នាយករដ្ឋមន្ត្រីប្រគល់សេចក្តីសម្រេចតែងតាំងរដ្ឋមន្ត្រីស្តីទីក្រសួងការបរទេស

មានប្រសាសន៍នៅក្នុងពិធី លោក Pham Minh Chinh នាយករដ្ឋមន្ត្រី បានសង្កត់ធ្ងន់ថា លោក Le Hoai Trung គឺជាថ្នាក់ដឹកនាំជាន់ខ្ពស់របស់បក្ស ជាគំរូក្នុងវិស័យនយោបាយ ការត្រិះរិះ ជាយុទ្ធសាស្ត្រ មុតស្រួច និងបានទទួលការបណ្តុះបណ្តាលប្រកបដោយវិជ្ជាជីវៈក្នុងវិស័យការទូត៖ ការទូតក្នុងយុគសម័យថ្មី រួមជាមួយនឹងភារកិច្ចការពារមាតុភូមិ ត្រូវដើរជួរមុខក្នុងការកំណត់អត្តសញ្ញាណ ចាប់យកឱកាស និងក្តាប់ជាប់ស្ថានភាព។ ការកសាងវិស័យការទូត "ទូលំទូលាយ ទំនើប វិជ្ជាជីវៈ" ស្មើភាពនឹងតំបន់ និងឈានដល់កម្រិតអន្តរជាតិ។ ក្នុងនោះ ភារកិច្ចដ៏សំខាន់គឺត្រូវបន្តបណ្តុះបណ្តាលក្រុមមន្ត្រីការទូតដែលមាន "ទាំងក្រហមនិងវិជ្ជាជីវៈ" ត្រួសត្រាយផ្លូវ ក្លាហាន សាមគ្គីគ្នា មានទំនួលខុសត្រូវ មានគំនិតច្នៃប្រឌិត និងផ្លាស់ ថ្មីក្នុងសកម្មភាពរបស់ខ្លួន។

លោក Pham Minh Chinh នាយករដ្ឋមន្ត្រី ប្រគល់សេចក្តីសម្រេចតែងតាំងលោក Le Hoai Trung លេខាគណៈកម្មាធិការមជ្ឈិមបក្ស ប្រធានការិយាល័យមជ្ឈិមបក្ស ឲ្យកាន់តំណែងជារដ្ឋមន្ត្រីស្តីទីក្រសួងការបរទេស (រូបថត៖ baochinhphu.vn)

ដោយទទួលភារកិច្ច លោក Le Hoai Trung រដ្ឋមន្ត្រីស្តីទីក្រសួងការបរទេស បានសន្យាថានឹងខិតខំបំពេញភារកិច្ចដែលបក្ស រដ្ឋ និងរដ្ឋាភិបាលប្រគល់ជូន រួមចំណែកលើកកំពស់ឋានៈ និងកិត្យានុភាពរបស់វៀតណាមលើឆាកអន្តរជាតិ៕

បកប្រែដោយ Thanh Cong