លោក To Lam អគ្គលេខាបក្ស អុជធូបគោរពវិញ្ញាណក្ខន្ធលោកប្រធានហូជីមិញ នៅផ្ទះលេខ ៤៨ វិថី Hang Ngang ទីក្រុងហាណូយ

នៅទីនេះ គណៈប្រតិភូបានរំលឹកគុណូបការៈរបស់លោកប្រធានហូជីមិញ វីរៈបុរសរំដោះជាតិ អ្នកវប្បធម៌ឆ្នើម ដែលបានលះបង់អស់មួយជីវិតដើម្បីបុព្វហេតុបដិវត្តន៍របស់បក្ស និងប្រជាជាតិវៀតណាម។

លោក To Lam អគ្គលេខាបក្ស ទស្សនាកេរ្តិ៍ដំណែលផ្ទះលេខ ៤៨ វិថី Hang Ngang (រូបថត៖ vnanet.vn)

បន្ទាប់ពីពិធីអុជធូប លោក To Lam អគ្គលេខាបក្ស និងគណៈប្រតិភូបានអញ្ជើញទៅទស្សនាកេរ្តិ៍ដំណែលផ្ទះលេខ ៤៨ វិថី Hang Ngang ជាកន្លែងដែលលោកប្រធានហូជីមិញបានសរសេរសេចក្តីប្រកាសឯករាជ្យ ផ្តល់កំណើតដល់សាធារណរដ្ឋប្រជាធិបតេយ្យវៀតណាម។

សរសេរក្នុងសៀវភៅភ្ញៀវអនុស្សាវរីយ៍ លោក To Lam អគ្គលេខាបក្ស បានអះអាងថា បក្សទាំងមូល ប្រជាជនទាំងមូល និងកងទ័ពទាំងមូលនឹងបន្តថែរក្សា និងលើកកំពស់សមិទ្ធិផលបដិវត្តន៍ កសាងវៀតណាមឲ្យកាន់តែរីកចម្រើន និងខ្លាំងមាំមួន ប្រកៀកស្មាជាមួយមិត្តភ័ក្តិលើទ្វីបទាំង៥ ដូចដែលលោកប្រធានហូជីមិញតែងតែប្រាថ្នា៕ 

បកប្រែដោយ Huyen Trang