លើកកម្ពស់កិច្ចសហប្រតិបត្តិការការពារជាតិរវាងវៀតណាម ជាមួយ​ឡាវ និង​កម្ពុជា

ជាលើកដំបូងដែលរដ្ឋមន្ត្រីក្រសួងការពារជាតិវៀតណាម ឡាវ និងកម្ពុជា បានជួបគ្នានៅក្នុងសន្និសីទពហុភាគី

ប្រតិភូទាំងឡាយ​ថតរូប​អនុស្សាវរីយ៍​

នៅក្នុងកិច្ចប្រជុំនេះ រដ្ឋមន្ត្រីក្រសួងការពារជាតិនៃប្រទេសទាំងបីបានបញ្ជាក់ថា កិច្ចសហប្រតិបត្តិការរវាងប្រទេសទាំងបីកំពុងត្រូវបានលើកកម្ពស់យ៉ាងខ្លាំង។ ជាពិសេស កិច្ចសហប្រតិបត្តិការការពារជាតិ និងសន្តិសុខតែងតែជាសសរស្តម្ភដ៏សំខាន់មួយនៅក្នុងទំនាក់ទំនងរួមរវាងប្រទេសទាំងបី។ ដើម្បីពង្រឹងកិច្ចសហប្រតិបត្តិការការពារជាតិរវាងប្រទេសទាំងបីបន្ថែមទៀតនាពេលខាងមុខ រដ្ឋមន្ត្រីក្រសួងការពារជាតិនៃប្រទេសទាំងបីបានឯកភាពគ្នាលើខ្លឹមសារនៃកិច្ចសហប្រតិបត្តិការជាក់ស្តែង ដែលក្នុងនោះយកចិត្តទុកដាក់យ៉ាងខ្លាំងចំពោះការឃោសនា និងការអប់រំសម្រាប់កងទ័ព និងប្រជាជន ជាពិសេសយុវជនជំនាន់ក្រោយ អំពីសច្ចភាពប្រវត្តិសាស្ត្រ អត្ថន័យ និងសារៈសំខាន់នៃសាមគ្គីភាពរបស់ប្រទេសទាំងបីសម្រាប់ជោគវាសនារបស់ប្រទេសនីមួយៗ។

* គួររំលឹកថានាថ្ងៃដដែល លោករដ្ឋមន្ត្រី Phan Van Giang បានជួបទ្វេភាគីជាមួយរដ្ឋមន្ត្រីក្រសួងការពារជាតិឡាវ និងបានជួបជាមួយរដ្ឋមន្ត្រីក្រសួងការពារជាតិកម្ពុជា។

លោកនាយឧត្តមសេនីយ៍ Phan Van Giang និងលោកឧត្តមសេនីយ៍ឯក Khamliang Outhakaysone

នៅក្នុងជំនួប​ជាមួយរដ្ឋមន្ត្រីក្រសួងការពារជាតិឡាវ លោកនាយឧត្តមសេនីយ៍ Phan Van Giang និងលោកឧត្តមសេនីយ៍ឯក Khamliang Outhakaysone មានសេចក្តីសោមនស្សរីករាយដែលឃើញថា ខ្លឹមសារនៃពិធីសារសហប្រតិបត្តិការសម្រាប់រយៈពេល ២០២៥-២០២៩ និងផែនការសហប្រតិបត្តិការសម្រាប់ឆ្នាំ ២០២៥ ត្រូវបានសម្របសម្រួល និងអនុវត្តយ៉ាងមានប្រសិទ្ធភាព និងជាក់ស្តែងដោយស្ថាប័ននានានៃភាគីទាំងពីរលើគ្រប់ទិដ្ឋភាពទាំងអស់ ដូចជាការសម្របសម្រួលយ៉ាងជិតស្និទ្ធ ការឃោសនាល្អ និងការងារអប់រំអំពីមិត្តភាពដ៏អស្ចារ្យរវាងវៀតណាម និងឡាវ។ ការផ្លាស់ប្តូរព័ត៌មាន និងស្ថានភាព ដោយហេតុនេះផ្តល់ដំផ្តល់យោបល់ប្រកបដោយប្រសិទ្ធភាពដល់ថ្នាក់ដឹកនាំបក្ស និងរដ្ឋលើបញ្ហាយុទ្ធសាស្ត្រដែលប៉ះពាល់ដល់ការពារជាតិ និងសន្តិសុខរបស់ប្រទេសនីមួយៗ។ កិច្ចសហប្រតិបត្តិការរវាងយោធា ភស្តុភារ បច្ចេកទេស និងឧស្សាហកម្មការពារជាតិត្រូវបានលើកកម្ពស់។ លោកនាយឧត្តមសេនីយ៍ Phan Van Giang និងលោកឧត្តមសេនីយ៍ឯក Khamliang Outhakaysone បានឯកភាពគ្នាក្នុងការចាត់តាំងស្ថាប័ននានានៃភាគីទាំងពីរឱ្យសម្របសម្រួលយ៉ាងសកម្មដើម្បីបូកសរុបលទ្ធផលនៃការអនុវត្តផែនការសហប្រតិបត្តិការឆ្នាំ ២០២៥ និងបង្កើតផែនការសហប្រតិបត្តិការឆ្នាំ ២០២៦ សម្រាប់ចុះហត្ថលេខានៅពេលខាងមុខ។

លោកនាយឧត្តមសេនីយ៍ Phan Van Giang និងលោកនាយឧត្តមសេនីយ៍ ទៀ សីហា

នៅក្នុងជំនួបជាមួយរដ្ឋមន្ត្រីក្រសួងការពារជាតិកម្ពុជា លោកនាយឧត្តមសេនីយ៍ Phan Van Giang និងលោកនាយឧត្តមសេនីយ៍ ទៀ សីហា មានសេចក្តីសោមនស្សរីករាយដែលឃើញថា ទំនាក់ទំនងការពារជាតិទ្វេភាគីកំពុងអភិវឌ្ឍយ៉ាងល្អ ការផ្លាស់ប្តូរគណៈប្រតិភូគ្រប់លំដាប់ថ្នាក់ ជាពិសេសគណៈប្រតិភូកម្រិតខ្ពស់ ត្រូវបានយកចិត្តទុកដាក់យ៉ាងខ្លាំង។ ទម្រង់ និងយន្តការនៃកិច្ចសហប្រតិបត្តិការកាន់តែមានភាពចម្រុះ និងមានប្រសិទ្ធភាពជាងមុន។ កិច្ចសហប្រតិបត្តិការប្រកបដោយប្រសិទ្ធភាពក្នុងការគ្រប់គ្រង និងការពារព្រំដែនគោក និងសមុទ្រ បានរួមចំណែកយ៉ាងសំខាន់ក្នុងការពង្រឹងសន្តិសុខ និងសណ្តាប់ធ្នាប់នៅតំបន់ព្រំដែននៃប្រទេសទាំងពីរ។ កិច្ចសហប្រតិបត្តិការក្នុងការបណ្តុះបណ្តាល ការស្វែងរក ការប្រមូល និងធ្វើមាតុភូមិនិវត្តន៍អដ្ឋិធាតុកងទ័ពស្ម័គ្រចិត្ត និងអ្នកជំនាញវៀតណាម ដែលបានពលីជីវិតនៅកម្ពុជាក្នុងសម័យសង្គ្រាម... នៅតែបន្តត្រូវបានលើកកម្ពស់ និងសម្រេចបានលទ្ធផលសំខាន់ៗជាច្រើន។ ភាគីទាំងពីរសម្របសម្រួល និងគាំទ្រគ្នាទៅវិញទៅមកយ៉ាងជិតស្និទ្ធនៅក្នុងវេទិកាពហុភាគី យន្តការ និងព្រឹត្តិការណ៍អន្តរជាតិដែលរៀបចំដោយភាគីនីមួយៗ។ ភាគីទាំងពីរបានឯកភាពគ្នាបន្តកិច្ចខិតខំប្រឹងប្រែងដើម្បីនាំមកជូននូវកិច្ចសហប្រតិបត្តិការការពារជាតិទ្វេភាគីឲ្យកាន់តែស៊ីជម្រៅ មានប្រសិទ្ធភាព និងជាក់ស្តែងជាងមុន ដោយពង្រឹងតួនាទីជាសសរស្តម្ភដ៏សំខាន់មួយនៅក្នុងទំនាក់ទំនងវៀតណាម-កម្ពុជា។ ពន្លឿនការរៀបចំសម្រាប់ជំនួបប្រាស្រ័យមិត្តភាពការពារជាតិព្រំដែនវៀតណាម-កម្ពុជាលើកទីពីរនាពេលខាងមុខ៕

បកប្រែដោយ Duy Hoan