នារសៀលថ្ងៃទី១ ខែកញ្ញា នៅវិមានរដ្ឋសភា លោក Tran Thanh Man ប្រធានរដ្ឋសភាវៀតណាម បានជួបពិភាក្សាការងារជាមួយ សម្តេចតេជោ ហ៊ុន សែន ប្រធានគណបក្សប្រជាជនកម្ពុជា ប្រធានព្រឹទ្ធសភាកម្ពុជា ក្នុងឱកាសដែលសម្តេចតេជោ ហ៊ុន សែន អញ្ជើញចូលរួមខួបលើកទី៨០ នៃបដិវត្តន៍ខែសីហាទទួលបានជោគជ័យ និងទិវាបុណ្យឯករាជ្យជាតិវៀតណាម (២ កញ្ញា ១៩៤៥ - ២ កញ្ញា ២០២៥)។
នៅទីនេះ ភាគីទាំងពីរបានអះអាងថាតែងតែយកចិត្តទុកដាក់ចំពោះការអភិវឌ្ឍន៍ទំនាក់ទំនងភាពជាអ្នកជិតខាងល្អ មិត្តភាពប្រពៃណី កិច្ចសហប្រតិបត្តិការលើគ្រប់វិស័យ និងស្ថិតស្ថិយូរអង្វែងរវាងវៀតណាម និងកម្ពុជា។ ភាគីទាំងពីរមានគោលបំណងនាំទំហំពាណិជ្ជកម្មទ្វេភាគីឡើងដល់ ២០ ពាន់លានដុល្លារនាពេលខាងមុខ។
មេដឹកនាំទាំងពីរបានឯកភាពបន្តលើកកំពស់តួនាទីរបស់ស្ថាប័ននីតិប្បញ្ញត្តិនៃប្រទេសទាំងពីរក្នុងការជំរុញទំនាក់ទំនងទ្វេភាគី ហើយត្រួតពិនិត្យនិងជំរុញក្រសួង ស្ថាប័ន និងមូលដ្ឋាននានា និងសហគ្រាសនៃប្រទេសទាំងពីរឱ្យអនុវត្តយ៉ាងសកម្ម និងប្រកបដោយប្រសិទ្ធភាពនូវសន្ធិសញ្ញា និងកិច្ចព្រមព្រៀងដែលបានចុះហត្ថលេខា។ បង្កើនការផ្លាស់ប្តូរព័ត៌មាន និងចែករំលែកបទពិសោធន៍ក្នុងការរៀបចំប្រកបដោយប្រសិទ្ធភាពនូវសកម្មភាពរបស់ស្ថាប័ននីតិប្បញ្ញត្តិ ជាពិសេសក្នុងការកសាង ប្រព័ន្ធច្បាប់ និងការត្រួតពិនិត្យការអនុវត្តច្បាប់ និងរួមចំណែកដល់ការសម្រេចចិត្តសំខាន់ៗរបស់ប្រទេសនីមួយៗ។
បកប្រែដោយ Duy Hoan
Type the code from the image