ហ្វឹកហ្វឺនយ៉ាងសកម្មសម្រាប់ជំនួបប្រាស្រ័យមិត្តភាពការពារជាតិព្រំដែនវៀតណាម-កម្ពុជា

កងកម្លាំងដែលចូលរួមបំរើជំនួបប្រាស្រ័យមិត្តភាពការពារជាតិព្រំដែនវៀតណាម-កម្ពុជាលើកទី ២ ក្នុងឆ្នាំ ២០២៥ មានចំនួន ៦៤៥ នាក់ រួមមានកងកម្លាំងដូចជា កងកិត្តិយស ក្រុមតន្រ្តីយោធា កម្លាំងបំរើ និងបើកបរ...។

បណ្ដាកងកម្លាំងចូលរួមហ្វឹកហ្វឺន

ក្រុមតន្រ្តីយោធារបស់ក្រសួងការពារប្រទេស និងយោធភូមិភាគទី ៥ ហ្វឹកហ្វឺន

កងកម្លាំងទាំងអស់ត្រូវបានប្រមូលផ្តុំគ្នានៅមជ្ឈមណ្ឌលហ្វឹកហ្វឺនប្រកួតប្រជែង និងកីឡានៃយោធភូមិភាគនៅកងពលធំលេខ ៥ ពីថ្ងៃទី ១៩ ខែតុលា។ យុទ្ធជនភាគច្រើននៃកងពលធំលេខ ៥  ដែលចូលរួមក្នុងជំនួបប្រាស្រ័យមិត្ដភាពលើកនេះ បានឆ្លងកាត់ការហ្វឹកហ្វឺននៅក្នុងព្រឹត្តិការណ៍សំខាន់ៗរបស់ប្រទេសជាតិនៅឆ្នាំ ២០២៥ ដូចជាខួបលើកទី ៥០ នៃទិវារំដោះភាគខាងត្បូង និងបង្រួបបង្រួមជាតិ (ថ្ងៃទី ៣០ ខែមេសា ឆ្នាំ ១៩៧៥ - ថ្ងៃទី ៣០ ខែមេសា ឆ្នាំ ២០២៥) និងខួបលើកទី ៨០ នៃទិវាបុណ្យជាតិវៀតណាម (ថ្ងៃទី ២ ខែកញ្ញា ឆ្នាំ ១៩៤៥ - ថ្ងៃទី ២ ខែកញ្ញា ឆ្នាំ ២០២៥)។

យោងតាមផែនការ ចាប់ពីថ្ងៃទី ៦ ដល់ថ្ងៃទី ៩ ខែវិច្ឆិកា ការហ្វឹកហ្វឺនរួមគ្នានឹងធ្វើឡើងនៅមជ្ឈមណ្ឌលប្រកួតប្រជែង និងកីឡានៃយោធភូមិភាគទី ៧ នៅកងពលធំលេខ ៥; នៅថ្ងៃទី ១០ ខែវិច្ឆិកា នឹងប្រព្រឹត្ដទៅការហាត់សមរួមចុងក្រោយនៅច្រកទ្វារព្រំដែនម៉ុកបៃ ឃុំ Ben Cau ខេត្ត   Tay Ninh និងទីតាំងផ្សេងទៀតដែលប្រព្រឹត្ដទៅជំនួបប្រាស្រ័យមិត្ដភាព។ នៅថ្ងៃទី ១៣ ខែវិច្ឆិកា នឹងប្រព្រឹ្ដទៅពិធីទទួលស្វាគមន៍ជាផ្លូវការ  ហើយនៅថ្ងៃទី ១៤ ខែវិច្ឆិកា នឹងប្រព្រឹត្ដទៅពិធីជូនដំណើរគណៈប្រតិភូនៅច្រកទ្វារព្រំដែនម៉ុកបៃ ឃុំ  Ben Cau ខេត្ត Tay Ninh៕

បកប្រែដោយ Pham Diep