ៍ Phan Van Giang និងលោកនាយឧត្តមសេនីយ៍ ទៀ សីហា បានវាយតម្លៃថា ក្នុងរយៈពេលកន្លងនេះ ក្រសួងការពារជាតិ នៃប្រទេសទាំងពីរ បានជ្រួត​ជ្រាប​​យ៉ាង​ស៊ី​ជម្រៅ​អំ​ពី​គោល​នយោបាយ និងទិសដៅដែលបានឯកភាពគ្នា ដោយថ្នាក់ដឹកនាំជាន់ខ្ពស់នៃប្រទេសទាំងពីរ ដែលជម្រុញឲ្យ​កិច្ចសហប្រតិបត្តិការយោធា ការពារជាតិរវាងប្រទេសទាំងពីរកាន់តែមានភាពជាក់ស្តែង និងប្រសិទ្ធភាព រួមចំណែកដល់ការពង្រឹងបរិយាកាសសន្តិភាព និងស្ថិរភាពសម្រាប់ការអភិវឌ្ឍនៅក្នុងប្រទេសនីមួយៗ។

ជាពិសេស ការសម្របសម្រួលបង្កើនការផ្លាស់ប្តូរព័ត៌មាន និងការផ្តល់យោបល់ប្រកបដោយប្រសិទ្ធភាពដល់ថ្នាក់ដឹកនាំជាន់ខ្ពស់នៃប្រទេសទាំងពីរលើការងារយោធា ការពារជាតិ ហើយកិច្ចសហប្រតិបត្តិការរវាងកងកម្លាំងការពារគ្រប់គ្រងព្រំដែន យោធភូមិភាគ អង្គភាពជាប់ព្រំដែន កងទ័ពជើងទឹក និងកងឆ្មាំសមុទ្រនៃប្រទេសទាំងពីរត្រូវបានអនុវត្តប្រកបដោយប្រសិទ្ធភាព ដូចជាការរៀបចំការយាមល្បាតរួមគ្នា ការប្រយុទ្ធប្រឆាំងនឹងឧក្រិដ្ឋកម្មឆ្លងដែន គំរូចងសម្ព័ន្ធមេត្រីភាពតាម​ប៉ុស្តិ៍នានា​រវាងកងកម្លាំងគ្រប់គ្រងការពារព្រំដែនរវាងប្រទេសទាំង​ពីរ ការចងសម្ព័ន្ធមេត្រីភាពរវាងក្រុម​លំនៅឋាននៅសងខាងព្រំដែន​ និង​កម្មវិធីសន្តិសុខសង្គមជូនប្រជាជននៅតំបន់ព្រំដែននៃប្រទេសទាំងពីរ ហើយ​និង​​​កិច្ចសហប្រតិបត្តិការក្នុងវិស័យនយោបាយសតិអារម្មណ៍ត្រូវបានយកចិត្តទុកដាក់អនុវត្ត ការឃោសនាអប់រំជូនប្រជាជននិងកងទ័ពនៃប្រទេសទាំងពីរ ជាពិសេសយុវជនជំនាន់ក្រោយអំពីប្រវត្តិសាស្ត្រប្រពៃណី សារៈសំខាន់ និងអត្ថន័យនៃទំនាក់ទំនង​សាមគ្គីភាព និងមិត្តភាពវៀតណាម-កម្ពុជា ព្រមទាំង​កិច្ចសហប្រតិបត្តិការក្នុងការបណ្តុះបណ្តាលធនធានមនុស្សត្រូវបានលើកកម្ពស់ដោយចាត់ទុកនេះជាបញ្ហាយុទ្ធសាស្ត្រសម្រាប់ទំនាក់ទំនងរវាងប្រទេសទាំងពីរ និងកងទ័ពទាំងពីរ។

លោកនាយឧត្តមសេនីយ៍ Phan Van Giang និងលោកនាយឧត្តមសេនីយ៍ ទៀ សីហា ចុះហត្ថលេខានិងផ្លាស់ប្តូរឯកសារសហប្រតិបត្តិការ

ទាក់ទងនឹងទិសដៅនៃកិច្ចសហប្រតិបត្តិការនាពេលខាងមុខ ភាគីទាំងពីរបានឯកភាពគ្នាបន្តពង្រឹង និងពង្រី​ចំណង​សាមគ្គីភាព និងទំនាក់ទំនងជិតស្និទ្ធរវាងប្រទេសទាំងពីរ និងកងទ័ពទាំងពីរ បង្កើនការផ្លាស់ប្តូរស្ថានភាព ផ្តល់យោបល់ប្រកបដោយប្រសិទ្ធភាពជូន​ថ្នាក់ដឹកនាំជាន់ខ្ពស់នៃប្រទេសទាំងពីរលើការងារយោធា ការពារជាតិ បង្កើនការជួបជុំ និងទំនាក់ទំនងនៅកម្រិតខ្ពស់ និងគ្រប់កម្រិត លើកកម្ពស់យន្តការសហប្រតិបត្តិការដែលមានស្រាប់ប្រកបដោយប្រសិទ្ធភាព ពង្រឹងការជួបប្រាស្រ័យរវាងថ្នាក់ដឹកនាំវ័យក្មេង និងនាយទាហានវ័យក្មេងនៃកងទ័ពទាំងពីរ បង្កើនគុណភាពនៃកិច្ចសហប្រតិបត្តិការក្នុងការបណ្តុះបណ្តាលធនធានមនុស្ស ហើយពិគ្រោះយោបល់ និងគាំទ្រគ្នាទៅវិញទៅមកយ៉ាងជិតស្និទ្ធនៅក្នុងយន្តការ និងវេទិកាពហុភាគីនៅក្នុងតំបន់ និងអន្តរជាតិ លើកកម្ពស់កិច្ចសហប្រតិបត្តិការរវាងប្រទេសទាំងបី វៀតណាម-ឡាវ-កម្ពុជា រួមទាំងកិច្ចប្រជុំប្រចាំឆ្នាំរវាងរដ្ឋមន្ត្រីក្រសួងការពារជាតិទាំងបី ការហាត់សមស្តីពីការទប់ស្កាត់ និងប្រយុទ្ធប្រឆាំងនឹងបញ្ហាប្រឈមសន្តិសុខមិនមែនប្រពៃណីរវាងកងទ័ពនៃប្រទេសទាំងបី។

លោកនាយឧត្តមសេនីយ៍ Phan Van Giang និងលោកនាយឧត្តមសេនីយ៍ ទៀ សីហា អញ្ជើញជា​សាក្សីក្នុងការចុះហត្ថលេខាលើឯកសារសហប្រតិបត្តិការរវាងកងទ័ពទាំងពីរ

ភាគីទាំងពីរបានឯកភាពគ្នាសម្របសម្រួលយ៉ាងជិតស្និទ្ធក្នុងការគ្រប់គ្រងការពារព្រំដែនគោកនិងសមុទ្រ បង្កើនការផ្លាស់ប្តូរព័ត៌មាន ស្ថានភាព ការយាមល្បាតទ្វេភាគី ការការពារព្រំដែន បង្គោលព្រំដែន ការប្រយុទ្ធប្រឆាំងនឹងឧក្រិដ្ឋកម្មឆ្លងដែន ចូលរួមចំណែកយ៉ាងសកម្មក្នុងការងារខ័ណ្ឌសីមាបោះបង្គោលព្រំដែនរវាងប្រទេសទាំងពីរ បន្តសម្របសម្រួលទប់ស្កាត់ ដោះស្រាយបញ្ហាដែលកើតឡើងនៅសមុទ្រ ប្រព្រឹត្តិដោយមនុស្សធម៌ចំពោះអ្នកនេសាទ ព្រមទាំងស្នើឱ្យក្រសួង ស្ថាប័ន និងមូលដ្ឋាននានាបន្តសម្របសម្រួលជាមួយកងទ័ពទាំងពីរក្នុងកិច្ចសហប្រតិបត្តិការ និងការគ្រប់គ្រងព្រំដែន បង្កើនការតភ្ជាប់ហេដ្ឋារចនាសម្ព័ន្ធសេដ្ឋកិច្ច បង្កើតលក្ខខណ្ឌអំណោយផលសម្រាប់ប្រជាជននៅតាមព្រំដែនក្នុងការធ្វើដំណើរ ធ្វើពាណិជ្ជកម្ម និងអភិវឌ្ឍសេដ្ឋកិច្ចស្របតាមច្បាប់នៃប្រទេសនីមួយៗ និងកិច្ចព្រមព្រៀងរវាងប្រទេសទាំងពីរ។

លោកនាយឧត្តមសេនីយ៍ Phan Van Giang និងលោកនាយឧត្តមសេនីយ៍ ទៀ សីហា ព្រមទាំងគណៈប្រតិភូ ទៅទស្សនាអគារប្រពៃណីនៃកងពលធំលេខ៥ យោធភូមិភាគទី៧

នៅក្នុងកិច្ចពិភាក្សានោះ ភាគីទាំងពីរក៏បានពិភាក្សាអំពីស្ថានភាពពិភពលោក និងតំបន់ដែលការយកចិត្តទុកដាក់ដូចគ្នា។ នៅចុងបញ្ចប់នៃកិច្ចពិភាក្សា លោកនាយឧត្តមសេនីយ៍ Phan Van Giang និងលោកនាយឧត្តមសេនីយ៍ ទៀ សីហា បានចុះហត្ថលេខាលើផែនការសហប្រតិបត្តិការឆ្នាំ២០២៦ អនុស្សរណៈនៃការយោគយល់គ្នាស្តីពីការពង្រឹងកិច្ចសហប្រតិបត្តិការក្នុងវិស័យបណ្តុះបណ្តាលធនធានមនុស្ស និងកិច្ចព្រមព្រៀងស្តីពីកិច្ចសហប្រតិបត្តិការការពារ​ព្រំដែន ព្រមទាំងបានធ្វើជាសាក្សីក្នុងពិធីផ្លាស់ប្តូរកំណត់ហេតុនៃការចងសម្ព័ន្ធមេត្រីភាពរវាងប៉ុស្តិ៍ការពារព្រំដែនច្រកទ្វារ​អន្តរជាតិ Moc Bai/ វៀតណាម និងមូលដ្ឋានកងរាជអាវុធហត្ថក្រុងបាវិត/កម្ពុជា៕

បកប្រែដោយ Duy Hoan