នាវាលេខ ២៦៣ ចាកចេញពីកំពង់ផែក្រុងព្រះសីហនុ បញ្ចប់ដំណើរទស្សនកិច្ច និងការជួបប្រាស្រ័យនៅកម្ពុជា

ក្នុងរយៈពេល ៤ ថ្ងៃ គណៈប្រតិភូតំបន់លេខ៥ កងទ័ពជើងទឹកប្រជាជនវៀតណាម បានទៅទស្សនា និងជួបប្រាស្រ័យជាមួយទីបញ្ជាការស្រាល បញ្ជាការដ្ឋានការពារកោះ ឆ្នេរ និងមូលដ្ឋានកងទ័ពជើងទឹករាម។

នាវាលេខ ២៦៣ ដឹកគណៈប្រតិភូតំបន់លេខ៥ កងទ័ពជើងទឹកប្រជាជនវៀតណាម ចូលចតនៅកំពង់ផែក្រុងព្រះសីហនុ

ក្នុងឱកាសនេះ គណៈប្រតិភូបានជួបពិភាក្សា ផ្លាស់ប្តូរព័ត៌មាន ចែករំលែកបទពិសោធន៍ការងារ និងសម្របសម្រួលជាមួយអង្គភាពកងទ័ពជើងទឹក កងយោធពលខេមរភូមិន្ទ ដើម្បីរៀបចំសកម្មភាពផ្លាស់ប្តូរវប្បធម៌ សិល្បៈ និងកីឡា។

គណៈប្រតិភូ ជួបប្រាស្រ័យជាមួយទីបញ្ជាការស្រាល បញ្ជាការដ្ឋានការពារកោះ ឆ្នេរ

ដំណើរទស្សនកិច្ចរបស់គណៈប្រតិភូត្រូវបានភាគីទាំងពីរវាយតម្លៃថាមានសារៈសំខាន់លើគ្រប់វិស័យ ជំរុញទំនាក់ទំនងមិត្តភាព កិច្ចសហប្រតិបត្តិការ ការយល់ដឹងគ្នា ការជឿទុកចិត្ត និងការជួយគ្នាទៅវិញទៅមករវាងកងទ័ពជើងទឹកនៃប្រទេសទាំងពីរ។ អាស្រ័យហេតុនេះ រួមចំណែករក្សាសន្តិភាព និងស្ថិរភាពក្នុងតំបន់ដែនទឹកជាប់ព្រំដែន និងតំបន់ដែនទឹកប្រវត្តិសាស្ត្រកម្ពុជា-វៀតណាម។

គណៈប្រតិភូថ្វាយផ្កាអុជធូបនៅស្តូបមិត្តភាព កម្ពុជា-វៀតណាម

ក្នុងដំណើរទស្សនកិច្ចនេះ គណៈប្រតិភូតំបន់លេខ៥ កងទ័ពជើងទឹកប្រជាជនវៀតណាម បានចូលជួបសម្តែងការគួរសមនៅស្ថានអគ្គកុងស៊ុលវៀតណាមប្រចាំខេត្តព្រះសីហនុ ថ្វាយផ្កាអុជធូបនៅស្តូបមិត្តភាពវៀតណាម-កម្ពុជា ដើម្បីគោរពវិញ្ញានក្ខ័ន្ធយុទ្ធជនពលី កងទ័ពស្ម័គ្រចិត្តវៀតណាម ដែលបានពលីជីវិតក្នុងការតស៊ូផ្តួលរំលំរបបប្រល័យពូជសាសន៍ ប៉ុល ពត ជួយប្រជាជនកម្ពុជាឱ្យរួចផុតពីគ្រោះមហន្តរាយនៃការប្រល័យពូជសាសន៍៕

បកប្រែដោយ Huyen Trang