សហគ្រាស និងសហគ្រិនលើកកម្ពស់តួនាទី និងបេសកកម្មរបស់ពួកគេ ដើម្បីរួមដំណើរជាមួយប្រទេសជាតិ

កិច្ចប្រជុំនេះជាវេទិកាសំខាន់មួយសម្រាប់រដ្ឋាភិបាលផ្ទៀងស្តាប់មតិយោបល់ពីសហគមន៍ធុរកិច្ច។ តាមនោះ សុក្រឹត្យយន្តការ និងគោលនយោបាយដើម្បីលើកកម្ពស់កម្លាំងសមូហភាពសម្រាប់ការអភិវឌ្ឍសេដ្ឋកិច្ច-សង្គម។

លោក Pham Minh Chinh នាយករដ្ឋមន្ត្រី មានប្រសាសន៍នៅក្នុងកិច្ចប្រជុំ (រូបថត៖ vnanet.vn)

មានប្រសាសន៍ក្នុងកិច្ចប្រជុំ លោក Pham Minh Chinh នាយករដ្ឋមន្ត្រី បានសង្កត់ធ្ងន់ថា សហគមន៍ធុរកិច្ច និងក្រុមសហគ្រិនកំពុងអភិវឌ្ឍកាន់តែខ្លាំងឡើង ជានិច្ចកាលពង្រីកតួនាទីនិងបេសកកម្មត្រួសត្រាយផ្លូវ និងដើរជួរមុខក្នុងការអភិវឌ្ឍសេដ្ឋកិច្ចសង្គម និងសមាហរណកម្មយ៉ាងស៊ីជម្រៅជាមួយពិភពលោក។ លោក Pham Minh Chinh នាយករដ្ឋមន្ត្រី បានស្នើឱ្យសហគមន៍ធុរកិច្ចបន្តរួមដំណើរជាមួយរដ្ឋាភិបាល ខិតខំប្រឹងប្រែងស្វែងរកដំណោះស្រាយ និងទិសដៅប្រកបដោយភាពច្នៃប្រឌិត ក្លាហាន និងរីកចម្រើនដោយខ្លួនឯង ដើម្បីរួមចំណែកអភិវឌ្ឍប្រទេសជាតិ៖ សហគ្រាសបន្តលើកកម្ពស់ស្មារតីជាតិ ភាពម្ចាស់ការ ភាពខ្លួនទីពឹងខ្លួន និងខិតខំពុះពារជំនះការលំបាក និងបញ្ហាប្រឈមនានា។ ម្ចាស់ការផ្លាស់ថ្មីទម្រង់ផលិតកម្ម និងធ្វើអាជីវកម្ម រៀបចំរចនាសម្ព័ន្ធសហគ្រាសឡើងវិញ ផ្តោតលើការបណ្តុះបណ្តាល បង្កើនសមត្ថភាពគ្រប់គ្រង និងគុណភាពធនធានមនុស្ស។ អនុវត្តវិទ្យាសាស្ត្រ និងបច្ចេកវិទ្យាយ៉ាងខ្លាំង ដើម្បីប្រែក្លាយបញ្ហាប្រឈមទៅជាឱកាស អភិវឌ្ឍវប្បធម៌អាជីវកម្ម បង្កើតស្តង់ដារតម្លៃថ្មី យកចិត្តទុកដាក់បន្ថែមទៀតដល់ការបម្រើប្រជាជន និងតម្រូវការក្នុងស្រុក។ ពង្រីកទីផ្សារ និងឆ្ពោះទៅរកការចូលរួមនៅក្នុងខ្សែសង្វាក់តម្លៃសកល។

ក្នុងឱកាសនេះ លោក Pham Minh Chinh នាយករដ្ឋមន្ត្រី បានអំពាវនាវឲ្យសហគមន៍ធុរកិច្ច និងសហគ្រិនវៀតណាមរួមដំណើរជាមួយរដ្ឋាភិបាល ដើម្បីគោលដៅកសាងប្រទេសវៀតណាមដ៏ខ្លាំងមាំមួន វិបុលភាព ប្រជាជនមានជីវភាពសម្បូរធូរធារ និងសុភមង្គល៕

បកប្រែដោយ Thanh Cong