អង្គភាពទ័ពលេខទី១៦ នៃកងទ័ពប្រជាជនវៀតណាម អញ្ជើញទៅសួរសុខទុក្ខ និងជូនពរកងកម្លាំងប្រដាប់អាវុធកម្ពុជា

អញ្ជើញទៅសួរសុខទុក្ខ និងជូនពរឆ្នាំថ្មី នៅអគ្គនាយកដ្ឋានសេវាកម្មយោធា និងនាយកដ្ឋានអភិវឌ្ឍន៍ លោកឧត្តមសេនីយ៍ត្រី Pham Ba Hien  បានជូនពរដល់នាយទាហាន នាយទាហានរង និងពលទាហានទាំងអស់ ជួបប្រទះតែសេចក្តីសុខ សេចក្តីចម្រើន និងជោគជ័យគ្រប់ភារកិច្ច ក្នុងបុព្វហេតុកសាង និងអភិវឌ្ឍន៍ប្រទេសជាតិ។ ជូនពរឲ្យចំណងសាមគ្គីភាពមិត្តភាពរវាងវៀតណាមនិងកម្ពុជាកាន់តែរីកចម្រើន។

លោកឧត្តមសេនីយ៍ត្រី Pham Ba Hien មេបញ្ជាការអង្គភាពទ័ពលេខ១៦ និង លោកឧត្តមសេនីយ៍ទោ អ៊ុក ហឿនពិសី នាយក នាយកដ្ឋានអភិវឌ្ឍន៍ ក្រសួងការពារជាតិ សង្ឃឹមថា នាពេលខាងមុខ ភាគីទាំងពីរនឹងបន្តសហការគ្នាកាន់តែជិតស្និទ្ធថែមទៀត ក្នុងការអនុវត្តការងារគ្រប់គ្រង និងការពារព្រំដែនជាតិ

លោកឧត្តមសេនីយ៍ត្រី Pham Ba Hien សង្ឃឹមថានាពេលខាងមុខ ភាគីទាំងពីរនឹងបន្តសហការយ៉ាងជិតស្និទ្ធថែមទៀតក្នុងការអនុវត្តភារកិច្ចគ្រប់គ្រង និងការពារព្រំដែនជាតិ ប្រយុទ្ធប្រឆាំងនឹងបទល្មើសគ្រប់ប្រភេទនៅតាមតំបន់ព្រំដែន ជាពិសេសឧក្រិដ្ឋកម្មគ្រឿងញៀន ការជួញដូរមនុស្ស និងអន្តោប្រវេសន៍ខុសច្បាប់។

ជាពិសេសក្នុងឱកាសបុណ្យចូលឆ្នាំថ្មីរបស់ប្រទេសទាំងពីរ កងកម្លាំងទាំងពីរតែងតែបានជួបសំណេះសំណាល និងអបអរសាទរគ្នាទៅវិញទៅមក ដែលនេះបង្ហាញពីការយកចិត្តទុកដាក់ និងថែរក្សាចំណងសាមគ្គីភាពរវាងភាគីទាំងពីរ ហើយនេះក៏ជាមូលដ្ឋានគ្រឹះសម្រាប់ជំនាន់ក្រោយ ក្នុងការបន្តមរតក និងលើកតម្កើង។

លោកឧត្តមសេនីយ៍ត្រី Pham Ba Hien  មេបញ្ជាការអង្គភាពទ័ពលេខ១៦ អញ្ជើញទៅសួរសុខទុក្ខ និងជូនពរឆ្នាំថ្មី ជូនចំពោះ  លោកឧត្តមសេនីយ៍ទោ យ៉ង់ ម៉ៅ អគ្គនាយករង អគ្គនាយកដ្ឋានយោធសេវាក្រសួងការពារជាតិ

លោកវរសេនីយ៍ឯក Doan Ngoc Qua មេបញ្ជាការរងអង្គភាពទ័ពលេខ១៦ និងគណៈប្រតិភូ បានអញ្ជើញទៅសួរសុខទុក្ខ និងជូនពរឆ្នាំថ្មីដល់នាយទាហាន នាយទាហានរងនៃកងវរសេនាតូចលេខ១១៥ និងកងវរសេនាតូចលេខ២២៥ នៃតំបន់ប្រតិបត្តិការសឹករងមណ្ឌលគិរី និងក្រចេះ

លោកឧត្តមសេនីយ៍ទោ អ៊ុក ហឿនពិសី នាយក នាយកដ្ឋានអភិវឌ្ឍន៍ ក្រសួងការពារជាតិ បានសម្តែងនូវសេចក្តីសោមនស្សរីករាយ និងថ្លែងអំណរគុណចំពោះគណៈប្រតិភូនៃអង្គភាពទ័ពលេខ១៦។ ទន្ទឹមនឹងនោះ លោកបានបញ្ជាក់ថា នាពេលខាងមុខនេះ នាយកដ្ឋានអភិវឌ្ឍន៍នឹងបន្តសហការយ៉ាងជិតស្និទ្ធជាមួយអង្គភាពទ័ពលេខ១៦ក្នុងការការពារសន្តិសុខ សណ្តាប់ធ្នាប់ ប្រយុទ្ធប្រឆាំងនឹងល្មើសគ្រប់ប្រភេទនៅតំបន់ព្រំដែន និងប្រយុទ្ធប្រឆាំងនឹងល្បិចកលរបស់ពួកអរិភាពដើម្បីប៉ុនប៉ងចង់បំផ្លិចបំផ្លាញសន្តិសុខសណ្ដាប់ធ្នាប់តាមព្រំដែន។

ក្នុងដំណើរបំពេញទស្សនកិច្ចការងារនេះ លោកវរសេនីយ៍ឯក Doan Ngoc Qua មេបញ្ជាការរងអង្គភាពទ័ពលេខ១៦ និងគណៈប្រតិភូ បានអញ្ជើញទៅសួរសុខទុក្ខ និងជូនពរឆ្នាំថ្មីដល់នាយទាហាន នាយទាហានរងនៃកងវរសេនាតូចលេខ១១៥ និងកងវរសេនាតូចលេខ២២៥ នៃតំបន់ប្រតិបត្តិការសឹករងមណ្ឌលគិរី និងក្រចេះ៕

បកប្រែដោយ Duy Hoan