វៀតណាមគាំទ្រការពង្រឹងកិច្ចសហប្រតិបត្តិការរវាង SCO និងអង្គការអន្តរជាតិ និងតំបន់

នេះត្រូវបានគូសបញ្ជាក់ដោយ លោក Pham Minh Chinh នាយករដ្ឋមន្ត្រីវៀតណាម នៅក្នុងសុន្ទរកថារបស់លោកនាថ្ងៃទី ១ ខែកញ្ញា នៅក្នុងកិច្ចប្រជុំកំពូលរបស់អង្គការសហប្រតិបត្តិការសៀងហៃ (SCO) នៅទីក្រុង Tianjin ប្រទេសចិន។

លោក Pham Minh Chinh នាយករដ្ឋមន្ត្រីវៀតណាមថ្លែងមតិក្នុងកិច្ចប្រជុំកំពូលអង្គការសហប្រតិបត្តិការសៀងហៃ (SCO) (រូបថត៖ VOV)

ក្នុងសុន្ទរកថា លោក Pham Minh Chinh នាយករដ្ឋមន្ត្រីវៀតណាម បានអះអាងថា វៀតណាមវាយតម្លៃខ្ពស់ចំពោះតួនាទី និងគាំទ្រការពង្រឹងកិច្ចសហប្រតិបត្តិការរវាង SCO និងអង្គការអន្តរជាតិ និងតំបន់ ជាពិសេសជាមួយសមាគមប្រជាជាតិអាស៊ីអាគ្នេយ៍ (អាស៊ាន) ដើម្បីពង្រឹងតួនាទីមជ្ឈភាពរបស់អាស៊ានក្នុងរចនាសម្ព័ន្ធតំបន់ដែលកំពុងវិវត្ត។ លោកនាយករដ្ឋមន្ត្រីវៀតណាមបានស្នើនូវដំណោះស្រាយចំនួនបី រួមមាន៖ ការលើកកម្ពស់ពហុភាគីនិយម សាមគ្គីភាព និងកិច្ចសហប្រតិបត្តិការអន្តរជាតិក្នុងការដោះស្រាយបញ្ហាប្រឈមសន្តិសុខប្រពៃណី និងមិនមែនប្រពៃណី។ បង្កើនការកៀរគរធនធានសម្រាប់ការអភិវឌ្ឍ និងការលើកកម្ពស់សមត្ថភាពអភិបាលកិច្ចសកល។ ការពង្រឹងទំនុកចិត្ត ការយោគយល់គ្នា និងកិច្ចសហប្រតិបត្តិការដែលមានផលប្រយោជន៍ទៅវិញទៅមក ...

លោក Pham Minh Chinh នាយករដ្ឋមន្ត្រីវៀតណាម បានអះអាងថា វៀតណាមនឹងបន្តអនុវត្តយ៉ាងខ្ជាប់ខ្ជួននូវគោលនយោបាយការបរទេស ឯករាជ្យភាព ខ្លួនទីពឹងខ្លួន សន្តិភាព មិត្តភាព កិច្ចសហប្រតិបត្តិការ និងការអភិវឌ្ឍ ពហុភាគី និងធ្វើពិពិធកម្មទំនាក់ទំនងបរទេស (រូបថត៖ VNA)

លោក Pham Minh Chinh នាយករដ្ឋមន្ត្រីវៀតណាមបានអះអាងថា៖ “វៀតណាមនឹងបន្តអនុវត្តយ៉ាងខ្ជាប់ខ្ជួននូវគោលនយោបាយការបរទេស ឯករាជ្យ ភាពខ្លួនទីពឹងខ្លួន សន្តិភាព មិត្តភាព កិច្ចសហប្រតិបត្តិការ និងការអភិវឌ្ឍ ពហុភាគី និងធ្វើពិពិធកម្មទំនាក់ទំនងបរទេស ជាមិត្តល្អ ជាដៃគូដែលអាចទុកចិត្តបាន និងជាសមាជិកប្រកបដោយការទទួលខុសត្រូវរបស់សហគមន៍អន្តរជាតិ ហើយប្រកាន់ខ្ជាប់យ៉ាងម៉ឺងម៉ាត់នូវគោលនយោបាយការពារប្រទេសសមាជិក “៤ មិន”។

លោកនាយករដ្ឋមន្ត្រីបានសង្កត់ធ្ងន់ថា វៀតណាមបន្តសហប្រតិបត្តិការយ៉ាងជិតស្និទ្ធ និងមានប្រសិទ្ធភាពជាមួយប្រទេសជាសមាជិក និងដៃគូអង្គការសហប្រតិបត្តិការសៀងហៃ និងមិត្តភ័ក្តិ និងដៃគូអន្តរជាតិ រួមចំណែករក្សាបរិយាកាសសន្តិភាព សហប្រតិបត្តិការ និងអភិវឌ្ឍន៍ក្នុងតំបន់អាស៊ីប៉ាស៊ីហ្វិក”៕

បកប្រែដោយ Duy Hoan