ឱកាសថ្មីសម្រាប់កិច្ចសហប្រតិបត្តិការពហុភាគី កម្លាំងចលករសម្រាប់កិច្ចសហប្រតិបត្តិការទ្វេភាគី

កិច្ចប្រជុំកំពូល SCO ឆ្នាំ ២០២៥ (កិច្ចប្រជុំ SCO) ដែលធ្វើឡើងនៅទីក្រុង Tianjin ប្រទេសចិន គឺជាសកម្មភាពដ៏សំខាន់បំផុតក្នុងសកម្មភាពជាង ១០ ដែលប្រទេសចិនបាន ហើយនឹងរៀបចំក្នុងតួ ជាប្រធានប្តូរវេនសម្រាប់ដំណាក់កាល ២០២៤-២០២៥។ ថ្នាក់ដឹកនាំប្រទេសជាង២០ និងថ្នាក់ដឹកនាំនៃអង្គការអន្តរជាតិមួយចំនួននឹងចូលរួមក្នុងព្រឹត្តិការណ៍នេះ។ សម័យប្រជុំនៃកិច្ចប្រចុំ SCO បើកទូលាយ មានប្រធានបទ “អនុវត្តពហុភាគីនិយម រក្សាសន្តិសុខក្នុងតំបន់ ជំរុញការអភិវឌ្ឍប្រកបដោយចីរភាព”។ ប្រទេសចិនបានចាត់ទុក SCO ជាសសរស្តម្ភក្នុងគោលនយោបាយការទូតអ្នកជិតខាងរបស់ខ្លួន។ ក្នុងប៉ុន្មានឆ្នាំថ្មីៗនេះ ក្រៅពីផ្តោតសំខាន់លើកិច្ចសហប្រតិបត្តិការសន្តិសុខ និងប្រឆាំងភេរវកម្ម SCO បានពង្រីកកិច្ចសហប្រតិបត្តិការពីវិស័យសន្តិសុខដល់វិស័យសេដ្ឋកិច្ច ការតភ្ជាប់ វប្បធម៌ អប់រំ ទេសចរណ៍។ល។

កិច្ចប្រជុំនេះបានធ្វើឡើងក្នុងបរិបទស្ថានភាពពិភពលោក និងតំបន់មានការវិវឌ្ឍយ៉ាងស្មុគស្មាញ។ អាស៊ីប៉ាស៊ីហ្វិក និងមហាសមុទ្រឥណ្ឌានៅបន្តជាកម្លាំងចលករនៃកំណើនពិភពលោក ប៉ុន្តែក៏ជាចំណុចផ្តោតនៃការប្រកួតប្រជែងនៃប្រទេសមហាអំណាច ខណៈដែលចំណុចក្តៅជាច្រើនកំពុងបង្ហាញសញ្ញានៃការផ្លាស់ប្តូរទៅកាន់តំបន់អាស៊ី។ល។

រូបថតឧទាហរណ៍ (vnanet.vn)

ក្នុងបរិបទនោះ ការចូលរួមរបស់លោកនាយករដ្ឋមន្ត្រីក្នុងព្រឹត្តិការណ៍នេះ និងសុន្ទរកថារបស់លោកនៅក្នុងសម័យប្រជុំនៃកិច្ចប្រជុំ SCO បើកទូលាយរួមជាមួយនឹងកិច្ចប្រជុំទ្វេភាគីជាមួយថ្នាក់ដឹកនាំបណ្តាប្រទេស អង្គការអន្តរជាតិ សាជីវកម្ម និងសហគ្រាសធំៗ នឹងជាឱកាសសម្រាប់វៀតណាម រួមវិភាគទាន និងលើកឡើងគំនិតផ្តួចផ្តើម រួមចំណែកជំរុញកិច្ចសហប្រតិបត្តិការដែលមានផលប្រយោជន៍ទៅវិញទៅមក ក៏ដូចជាគោលដៅរួមនៃកិច្ចប្រជុំ។ ដោយហេតុនោះ បញ្ជាក់ពីការបង្កើនតួនាទី ឋានៈ កិត្យានុភាពអន្តរជាតិកំពុងកើនឡើង និងការរួមចំណែកយ៉ាងសកម្ម និងមានទំនួលខុសត្រូវរបស់វៀតណាមនៅវេទិកាពហុភាគី។

កិច្ចប្រជុំ SCO ក៏ជាឱកាសសម្រាប់វៀតណាមបង្ហាញសមិទ្ធិផលនៃការអភិវឌ្ឍសេដ្ឋកិច្ចសង្គម សក្ដានុពល និងគុណសម្បត្តិ បញ្ជាក់ការប្តេជ្ញាចិត្ត និងការខិតខំប្រឹងប្រែងក្នុងការអនុវត្តគោលដៅកំណើន និងទិសដៅយុទ្ធសាស្ត្ររបស់ប្រទេសក្នុងយុគសម័យថ្មី ទន្ទឹមនឹងនោះ កៀរគរធនធាន ដើម្បីបម្រើគោលដៅអភិវឌ្ឍប្រទេស ជាពិសេសឆ្នាំ២០២៥ ដែលជាឆ្នាំពន្លឿន និងឈានទៅរកការសម្រេចបាននូវគោលដៅដែលបានកំណត់ដោយមហាសន្និបាតលើកទី១៣ របស់បក្ស។ នេះក៏ជាឱកាសសម្រាប់វៀតណាមបង្កើនការផ្លាស់ប្តូរបទពិសោធន៍ ស្វែងរកកាលានុវត្តភាពសហប្រតិបត្តិការលើវិស័យហេដ្ឋារចនាសម្ព័ន្ធ logistics ថាមពល វិទ្យាសាស្ត្រ បច្ចេកវិទ្យា ការអប់រំ និងការជួបប្រាស្រ័យរវាងប្រជាជន និងប្រជាជន ក្នុងតំបន់អាស៊ី-អឺរ៉ុបដ៏ធំទូលាយ។

ក្នុងដំណើរទស្សនកិច្ចការងារ លោកនាយករដ្ឋមន្ត្រីនឹងមានសកម្មភាពទ្វេភាគីជាមួយចិន រួមទាំងជំនួបជាមួយថ្នាក់ដឹកនាំជាន់ខ្ពស់ ដោយហេតុនោះបានអះអាងនូវគោលការណ៍ដោយឥតងាករេរបស់បក្ស និងរដ្ឋ ដែលយកចិត្តទុកដាក់យ៉ាងខ្លាំងជានិច្ច និងផ្តល់អាទិភាពកំពូលចំពោះទំនាក់ទំនងវៀតណាម-ចិន។ ទន្ទឹមនឹងនោះ អនុវត្តជាក់ស្តែង និងប្រកបដោយប្រសិទ្ធភាពនូវការយល់ដឹងរួមកម្រិតខ្ពស់ក្នុងដំណើរទស្សនកិច្ចទៅវិញទៅមករវាងអគ្គលេខាបក្សទាំងពីរ។

ដំណើរទស្សនកិច្ចការងាររបស់នាយករដ្ឋមន្ត្រីវៀតណាមជាថ្មីម្តងទៀត អះអាងនូវសន្ទុះអភិវឌ្ឍន៍វិជ្ជមាន និងអំណោយផលបន្ថែមទៀត ដោយមានការផ្លាស់ប្តូរយ៉ាងច្បាស់លាស់ និងគ្រប់ជ្រុងជ្រោយក្នុងទិសដៅ “៦ បន្ថែមទៀត” ជាពិសេសបន្ទាប់ពីទំនាក់ទំនងភាពជាដៃគូសហប្រតិបត្តិការយុទ្ធសាស្ត្រ គ្រប់ជ្រុងជ្រោយ វៀតណាម-ចិន ត្រូវបានលើកតម្កើងទៅជាសហគមន៍ចែករំលែកអនាគតប្រកបដោយអត្ថន័យជាយុទ្ធសាស្ត្រ។ ក្នុងរយៈពេលកន្លងមក ទំនាក់ទំនងសហប្រតិបត្តិការ វៀតណាម-ចិន សម្រេចបានលទ្ធផលសំខាន់ៗជាច្រើន ជាពិសេសក្នុងបរិបទដែលប្រទេសទាំងពីរប្រារព្ធខួបលើកទី ៧៥ នៃការបង្កើតទំនាក់ទំនងការទូត (១៨ មករា ១៩៥០ / ១៨ មករា ២០២៥) និងឆ្នាំផ្លាស់ប្តូរមនុស្សធម៌ វៀតណាម-ចិន ឆ្នាំ២០២៥។ ការជឿទុកចិត្តផ្នែកនយោបាយ បន្តត្រូវបានពង្រឹងតាមរយៈការផ្លាស់ប្តូរយុទ្ធសាស្រ្តកម្រិតខ្ពស់ដែលមិនធ្លាប់មានពីមុនមក។ យន្តការកិច្ចសហប្រតិបត្តិការកាន់តែទូលំទូលាយ។ កិច្ចសហប្រតិបត្តិការជាក់ស្តែងកំពុងអភិវឌ្ឍកាន់តែខ្លាំងឡើង ជាពិសេសក្នុងវិស័យសេដ្ឋកិច្ច ពាណិជ្ជកម្ម និងការវិនិយោគ។ ការជួបប្រាស្រ័យរវាងប្រជាជន និងប្រជាជន កិច្ចសហប្រតិបត្តិការអប់រំ និងវប្បធម៌ មានភាពរស់រវើក។ កិច្ចសហប្រតិបត្តិការក្នុងវេទិកាអន្តរជាតិក៏ត្រូវបានពង្រីក។ល។

ចាប់តាំងពីដើមឆ្នាំ ២០២៥ មក ភាគីទាំងពីរបានបន្តជំរុញការផ្លាស់ប្តូរ និងការជួបជុំថ្នាក់ជាន់ខ្ពស់ក្នុងទម្រង់ដែលអាចបត់បែនបានជាច្រើន។ គួររំលឹកថា លោក To Lam អគ្គលេខាបក្ស និងលោក Xi Jinping អគ្គលេខាបក្ស និងជាប្រធានរដ្ឋចិន បានជួបសន្ទនាតាមទូរស័ព្ទនៅថ្ងៃទី ១៥ មករា។ លោក Xi Jinping អគ្គលេខាបក្ស និងជាប្រធានរដ្ឋចិន បានមកបំពេញទស្សនកិច្ចផ្លូវរដ្ឋនៅវៀតណាម (ពីថ្ងៃទី១៤ ដល់ថ្ងៃទី១៥ ខែមេសា)។ល។ លោក Pham Minh Chinh នាយករដ្ឋមន្ត្រី បានចូលរួមកិច្ចប្រជុំអ្នកត្រួសត្រាយប្រចាំឆ្នាំលើកទី ១៦ នៃវេទិកាសេដ្ឋកិច្ចពិភពលោក (WEF) នៅទីក្រុង Tianjin ប្រទេសចិន (ពីថ្ងៃទី២៤ ដល់ថ្ងៃទី២៦ ខែមិថុនា ឆ្នាំ២០២៥)។

នៅឆ្នាំ ២០២៤ វៀតណាមនឹងរក្សាឋានៈរបស់ខ្លួនជាដៃគូពាណិជ្ជកម្មធំបំផុតក្នុងសមាគមប្រជាជាតិអាស៊ីអាគ្នេយ៍ (អាស៊ាន) និងជាដៃគូពាណិជ្ជកម្មធំជាងគេទីបួនរបស់ចិនទាក់ទងនឹងលក្ខណៈវិនិច្ឆ័យជាតិ (បន្ទាប់ពីសហរដ្ឋអាមេរិក ជប៉ុន និងកូរ៉េខាងត្បូង)។ នៅឆ្នាំ ២០២៤ ប្រទេសចិនជាប់ចំណាត់ថ្នាក់លេខ១ក្នុងចំនួនគម្រោងវិនិយោគថ្មីដែលមានគម្រោងចំនួន ៩៥៥ ស្មើនឹង ២៨.៣% និងទីបីនៃដើមទុនចុះបញ្ជីសរុបដែលមាន ៤.៧៣ ពាន់លានដុល្លារអាមេរិក (បន្ទាប់ពីសិង្ហបុរី និងកូរ៉េខាងត្បូង) កើនឡើង ៣.១%។

ដំណើរទស្សនកិច្ចការងាររបស់លោក Pham Minh Chinh នាយករដ្ឋមន្ត្រី ត្រូវបានគេរំពឹងថានឹងជំរុញបន្ថែមទៀតនូវកិច្ចសហប្រតិបត្តិការជាក់ស្តែងរវាងប្រទេសជិតខាងទាំងពីរ ជាពិសេសលើវិស័យសហប្រតិបត្តិការយុទ្ធសាស្ត្រ សន្តិសុខ អភិបាលកិច្ចសកល ការតភ្ជាប់ វប្បធម៌ ទេសចរណ៍។ល។

ដោយឈរលើមូលដ្ឋាននៃកិច្ចសហប្រតិបត្តិការមិត្តភាពជាប្រពៃណី និងទំនាក់ទំនងកំពុងអភិវឌ្ឍយ៉ាងល្អប្រសើរ ដំណើរទស្សនកិច្ចការងាររបស់លោក Pham Minh Chinh នាយករដ្ឋមន្ត្រី ទៅកាន់ប្រទេសចិនត្រូវបានជឿជាក់ថានឹងបើកឱកាសថ្មីសម្រាប់កិច្ចសហប្រតិបត្តិការពហុភាគី បង្កើតកម្លាំងចលករសម្រាប់កិច្ចសហប្រតិបត្តិការទ្វេភាគី បន្តធ្វើឱ្យស៊ីជម្រៅថែមទៀតនូវទំនាក់ទំនងភាពជាដៃគូសហប្រតិបត្តិការយុទ្ធសាស្ត្រគ្រប់ជ្រុងជ្រោយ រួមចំណែកជាក់ស្តែងដល់សន្តិភាព ស្ថិរភាព កិច្ចសហប្រតិបត្តិការ និងការអភិវឌ្ឍទៅវិញទៅមកក្នុងតំបន់ និងនៅលើពិភពលោក៕

បកប្រែដោយ Huyen Trang