ខេត្ត Tay Ninh ចុះហត្ថលេខាលើកិច្ចព្រមព្រៀងពាណិជ្ជកម្មតាមព្រំដែនជាមួយខេត្តចំនួនបីនៃប្រទេសកម្ពុជា

ខ្លឹមសារសំខាន់ៗនៃកិច្ចប្រជុំនេះគឺអនុម័តលើសេចក្តីព្រាងនៃកិច្ចព្រមព្រៀង និងចុះហត្ថលេខាលើកិច្ចព្រមព្រៀងស្ដីពីបង្កើតលក្ខណៈងាយស្រួលសម្រាប់ការដឹកជញ្ជូនទំនិញឆ្លងដែនរវាងខេត្ត Tay Ninh ជាមួយខេត្តស្វាយរៀង ខេត្តព្រៃវែង និងខេត្តត្បូងឃ្មុំ។

ទិដ្ឋភាពនៃកិច្ចប្រជុំ (រូបថត៖ nhandan.vn)

នៅក្នុងកិច្ចប្រជុំនេះ លោក Nguyen Van Quyet លេខាគណៈកម្មាធិការបក្សខេត្ត Tay Ninh បានសង្កត់ធ្ងន់ថា នាពេលខាងមុខ ខេត្ត Tay Ninh មានបំណងបន្តទទួលបានកិច្ចសហការកាន់តែជិតស្និទ្ធ និងមានប្រសិទ្ធភាពពីខេត្តទាំងបីក្នុងការអភិវឌ្ឍសេដ្ឋកិច្ចតាមព្រំដែន តភ្ជាប់ជាមួយនឹងការធានាការពារជាតិ និងសន្តិសុខ ការវិនិយោគលើការតភ្ជាប់ហេដ្ឋារចនាសម្ព័ន្ធដឹកជញ្ជូន logistics ច្រកទ្វារព្រំដែន មណ្ឌលសេដ្ឋកិច្ចនៅច្រកទ្វារព្រំដែន ចែករំលែកបទពិសោធន៍ក្នុងការធ្វើបរិវត្តកម្មឌីជីថល និងកំណែទម្រង់រដ្ឋបាល ជាពិសេសពង្រឹងការទូតប្រជាជន សាមគ្គីភាព និងមិត្តភាពពិសេសរវាងបណ្ដាខេត្តជាប់ព្រំដែន។

ខេត្ត Tay Ninh ជឿជាក់ថា ក្នុងស្មារតីសាមគ្គីភាព មិត្តភាព កិច្ចសហប្រតិបត្តិការយ៉ាងជិតស្និទ្ធ នឹងរួមចំណែកដល់ការពង្រឹងបន្ថែមទៀតនូវទំនាក់ទំនងដ៏ល្អប្រពៃ និងជួយគាំទ្រការជម្រុញកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគ ដើម្បីសម្រេចបាននូវកំណើនកាន់តែខ្ពស់។

ថ្នាក់ដឹកនាំខេត្ត Tay Ninh ជាមួយខេត្តស្វាយរៀង ខេត្តប្រាយវង្ស និងខេត្តត្បូងឃ្មុំ ឯកភាពសហប្រតិបត្តិការសេដ្ឋកិច្ចពាណិជ្ជកម្មតាមព្រំដែន (រូបថត៖ nhandan.vn)

នៅក្នុងកិច្ចប្រជុំនេះ គណៈកម្មាធិការប្រជាជនខេត្ត Tay Ninh បានចុះហត្ថលេខាលើកំណត់ហេតុនៃកិច្ចព្រមព្រៀង ស្ដីពីការបង្កើតលក្ខណៈងាយស្រួលសម្រាប់ការដឹកជញ្ជូនទំនិញឆ្លងដែនជាមួយក្រុមប្រឹក្សារដ្ឋបាលខេត្តស្វាយរៀង ខេត្តប្រាយវង្ស និងខេត្តត្បូងឃ្មុំ។ នេះគឺជាភស្តុតាងនៃកិច្ចសហប្រតិបត្តិការជាក់លាក់ និងមានប្រសិទ្ធភាព ដែលបង្កើតលក្ខខណ្ឌអំណោយផលសម្រាប់ធុរកិច្ច និងប្រជាជនឆ្លងដែន រួមចំណែកអភិវឌ្ឍសេដ្ឋកិច្ចពាណិជ្ជកម្មតាមព្រំដែននៃខេត្តនីមួយៗ៕

បកប្រែដោយ Thuy Anh