កងទ័ពកម្ពុជាមានកិត្តិយស និងមោទនភាពបានចូលរួមដង្ហែក្បួនព្យុហយាត្រានៅប្រទេសវៀតណាម

លោកនាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេសផ្តល់បទសម្ភាសន៍ដល់ទីភ្នាក់ងារសារព័ត៌មានវៀតណាម (រូបថត៖ vnanet.vn)

ការដែល​ត្រូវបានតំណាងឲ្យកងយោធពលខេមរភូមិន្ទចូលរួមដង្ហែក្បួនព្យុហយាត្រាក្នុងពិធីអបអរសាទរទិវាជ័យជម្នះជាប្រវត្តិសាស្ត្រ ៣០ មេសា ១៩៧៥ ជាកិត្តិយស និងមោទនភាពសម្រាប់កងរាជអាវុធហត្ថកម្ពុជា ព្រោះព្រឹត្តិការណ៍នេះមិនត្រឹមតែសម្រាប់ប្រទេសវៀតណាមប៉ុណ្ណោះទេ ថែមទាំងមានអត្ថន័យខាងការទូត និងជាសារនយោបាយដ៏សំខាន់មួយធ្វើឱ្យពិភពលោកយល់បន្ថែមអំពីតួនាទីរបស់កងទ័ពប្រជាជនវៀតណាម និងប្រទេសវៀតណាមទៀត​ផង​។ នេះបើយោងតាមការចែករំលែករបស់លោកនាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស ក្នុងឱកាស​ផ្តល់បទសម្ភាសន៍ជាមួយអ្នកយកព័ត៌មានវៀតណាម នៅរាជធានីភ្នំពេញនាថ្ងៃទី៥ ឧសភា។

បើតាមលោកនាយឧត្តមសេនីយ៍ សៅ សុខា រួមជាមួយនឹងកិត្តិយសដែលត្រូវបានថ្នាក់លើប្រគល់ភារកិច្ចជូននោះ កងរាជអាវុធហត្ថកម្ពុជា ក៏មានមោទនភាពដែលបានចូលរួមក្នុងការដង្ហែក្បួនព្យុហយាត្រា​ជាមួយមិត្តភក្តិមកពីប្រទេសវៀតណាម ឡាវ និងចិន។ នេះជាការដង្ហែក្បួនព្យុហយាត្រារួមគ្នាជាលើកដំបូង ដែលធ្វើឡើងនៅប្រទេសជិតខាង ដោយមានការចូលរួមពីកងទ័ពបរទេស ក្នុងបរិបទដែលពិភពលោកប្រឈមមុខនឹងបញ្ហាជាច្រើន៕

បកប្រែដោយ Duy Hoan