ក្នុងឱកាសអញ្ជើញចូលរួមកិច្ចប្រជុំកំពូលអង្គការសហប្រតិបត្តិការសៀងហៃ (SCO) នៅទីក្រុង Tianjin ប្រទេសចិន នាព្រឹកថ្ងៃទី៣១ ខែសីហា លោក Pham Minh Chinh នាយករដ្ឋមន្ត្រីវៀតណាម បានទទួលជួបជាមួយ លោក Jin Liqun ប្រធានធនាគារវិនិយោគហេដ្ឋារចនាសម្ព័ន្ធអាស៊ី (AIIB)។
នៅក្នុងជំនួបនេះ លោក Pham Minh Chinh នាយករដ្ឋមន្ត្រី បានសង្កត់ធ្ងន់លើសារៈសំខាន់នៃការពន្លឿនការអនុវត្តផ្លូវដែក Lao Cai - Hanoi - Hai Phong តភ្ជាប់វៀតណាមជាមួយចិន និងបណ្តាញអគ្គិសនីតភ្ជាប់វៀតណាមជាមួយបណ្តាប្រទេសអាស៊ាន ហើយស្នើឲ្យ AIIB យកចិត្តទុកដាក់លើការឧបត្ថម្ភធនសម្រាប់វៀតណាមអនុវត្តគម្រោងសំខាន់ទាំងពីរនេះ។
លើសពីនេះ លោកនាយករដ្ឋមន្ត្រីក៏បានស្នើឱ្យ AIIB បន្តផ្តល់ហិរញ្ញប្បទានដោយផ្ទាល់ដល់គម្រោងហេដ្ឋារចនាសម្ព័ន្ធសំខាន់ៗ និងបង្កើតលក្ខខណ្ឌអំណោយផលសម្រាប់សហគ្រាសរដ្ឋ និងឯកជនរបស់វៀតណាមក្នុងការខ្ចីកម្ចីអនុគ្រោះអំពីអត្រាការប្រាក់ រយៈពេលអនុគ្រោះ។ល។
រីឯខ្លួនវិញ លោក Jin Liqun ប្រធាន AIIB បានយល់ព្រមតាមសំណើរបស់ លោក Pham Minh Chinh នាយករដ្ឋមន្ត្រី និងបានអះអាងថា AIIB នឹងបន្តរួមដំណើរជាមួយ និងគាំទ្រវៀតណាមក្នុងការកៀងគរទុនដើម្បីអនុវត្តគម្រោងហេដ្ឋារចនាសម្ព័ន្ធសំខាន់ៗ ជាពិសេសគម្រោងស្តីពីថាមពលកកើតឡើងវិញ និងការឆ្លើយតបនឹងការប្រែប្រួលអាកាសធាតុ៕
បកប្រែដោយ Duy Hoan
Type the code from the image