ខេត្ដ Dong Thap បានប្រគល់ឧបករណ៍វេជ្ជសាស្រ្តនិងបរិក្ខារពេទ្យជូនខេត្ដព្រៃវែងដើម្បីប្រយុទ្ធប្រឆាំងនឹងការរាតត្បាត Covid-19

តំណាងថ្នាក់ដឹកនាំខេត្ដ Dong Thap បានប្រគល់ឧបករណ៍វេជ្ជសាស្រ្តនិងបរិក្ខាពេទ្យជូនខេត្ដព្រៃវែង

លោក ជា សុមេធី អភិបាលខេត្តព្រៃវែង បានថ្លែងអំណរគុណដល់អាជ្ញាធរ និងប្រជាជនខេត្ត Dong Thap ដែលបានចែករំលែកនិងជួយគាំទ្រដល់ខេត្តព្រៃវែងក្នុងគ្រាលំបាក ជាពិសេសកងកម្លាំងដែលកំពុងបំពេញការងារប្រយុទ្ធប្រឆាំងនឹងការរីករាលដាលនៃជំងឺ Covid-19 នៅតាមព្រំដែន។ លោក ជា សុមេធី មានបំណងចង់បន្តទទួលបានការជួយគាំទ្រពីខេត្ត Dong Thap ក្នុងការទប់ស្កាត់ការរីករាលដាលនៃជំងឺ Covid-19 នាពេលខាងមុខ។

ក្នុងឱកាសនេះដែរ លោក Nguyen Van Duong ប្រធានគណៈកម្មាធិការប្រជាជនខេត្ត Dong Thap បានផ្ញើសារអបអរសាទរដល់ប្រជាជននិងអាជ្ញាធរខេត្តព្រៃវែងក្នុងឱកាសបុណ្យចូលឆ្នាំថ្មីប្រពៃណីជាតិកម្ពុជា។ 

លោក Nguyen Van Duong បានស្នើឲ្យកងកម្លាំងដែលកំពុងបំពេញការងារនៅតាមព្រំដែនទាំងសងខាងត្រូវបង្កើនការយាមល្បាតនិងត្រួតពិនិត្យតំបន់សំខាន់ៗដូចជាផ្លូវលំដើម្បីទប់ស្កាត់ករណីឆ្លងដែនខុសច្បាប់ ព្រមទាំងផ្សព្វផ្សាយនិងធ្វើចលនាឲ្យប្រជាពលរដ្ឋលើកកម្ពស់ការយល់ដឹងនិងអនុវត្តវិធានការនានាដើម្បីប្រយុទ្ធប្រឆាំងនឹងការរាតត្បាត Covid-19 ប្រកប​ដោយប្រសិទ្ធភាព៕

បកប្រែដោយ Pham Diep