គណៈប្រតិភូខេត្ត Ca Mau អញ្ជើញទៅសួរសុខទុក្ខ និងជូនពរឆ្នាំថ្មីដល់បញ្ជាការដ្ឋានកងរាជអាវុធហត្ថលើផ្ទៃប្រទេស និងនាយកដ្ឋានអភិវឌ្ឍន៍

លោកឧត្តមសេនីយ៍ត្រី អេង ហ៊ី ស្នងការនៃស្នងការដ្ឋានទំនាក់ទំនងកិច្ចការសាធារណៈ និងជាអ្នកនាំពាក្យកងរាជអាវុធហត្ថលើផ្ទៃប្រទេស និងលោកឧត្តមសេនីយ៍ទោ អ៊ុក ហឿនពិសី នាយកនៃនាយកដ្នានអភិវឌ្ឍន៍ នៃក្រសួងការពារជាតិ បានទទួលជួបគណៈប្រតិភូ។

លោក Ho Trung Viet (ឆ្វេង) ប្រគល់អំណោយជូនបញ្ជាការដ្ឋានកងរាជអាវុធហត្ថលើផ្ទៃប្រទេសក្នុងឱកាសចូលឆ្នាំថ្មីប្រពៃណីជាតិខ្មែរ

ក្នុងជំនួបនេះ លោក Ho Trung Viet បានជូនពរថ្នាក់ដឹកនាំ និងកងកម្លាំងនៃអង្គភាពទាំងអស់ជួបតែសេចក្តីសុខ សុភមង្គល និងសុខសន្តិភាពក្នុងឆ្នាំថ្មី។ លោក Ho Trung Viet បានចែករំលែកថា៖ នៅខេត្ត Ca Mau មានជនរួមជាតិខ្មែររស់នៅយ៉ាងច្រើនកុះករកំពុងរៀបចំពិធីបុណ្យចូលឆ្នាំថ្មីប្រពៃណីដែរ។

លោក Ho Trung Viet ប្រគល់អំណោយជូននាយកដ្ឋានអភិវឌ្ឍន៍ក្នុងឱកាសចូលឆ្នាំថ្មីប្រពៃណីជាតិខ្មែរ

តំណាងបញ្ជាការដ្ឋានកងរាជអាវុធហត្ថលើផ្ទៃប្រទេស និងនាយកដ្ឋានអភិវឌ្ឍន៍នៃក្រសួងការពារជាតិ មានសេចក្តីសោមនស្សរីករាយដោយបានទទួលស្វាគមន៍គណៈប្រតិភូ និងថ្លែងអំណរគុណយ៉ាងជ្រាលជ្រៅចំពោះថ្នាក់ដឹកនាំខេត្ត Ca Mau ដែលបានយកចិត្តទុកដាក់រៀបចំគណៈប្រតិភូមកសួរសុខទុក្ខ និងជូនពរឆ្នាំថ្មីប្រពៃណីជាតិខ្មែរ។ ព្រមទាំងជូនព័ត៌មានអំពីការអនុវត្តការងាររបស់អង្គភាពនាពេលកន្លងមក។ តំណាងអង្គភាពទាំងពីរសង្ឃឹមថា នឹងបានទទួលស្វាគមន៍គណៈប្រតិភូខេត្ត Ca Mau ជារៀងរាល់ឆ្នាំ ពីព្រោះនេះជាឱកាសសម្រាប់ជួបជុំគ្នា ផ្លាស់ប្តូរ និងជំរុញទំនាក់ទំនងមិត្តភាពយូរអង្វែងរវាងភាគីនានា។

គណៈប្រតិភូខេត្ត Ca Mau ថតរូបអនុស្សាវរីយ៍ជាមួយថ្នាក់ដឹកនាំនាយកដ្ឋានអភិវឌ្ឍន៍

ក្នុងឱកាសនេះដែរ ខេត្ត Ca Mau បានឧបត្ថម្ភថវិកា ៥០០ លានដុង ដល់នាយកដ្ឋានអភិវឌ្ឍន៍ ដើម្បីសាងសង់ហេដ្ឋារចនាសម្ព័ន្ធរបស់អង្គភាព។ តាងនាមនាយកដ្ឋានអភិវឌ្ឍន៍ លោកឧត្តមសេនីយ៍ទោ អ៊ុក ហឿនពិសី បានថ្លែងអំណរគុណចំពោះថ្នាក់ដឹកនាំខេត្ត Ca Mau ដែលបានយកចិត្តទុកដាក់ និងជួយគាំទ្រអង្គភាពនាពេលកន្លងមក។ ទន្ទឹមនឹងនោះ លោកឧត្តមសេនីយ៍ទោ អ៊ុក ហឿនពិសី មានបំណងចង់ឲ្យចំណងសាមគ្គីភាព និងមិត្តភាពរវាងខេត្ត Ca Mau និងនាយកដ្ឋានអភិវឌ្ឍន៍នឹងកាន់តែត្រូវបានរឹតបន្តឹង និងរឹងមាំ៕

បកប្រែដោយ Pham Diep