គណៈប្រតិភូខេត្ត Dong Nai អញ្ជើញទៅសួរសុខទុក្ខ និង និងជូនពរឆ្នាំថ្មី នៅព្រះរាជាណាចក្រកម្ពុជា

ថ្នាក់ដឹកនាំខេត្ត Dong Nai និងកំពង់ធំ ក្នុងជំនួប នាថ្ងៃទី១១ ខែមេសា ឆ្នាំ២០២៥

ក្នុងជំនួបនេះ លោក Cao Tien Dung តាងនាមថ្នាក់ដឹកនាំខេត្ត Dong Nai បានជូនពរថ្នាក់ដឹកនាំ និងប្រជាជនខេត្តកំពង់ធំ ជួបតែសេចក្តីសុខ សុភមង្គល  និងជោគជ័យគ្រប់ភារកិច្ច។ លោក Cao Tien Dung ក៏បានជម្រាបជូនថ្នាក់ដឹកនាំ អាជ្ញាធរ និងប្រជាជនខេត្តកំពង់ធំអំពីស្ថានភាពអភិវឌ្ឍសេដ្ឋកិច្ចសង្គមរបស់ខេត្ត Dong Nai ផងដែរ។

ដើម្បីអភិវឌ្ឍទំនាក់ទំនងមិត្តភាព សាមគ្គីភាព និងកិច្ចសហប្រតិបត្តិការលើគ្រប់វិស័យរវាងវៀតណាម និងកម្ពុជានិយាយរួម និងរវាងខេត្ត Dong Nai និងមូលដ្ឋាននានារបស់កម្ពុជានិយាយដោយឡែក ដែលក្នុងនោះមានខេត្តកំពង់ធំ នាពេលកន្លងមក គណៈកម្មាធិការបក្ស អាជ្ញាធរ និងប្រជាជនខេត្ត Dong Nai បានបន្តពង្រឹងទំនាក់ទំនងដ៏ល្អប្រពៃជាមួយខេត្តកំពង់ធំ លើវិស័យជាច្រើន និងសម្រេចបានលទ្ធផលវិជ្ជមានជាច្រើន។ ខេត្តDong Nai ក៏បានបង្កើតសមាគមមិត្តភាពវៀតណាម-កម្ពុជាប្រចាំខេត្ត Dong Nai ដែលបច្ចុប្បន្នមានសមាជិកជាង ៦ពាន់នាក់។

ថ្នាក់ដឹកនាំខេត្ត Dong Nai ជូនអំណោយដល់ថ្នាក់ដឹកនាំខេត្តកំពង់ធំ

ខេត្ត Dong Nai ជឿជាក់ថា ក្រោមការដឹកនាំដ៏ឈ្លាសវៃរបស់ថ្នាក់ដឹកនាំខេត្តកំពង់ធំ អាជ្ញាធរ និងប្រជាជនខេត្តកំពង់ធំ នឹងបន្តសម្រេចបានសមិទ្ធិផលជាច្រើនក្នុងការអភិវឌ្ឍសេដ្ឋកិច្ចសង្គមនាពេលខាងមុខ។ ទន្ទឹមនឹងនោះ  ខេត្ត Dong Nai សង្ឃឹមថា ខេត្តដុងណៃ និងកំពង់ធំ ក៏ដូចជាមូលដ្ឋាននានានៃព្រះរាជាណាចក្រកម្ពុជា នឹងបន្តរក្សា និងអភិវឌ្ឍជានិច្ចនូវទំនាក់ទំនងមិត្តភាព និងកិច្ចសហប្រតិបត្តិការលើគ្រប់វិស័យ។

ក្នុងឱកាសនេះ ក្នុងនាមថ្នាក់ដឹកនាំខេត្ត លោក Cao Tien Dung បានអញ្ជើញថ្នាក់ដឹកនាំខេត្តកំពង់ធំ មកទស្សនា ការងារនៅខេត្ត Dong Nai។

ថ្នាក់ដឹកនាំខេត្ត Dong Nai និងខេត្តកំពង់ធំ ថតរូបទុកជាអនុស្សាវរីយ៍

លោក  ដៀប ពីរី ប្រធានក្រុមប្រឹក្សាប្រជាជនខេត្តកំពង់ធំ បានថ្លែងអំណរគុណចំពោះថ្នាក់ដឹកនាំខេត្ត Dong Nai ដែលអញ្ជើញមកសួរសុខទុក្ខ  និងជូនពរក្នុងឱកាសបុណ្យចូលឆ្នាំថ្មីប្រពៃណីជាតិនៃព្រះរាជាណាចក្រកម្ពុជា។

លោក ដៀប ពីរី ក៏បានជម្រាបជូនគណៈប្រតិភូខេត្ត Dong Nai អំពីការអភិវឌ្ឍសេដ្ឋកិច្ចសង្គមរបស់ខេត្តកំពង់ធំ ហើយសង្ឃឹមថាខេត្តទាំងពីរនឹងបន្តពង្រឹងចំណងសាមគ្គីភាព មិត្តភាព និងកិច្ចសហប្រតិបត្តិការរវាងខេត្តទាំងពីរ និយាយដោយឡែក និងវៀតណាម និងកម្ពុជានិយាយរួម៕

បកប្រែដោយ Duy Hoan