លោកនាយករដ្ឋមន្ត្រីសិង្ហបុរីមកដល់ទីក្រុងហាណូយ ចាប់ផ្តើមដំណើរទស្សនកិច្ចជាផ្លូវការនៅវៀតណាម

ទទួលស្វាគមន៍គណៈប្រតិភូនៅអាកាសយានដ្ឋានអន្តរជាតិ Noi Bai មាន៖ លោក Nguyen Manh Hung រដ្ឋមន្ត្រីក្រសួងវិទ្យាសាស្ត្រនិងបច្ចេកវិទ្យា; លោក Nguyen Manh Cuong អនុរដ្ឋមន្ត្រីក្រសួងការបរទេស;លោក Tran Phuoc Anh ឯកអគ្គរដ្ឋទូតវៀតណាមប្រចាំនៅសិង្ហបុរី។

លោក Nguyen Manh Hung អញ្ជើញស្វាគមន៍លោកLawrence Wong នាយករដ្ឋមន្ត្រីសិង្ហបុរី និងលោកជំទាវភរិយានៅអាកាសយានដ្ឋានអន្តរជាតិ Noi Bai (ហាណូយ) (រូបថត៖ vnanet.vn)

ដំណើរទស្សនកិច្ចផ្លូវការរបស់លោកនាយករដ្ឋមន្ត្រី Lawrence Wong នៅវៀតណាមធ្វើឡើងក្នុងបរិបទដែលវៀតណាមនិងសិង្ហបុរីកំពុងអនុវត្តកិច្ចសហប្រតិបត្តិការក្នុងទំនាក់ទំនងភាពជាដៃគូយុទ្ធសាស្ត្រលើគ្រប់ជ្រុងជ្រោយដែលភាគីទាំងពីរទើបតែលើកកម្ពស់ ក្នុងអំឡុងដំណើរទស្សនកិច្ចរបស់ លោក To Lam អគ្គលេខាបក្សនៅសិង្ហបុរី។ យោងតាមលោក Jaya Ratnam ឯកអគ្គរដ្ឋទូតសិង្ហបុរីប្រចាំនៅវៀតណាម  ខ្លឹមសារសំខាន់នៃដំណើរទស្សនកិច្ចនាពេលថ្មីៗនេះរបស់លោក To Lam អគ្គលេខាបក្ស ទៅកាន់ប្រទេសសិង្ហបុរីគឺដើម្បីបញ្ជាក់ឡើងវិញនូវការប្តេជ្ញាចិត្តរួមគ្នា របស់ប្រទេសទាំងពីរក្នុងការពង្រឹងកិច្ចសហប្រតិបត្តិការទ្វេភាគី។ ដូច្នេះ បណ្ដាសកម្មភាពរបស់នាយករដ្ឋមន្ត្រីសិង្ហបុរីនៅវៀតណាមក៏ឆ្លុះបញ្ចាំងពីគោលដៅនេះ ទន្ទឹមនឹងនោះ ស្វែងរកដំណោះស្រាយដើម្បីឱ្យសិង្ហបុរីនិងវៀតណាមអាចរឹតបន្តឹងទំនាក់ទំនងបន្ថែមទៀត ដើម្បីជំនះរាល់ការលំបាក  បង្កើនភាពធន់ និងស្ទុះឈានទៅមុខយ៉ាងខ្លាំងក្លា៕

តាម ​vovworld.vn