ជួយឧបត្ថម្ភការពារសុខភាពរបស់ពលករនៅកម្ពុជា

មានប្រសាសន៍នៅក្នុងកម្មវិធីនេះ លោក Nguyen Minh Vu ឯកអគ្គរដ្ឋទូតវៀតណាមប្រចាំនៅកម្ពុជា បានលើសរសើរចំពោះការសម្របសម្រួលយ៉ាងជិតស្និទ្ធរវាងមន្ទីរពេទ្យ និងសហគ្រាសវៀតណាមនៅកម្ពុជា ក្នុងការថែទាំ និងការពារសុខភាពរបស់ពលករ និងប្រជាជនក្នុងមូលដ្ឋាន។

លោក Nguyen Minh Vu ឯកអគ្គរដ្ឋទូតវៀតណាមប្រចាំនៅកម្ពុជា មានប្រសាសន៍នៅក្នុងកម្មវិធី (រូបថត៖ nhandan.vn)

ក្រុមវេជ្ជបណ្ឌិត និងគិលានុបដ្ឋាយិកាចំនួន ២៦នាក់ មកពីមន្ទីរពេទ្យជោរៃ-ភ្នំពេញ បានពិនិត្យសុខភាព និងចែកថ្នាំពេទ្យដោយឥតគិតថ្លៃដល់ពលករចំនួន ៥០០ នាក់ក្នុងនោះមានជនជាតិដើមកំណើតវៀតណាម ២០០ នាក់ និងជនជាតិខ្មែរ ៣០០ នាក់។

ពលករត្រូវបានពិនិត្យសុខភាព និងផ្តល់ថ្នាំពេទ្យដោយឥតគិតថ្លៃនៅក្នុងកម្មវិធី (រូបថត៖ nhandan.vn)

មានប្រសាសន៍នៅក្នុងកម្មវិធី លោក Ly Kolel អភិបាលរងស្រុកស្នួល ខេត្តក្រចេះ បានទទួលស្គាល់នូវការយកចិត្តទុកដាក់ជាប្រចាំរបស់ស្ថានទូតវៀតណាម និងមន្ទីរពេទ្យ និងអង្គភាពអាជីវកម្ម ដែលតែងតែលើកកំពស់ប្រសិទ្ធភាពនៃការថែទាំ និងពិនិត្យសុខភាពដោយឥតគិតថ្លៃជូនពលករ និងប្រជាជនក្នុងមូលដ្ឋាន។

ស្រុកស្នួលបច្ចុប្បន្នជាមូលដ្ឋានដែលមានគម្រោងវិនិយោគជាច្រើនរបស់វៀតណាម។ អភិបាលរងស្រុកស្នួល បានវាយតំលៃខ្ពស់ចំពោះគោលនយោបាយសុខុមាលភាព និងការរួមចំណែកខាងសុខុមាលភាពសង្គមដល់មូលដ្ឋាននៃសហគ្រាសវៀតណាមនិយាយរួម និងក្រុមហ៊ុន Thaco Agri និយាយដោយឡែកសម្រាប់ពលករកម្ពុជា៕

បកប្រែដោយ Huyen Trang