ពិធីដង្ហែក្បួនព្យុហយាត្រាអបអរសាទរខួបលើកទី ៨០ នៃបដិវត្តន៍ខែសីហា និងទិវាបុណ្យឯករាជ្យ​ជាតិថ្ងៃទី ២ កញ្ញា

អញ្ជើញចូលរួមព្រឹត្តិការណ៍នេះអញ្ជើញមានវត្តមានថ្នាក់ដឹកនាំជាន់ខ្ពស់របស់បក្ស រដ្ឋ រដ្ឋាភិបាល និងរដ្ឋសភាវៀតណាម អតីតបដិវត្តន៍ជើងចាស់ វីរៈអ្នកម្តាយវៀតណាម វីរបុរសនៃកងទ័ពប្រជាជន វីរៈបុរសពលកម្ម ឧត្តមសេនីយ៍ អតីតយុទ្ធជន តំណាងអង្គការនយោបាយ សហជីព រួមទាំងប្រជាជនវៀតណាមមួយចំនួនធំ។
ខាងអន្តរជាតិអញ្ជើញមានវត្តមាន លោក ថងលូន ស៊ីស៊ូលីត អគ្គលេខាបក្ស ប្រធានរដ្ឋឡាវ; សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា; លោក Miguel Díaz-Canel Bermúdez លេខាទីមួយ និងជាប្រធានរដ្ឋគុយបា និងភរិយា; លោក Zhao Leji ប្រធានគណៈកម្មាធិការអចិន្ត្រៃយ៍នៃសភាតំណាងប្រជាជនទូទាំងប្រទេសចិន; លោក Igor Sergeenko ប្រធានសភាតំណាងរាស្រ្ត (សភាជាន់ទាប) នៃប្រទេសបេឡារុស  ... រួមជាមួយតំណាងថ្នាក់ដឹកនាំនៃប្រទេសមួយចំនួន តំណាងស្ថានទូត និងអង្គការអន្តរជាតិនានាប្រចាំនៅវៀតណាម។

ជាកិច្ចចាប់ផ្តើមគឺជាកម្មវិធីសម្តែងស្គរថាំងឡុង ពិធីដង្ហែភ្លើងគប់តាមប្រពៃណី និងពិធីគោរពទង់ជាតិ។

លោក To Lam អគ្គលេខាគណៈកម្មាធិការមជ្ឈិមបក្សកុម្មុយនិស្តវៀតណាម អញ្ជើញថ្លែងសុន្ទរកថាអបអរសាទរ

លោក To Lam អគ្គលេខាគណៈកម្មាធិការមជ្ឈិមបក្សកុម្មុយនិស្តវៀតណាម អញ្ជើញថ្លែងសុន្ទរកថាអបអរសាទរខួបអនុស្សាវរីយ៍លើកទី ៨០ នៃបដិវត្តន៍ខែសីហា (១៩ សីហា ១៩៤៥ - ១៩ សីហា ២០២៥) និងទិវាបុណ្យឯករាជ្យ​ជាតិនៃសាធារណរដ្ឋសង្គមនិយមវៀតណាម (២ កញ្ញា ១៩៤៥-២ កញ្ញា ២០២៥)។

បន្ទាប់ពីសុន្ទរកថារបស់អគ្គលេខាបក្ស លោក To Lam គឺ កម្មវិធីដង្ហែក្បួន ព្យុហយាត្រា ដោយមានការចូលរួមរបស់មនុស្សប្រមាណ ១៦.០០០នាក់។ ពិធីបើកគឺការហោះហើរស្វាគមន៍របស់កងទ័ពអាកាស ប្រជាជនវៀតណាម។ បន្ទាប់មកគឺដង្ហែក្បួនព្យុហយាត្រា។ ទន្ទឹមនឹងនោះ ព្យុហយាត្រាសមុទ្របានប្រព្រឹត្តទៅនៅខេត្ត Khanh Hoa។

បន្ទាប់មក ក្រុមដង្ហែក្បួន ព្យុហយាត្រា នឹងបន្តធ្វើដំណើរតាមផ្លូវកណ្តាលនៃរដ្ឋធានីហាណូយ។

បកប្រែដោយ​ Duy Hoan