ត្រៀមរៀបចំឱ្យបានល្អសម្រាប់លំហាត់សមយុទ្ធស្វែងរក និងជួយសង្គ្រោះរួមរវាងកងទ័ពនៃប្រទេសទាំង ៣ វៀតណាម-ឡាវ-កម្ពុជា

លោកវរសេនីយ៍ឯក Pham Van Dung នាយរងសេនាធិការនៃយោធភូមិភាគ អនុប្រធានគណៈអចិន្ត្រៃយ៍នៃគណៈកម្មការដឹកនាំលំហាត់សមយុទ្ធយោធភូមិភាគទី៤ បានដឹកនាំកិច្ចប្រជុំ។

ទិដ្ឋភាពនៃកិច្ចប្រជុំ

ពិនិត្យយានជំនិះ និងសម្ភារៈដែលត្រៀមខ្លួនជាស្រេចចូលរួមលំហាត់សមយុទ្ធ

លំហាត់សមយុទ្ធស្វែងរក និងជួយសង្គ្រោះរួមរវាងកងទ័ពនៃប្រទេសទាំង៣ វៀតណាម-ឡាវ-កម្ពុជា គ្រោងនឹងប្រព្រឹត្តទៅនាពេលខាងមុខនៅប្រទេសឡាវ។ ដើម្បីត្រៀមរៀបចំឱ្យបានល្អសម្រាប់លំហាត់សមយុទ្ធ ក្នុងរយៈពេលកន្លងមក យោធភូមិភាគទី៤ បានផ្តោតសំខាន់លើការប្រកាន់ខ្ជាប់ ជ្រើសរើស និងបង្កើតកម្លាំងចូលរួមលំហាត់សមយុទ្ធឲ្យមានសមត្ថភាព និងសុខភាពល្អ ដោយប្រមូលផ្តុំនៅកងពលតូចវិស្វកម្មលេខ៤១៤ ដើម្បីហ្វឹកហ្វឺនអំពីការស្វែងរក ការជួយសង្គ្រោះ និងការជួយសង្គ្រោះបន្ទាន់ដល់ជនរងគ្រោះ... តាមផែនការដែលបានកំណត់។ យោធភូមិភាគទី៤ ក៏បានបំពេញបន្ថែម និងរៀបចំយ៉ាងពេញលេញ នូវសម្ភារៈបរិក្ខារ យានជំនិះ និងភស្តុភារ ដើម្បីបម្រើលំហាត់សមយុទ្ធផងដែរ។

កងកម្លាំងហ្វឹកហាត់ការស្វែងរក និងជួយសង្គ្រោះ

ដើម្បីចូលរួមលំហាត់សមយុទ្ធទទួលបានលទ្ធផលខ្ពស់ និងសុវត្ថិភាពទាំងស្រុង លោកវរសេនីយ៍ឯក Pham Van Dung បានស្នើឲ្យកងកម្លាំងដែលចូលរួមក្នុងលំហាត់សមយុទ្ធលើកនេះ បង្កើនស្មារតីទទួលខុសត្រូវ និងកំណត់ភារកិច្ចឱ្យបានល្អ៕

បកប្រែដោយ Huyen Trang