បើកវគ្គហ្វឹកហ្វឺនជំនាញវិទ្យុទូរទស្សន៍សម្រាប់មន្ត្រីនៃកងយោធពលខេមរភូមិន្ទ ឆ្នាំ២០២៥

លោកវរសេនីយ៍ឯក Nguyen Van Hoan ថ្លែងសុន្ទរកថាបើក

នៅក្នុងសុន្ទរកថាបើក លោកវរសេនីយ៍ឯក Nguyen Van Hoan អនុប្រធានមជ្ឈមណ្ឌលវិទ្យុនិងទូរទស្សន៍យោធា បានមានប្រសាសន៍ថា វគ្គហ្វឹកហ្វឺននេះគឺជាផ្នែកមួយនៃផែនការសហប្រតិបត្តិការឆ្នាំ២០២៥ រវាងក្រសួងការពារប្រទេសវៀតណាម និងក្រសួងការពារជាតិកម្ពុជា។ លោកវរសេនីយ៍ឯក Nguyen Van Hoan សង្ឃឹមថា វគ្គហ្វឹកហ្វឺននេះ នឹងជួយមន្រ្តីចំនួន ១៥ នាក់នៃកងយោធពលខេមរភូមិន្ទ ឲ្យយល់អំពីខ្លឹមសារជាមូលដ្ឋាននៃប្រតិបត្តិការក្នុងវិស័យវិទ្យុនិងទូរទស្សន៍។

ប្រតិភូចូលរួមក្នុងពិធីបើកវគ្គហ្វឹកហ្វឺន

លោកវរសេនីយ៍ឯក Nguyen Van Hoan បានសង្កត់ធ្ងន់ថា នេះក៏ជាឱកាសសម្រាប់ភាគីទាំងពីរចែករំលែកបទពិសោធន៍ និងការងារជាក់ស្តែង អាស្រ័យលើនេះរួមគ្នាស្រាវជ្រាវអនុវត្តដើម្បីកែលម្អគុណភាពជំនាញ​វិជ្ជាជីវៈ។ នៅក្នុងឱកាសនេះ លោកវរសេនីយ៍ឯក Nguyen Van Hoan បានជម្រាបជូនមន្ត្រីនៃកងយោធពលខេមរភូមិន្ទអំពីមជ្ឈមណ្ឌលវិទ្យុ និងទូរទស្សន៍យោធា។

ក្នុងអំឡុងពេលហ្វឹកហ្វឺននៅប្រទេសវៀតណាមលើកនេះ មន្ត្រីនៃកងយោពលខេមរភូមិន្ទនឹងត្រូវបានមជ្ឈមណ្ឌលវិទ្យុនិងទូរទស្សន៍យោធាចែករំលែកបទពិសោធន៍លើជំនាញសរសេរអត្ថបទព័ត៌មាននៅក្នុងកម្មវិធីវិទ្យុ ជំនាញសម្ភាសន៍ និន្នាការអភិវឌ្ឍទូរទស្សន៍ទំនើប ជំនាញថតវីដេអូ និងបច្ចេកទេសកែសម្រួលវីដេអូ៕

បកប្រែដោយ Duy Hoan