ថ្នាក់ដឹកនាំខេត្ត Kon Tum ទៅសួរសុខទុក្ខ និងជូនពរឆ្នាំថ្មីប្រពៃណីជាតិខ្មែរនៅខេត្តស្ទឹងត្រែង

ទិដ្ឋភាពនៃជំនួប (រូបថត៖ kontum.gov.vn)

ក្នុងឱកាសនេះ អនុប្រធានគណៈកម្មាធិការប្រជាជនខេត្ត Kon Tum លោក Nguyen Huu Thap បានផ្តល់អំណោយ និងជូនពរ មន្ត្រី និងប្រជាពលរដ្ឋក្នុងខេត្តស្ទឹងត្រែងជួបតែសេចក្តីសុខចម្រើន និងសុភមង្គលក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ និងជូនពរខេត្តកាន់តែរីកចម្រើនថែមទៀត។

លោក Nguyen Huu Thap បានចាត់ទុកថា ខេត្តទាំងពីរមិនជាប់ព្រំដែនជាមួយគ្នាទេ ប៉ុន្តែបើនិយាយពីលក្ខខណៈធម្មជាតិវិញ មានភាពស្រដៀងគ្នាជាច្រើនដែលអាចសហប្រតិបត្តិការអភិវឌ្ឍន៍ជាមួយគ្នាលើវិស័យដែលភាគីនីមួយៗចាប់អារម្មណ៍។

ក្នុងឱកាសនេះ ខេត្ត Kon Tum បានប្រគល់ជូនខេត្តស្ទឹងត្រែង នូវទឹកប្រាក់ចំនួន ២០០ លានដុង ដើម្បីជួយឧបត្ថម្ភជនក្រីក្រ ក្នុងឱកាសបុណ្យចូលឆ្នាំថ្មី (រូបថត៖ kontum.gov.vn)

អភិបាលខេត្តស្ទឹងត្រែង បានថ្លែងអំណរគុណចំពោះគណៈប្រតិភូខេត្ត Kon Tum ដែលបានមកសួរសុខទុក្ខ និងជូនពរប្រជាជនកម្ពុជាក្នុងឱកាសបុណ្យចូលឆ្នាំថ្មីប្រពៃណីជាតិ។ លោកបានរំពឹងថា នាពេលខាងមុខ ទំនាក់ទំនងរវាងខេត្ត Kon Tum និងខេត្តស្ទឹងត្រែងនឹងមានភាពស្និទ្ធស្នាលថែមទៀត រួមចំណែករឹតបន្តឹងចំណងសាមគ្គីភាព កិច្ចសហប្រតិបត្តិការ មិត្តភាព និងការអភិវឌ្ឍរវាងខេត្តទាំងពីរ៕

បកប្រែដោយ Huyen Trang