វៀតណាម-ចិន៖ ជំរុញកិច្ចសហប្រតិបត្តិការសភាឱ្យក្លាយជាសសរស្តម្ភសំខាន់នៃទំនាក់ទំនងទ្វេភាគី

នៅក្នុងជំនួបពិភាក្សា លោក Tran Thanh Man ប្រធានរដ្ឋសភាវៀតណាម បានស្នើថា ភាគីទាំងពីរជំរុញកិច្ចសហប្រតិបត្តិការសភា ដើម្បីក្លាយជាសសរស្តម្ភសំខាន់នៃទំនាក់ទំនងទ្វេភាគី  បង្កើនការផ្លាស់ប្តូរគណៈប្រតិភូគ្រប់ជាន់ថ្នាក់នៃរដ្ឋសភា សមាជិករដ្ឋសភា និងគណៈប្រតិភូក្រុមប្រឹក្សាប្រជាជនមូលដ្ឋាននៃប្រទេសទាំងពីរ និងគាំទ្រគ្នាទៅវិញទៅមកនៅវេទិកាអន្តរសភាថ្នាក់តំបន់ និងអន្តរជាតិ។ លោក Tran Thanh Man ប្រធានរដ្ឋសភាវៀតណាម បានអះអាងថា វៀតណាមជានិច្ចកាលយកចិត្តទុកដាក់ និងផ្តល់អាទិភាពកំពូលក្នុងការអភិវឌ្ឍន៍ទំនាក់ទំនងជាមួយចិន។

លោក Tran Thanh Man ប្រធានរដ្ឋសភាវៀតណាម និង លោក Zhao Leji ប្រធានគណៈកម្មាធិការអចិន្ត្រៃយ៍នៃសភាតំណាងប្រជាជនទូទាំងប្រទេសចិន

តាងនាមបក្ស រដ្ឋ និងប្រជាជនចិន លោក Zhao Leji ប្រធានគណៈកម្មាធិការអចិន្ត្រៃយ៍នៃសភាតំណាងប្រជាជនទូទាំងប្រទេសចិន  បានសង្កត់ធ្ងន់ថា ចិនមានត្រៀមខ្លួនជាស្រេចសហការជាមួយវៀតណាម ដើម្បីអនុវត្តជាក់ស្តែងការយល់ដឹងរួមរវាងអគ្គលេខាបក្សទាំងពីរ ជម្រុញការអភិវឌ្ឍន៍ទំនាក់ទំនងរវាងបក្សទាំងពីរ និងប្រទេសទាំងពីរក្នុងទិសដៅ “៦ បន្ថែមទៀត”។ អាស្រ័យលើនេះ ចិនមានឆន្ទៈបង្កើនការជឿទុកចិត្តផ្នែកនយោបាយ រក្សាការផ្លាស់ប្តូរកម្រិតខ្ពស់ អនុវត្តការផ្លាស់ប្តូរ និងចែករំលែកបទពិសោធន៍ក្នុងការគ្រប់គ្រងបក្ស និងអភិបាលកិច្ចជាតិ

ធ្វើឱ្យប្រសើរឡើងនូវគុណភាព និងប្រសិទ្ធភាពនៃកិច្ចសហប្រតិបត្តិការសំខាន់ៗ រួមទាំងការតភ្ជាប់គំនិតផ្តួចផ្តើមខ្សែក្រវាត់ និងផ្លូវជាមួយគំនិតផ្តួចផ្តើមច្រករបៀងពីរ ខ្សែក្រវាត់មួយ កិច្ចសហប្រតិបត្តិការក្នុងការកសាងផ្លូវរថភ្លើងខ្នាតស្តង់ដារចំនួនបីតភ្ជាប់ប្រទេសទាំងពីរ។ ធ្វើឲ្យប្រសើរឡើងនូវមូលដ្ឋានសង្គមដោយការអនុវត្តសកម្មភាពផ្លាស់ប្តូររវាងប្រជាជន និងមូលដ្ឋាននៃប្រទេសទាំងពីរ និងពង្រឹងការសម្របសម្រួលក្នុងយន្តការអន្តរសភាពហុភាគី។

លោក Tran Thanh Man ប្រធានរដ្ឋសភាវៀតណាម ជួបពិភាក្សាការងារជាមួយ លោក Zhao Leji ប្រធានគណៈកម្មាធិការអចិន្ត្រៃយ៍នៃសភាតំណាងប្រជាជនទូទាំងប្រទេសចិន   (រូបថត៖ Le Tuyet/VOV)

នៅក្នុងជំនួបនេះ ភាគីទាំងពីរបានពិភាក្សាអំពីបញ្ហាដែនសមុទ្រ ឯកភាពអនុវត្តការយល់ដឹងរួមកម្រិតខ្ពស់ សម្របសម្រួលដោះស្រាយបញ្ហាដែនសមុទ្រឱ្យបានត្រឹមត្រូវ និងរក្សាបរិយាកាសសន្តិភាព និងស្ថិរភាព។

បន្ទាប់ពីជំនួបនេះ លោក Tran Thanh Man ប្រធានរដ្ឋសភាវៀតណាម និង លោក Zhao Leji ប្រធានគណៈកម្មាធិការអចិន្ត្រៃយ៍នៃសភាតំណាងប្រជាជនទូទាំងប្រទេសចិន  បានធ្វើជាសហប្រធាននៃសម័យប្រជុំលើកទី១ នៃគណៈកម្មាធិការសហប្រតិបត្តិការរវាងរដ្ឋសភាវៀតណាម និងសភាប្រជាជនចិន។ ភាគីទាំងពីរបានពិភាក្សាអំពីការងារនីតិប្បញ្ញត្តិ ការត្រួតពិនិត្យលើបញ្ហាសំខាន់ៗដែលគ្នាទៅវិញទៅមកទាក់ទងនឹងសន្តិសុខជាតិ និងការលើកកម្ពស់កិច្ចសហប្រតិបត្តិការសេដ្ឋកិច្ច ពាណិជ្ជកម្ម និងកិច្ចសហប្រតិបត្តិការវិទ្យាសាស្ត្រ និងបច្ចេកវិទ្យា៕

បកប្រែដោយ Duy Hoan