ស្ថានអគ្គកុងស៊ុលវៀតណាមប្រចាំខេត្តព្រះសីហនុ រៀបចំពិធីរំលឹកខួបលើកទី៨០ នៃទិវាបុណ្យឯករាជ្យជាតិថ្ងៃទី​​ ២ ខែកញ្ញា

ថ្លែងក្នុងពិធីនេះ លោក Lai Xuan Chien អគ្គកុងស៊ុលវៀតណាមប្រចាំខេត្តព្រះសីហនុ បានសង្កត់ធ្ងន់ថា ឆ្លងកាត់ ៨០ ឆ្នាំមកនេះ ក្រោមការដឹកនាំដ៏ឈ្លាសវៃរបស់បក្សកុម្មុយនិស្តវៀតណាម ប្រជាជនវៀតណាមបានទទួលបានជ័យជំនះ និងសមិទ្ធិផលធំៗជាច្រើន។ សមិទ្ធិផលទាំងនេះគឺជាមូលដ្ឋានគ្រឹះ និងកម្លាំងចលករដ៏រឹងមាំ នាំឱ្យវៀតណាមឈានចូលយុគសម័យនៃការរីកចម្រើន អរិយធម៌  និងវិបុលភាព។

លោក Lai Xuan Chien អគ្គកុងស៊ុលវៀតណាមប្រចាំខេត្តព្រះសីហនុ ថ្លែងក្នុងពិធី (រូបថត៖ vnanet.vn)

ដោយអះអាងថា វៀតណាម និងកម្ពុជាគឺជាប្រទេសជិតខាងល្អដែលមានទំនាក់ទំនងយូរអង្វែង ជោគវាសនារបស់ប្រទេសទាំងពីរមិនអាចកាត់ផ្តាច់ពីគ្នាបានទេ លោកអគ្គកុងស៊ុល Lai Xuan Chien បានឲ្យដឹងថា ជំនាន់ក្រោយបច្ចុប្បន្នកំពុងបន្តរក្សាទំនាក់ទំនងមិត្តភាពជាប្រពៃណី និងជួយគ្នាទៅវិញទៅមក ដែលមនុស្សជំនាន់មុនបានខិតខំប្រឹងប្រែងកសាង និងពូនជ្រំ និងកិច្ចសហប្រតិបត្តិការកាន់តែជិតស្និទ្ធ និងមានប្រសិទ្ធភាពក្នុងបុព្វហេតុអភិវឌ្ឍន៍ប្រទេសជាតិ ដើម្បីផលប្រយោជន៍របស់ប្រជាជននៃប្រទេសទាំងពីរ។

លោក Lai Xuan Chien អគ្គកុងស៊ុល បានអះអាងថា ទោះបីជាមានការវិវឌ្ឍយ៉ាងស្មុគស្មាញ និងមិនអាចទាយទុកជាមុនបានក្នុងពិភពលោក និងតំបន់ក៏ដោយ ទំនាក់ទំនងវៀតណាម-កម្ពុជា តែងតែត្រូវបានរក្សា ពង្រឹងនិងពង្រីកឥតឈប់ឈរ តាមពាក្យស្លោក អ្នកជិតខាងល្អ មិត្ដភាពជាប្រពៃណី កិច្ចសហប្រតិបត្តិការគ្រប់ជ្រុងជ្រោយ និរន្តរភាពយូរអង្វែង” ដើម្បីផលប្រយោជន៍របស់ប្រជាជននៃប្រទេសទាំងពីរ រួមចំណែកជាវិជ្ជមានដល់សមាគមប្រជាជាតិអាស៊ីអាគ្នេយ៍ (អាស៊ាន) ដើម្បីសន្តិភាព ស្ថិរភាព កិច្ចសហប្រតិបត្តិការ និងការអភិវឌ្ឍក្នុងតំបន់ និងពិភពលោក។

លោក ម៉ាង ស៊ីណេត អភិបាលខេត្តព្រះសីហនុ ថ្លែងក្នុងពិធី (រូបថត៖ vnanet.vn)

ក្នុងពិធីនេះ អភិបាលខេត្តព្រះសីហនុ លោក ម៉ាង ស៊ីណេត បានសម្តែងនូវក្តីសោមនស្សរីករាយ និងអបអរសាទរខួបលើកទី ៨០ នៃទិវាបុណ្យឯករាជ្យជាតិវៀតណាម។

លោក ម៉ាង ស៊ីណេត បានសង្កត់ធ្ងន់ថា ក្រោមការដឹកនាំដ៏ឈ្លាសវៃរបស់បក្សកុម្មុយនិស្តវៀតណាម និងរដ្ឋាភិបាលវៀតណាម វៀតណាមសម្រេចបានសមិទ្ធិផលអភិវឌ្ឍន៍គួរឲ្យកត់សម្គាល់ក្នុងវិស័យសេដ្ឋកិច្ច និងសង្គម។ អាស្រ័យហេតុនេះ លើកកំពស់កិត្យានុភាពរបស់វៀតណាមក្នុងតំបន់ និងលើឆាកអន្តរជាតិ ទន្ទឹមនឹងនោះ រួមចំណែកដល់សន្តិភាព ស្ថិរភាព និងការអភិវឌ្ឍក្នុងតំបន់។

ប្រតិភូទាំងឡាយចូលរួមពិធី (រូបថត៖ vnanet.vn)

បើតាមអភិបាលខេត្តព្រះសីហនុ ដោយឈរលើមូលដ្ឋាននៃការគោរព និងគាំទ្រគ្នាទៅវិញទៅមក ទំនាក់ទំនងជិតស្និទ្ធរវាងកម្ពុជា និងវៀតណាម បាននាំមកនូវផលប្រយោជន៍ជាច្រើនដល់ប្រទេស និងប្រជាជននៃប្រទេសទាំងពីរ ព្រមទាំងរួមចំណែកយ៉ាងសំខាន់ក្នុងការរក្សាសន្តិភាព ស្ថិរភាព ការអភិវឌ្ឍប្រកបដោយចីរភាព និងវិបុលភាពក្នុងតំបន់៕

បកប្រែដោយ Pham Diep